15.46C Vancouver 15.46C VancouverAug 8, 2022 7:24 PM - The Canadian Press
ਵੈਨਕੂਵਰ ਆਈਲੈਂਡ ਦੇ ਕੋਲ ਭੁਚਾਲ ਨੇ ਦਸਤਕ ਦਿੱਤੀ ਹੈ।
ਹਾਲਾਂਕਿ ਜਾਣਕਾਰੀ ਅਨੁਸਾਰ ਭੁਚਾਲ ਦੇ ਝਟਕਿਆਂ ਕਾਰਨ ਕੋਈ ਨੁਕਸਾਨ ਨਹੀਂ ਹੋਇਆ ਹੈ।
ਭੁਚਾਲ ਕਾਰਨ ਸੁਨਾਮੀ ਦਾ ਖਤਰਾ ਵੀ ਨਹੀਂ ਦੱਸਿਆ ਗਿਆ ਹੈ।
ਅਰਥਕੁਏਕ ਕੈਨੇਡਾ ਅਨੁਸਾਰ ਭੁਚਾਲ ਦੀ ਤੀਬਰਤਾ 4.6 ਮੈਗਨੀਟਿਊਡ ਦੀ ਰਹੀ ਸੀ।
ਏਜੈਂਸੀ ਅਨੁਸਾਰ ਭੁਚਾਲ ਨੇ ਅੱਜ ਤੜਕੇ ਕਰੀਬ 12.39 ਵਜੇ 'ਤੇ ਦਸਤਕ ਦਿੱਤੀ ਸੀ।
ਭੁਚਾਲ ਦਾ ਕੇਂਦਰ ਕਰੀਬ 10km ਦੀ ਗਹਿਰਾਈ 'ਤੇ ਦੱਸਿਆ ਗਿਆ ਸੀ।
ਏਜੈਂਸੀ ਦੀਆਂ ਰਿਪੋਰਟਸ ਅਨੁਸਾਰ ਭੁਚਾਲ ਦਾ ਐਪੀਸੈਂਟਰ ਵਿਕਟੋਰੀਆ ਤੋਂ ਕਰੀਬ 348km ਦੀ ਦੂਰੀ 'ਤੇ ਪੋਰਟ ਐਲਿਸ ਦੇ ਇਲਾਕੇ 'ਚ ਦਰਜ ਕੀਤਾ ਗਿਆ।
ਯੂਨਾਈਟਿਡ ਸਟੇਟਸ ਜੀਓਲੌਜੀਕਲ ਸਰਵੇ ਵੱਲੋਂ ਭੁਚਾਲ ਦਾ ਐਪੀਸੈਂਟਰ ਬੀ.ਸੀ. ਦੇ ਟੋਫੀਨੋ ਇਲਾਕੇ ਤੋਂ ਕਰੀਬ 205km ਦੀ ਦੂਰੀ 'ਤੇ ਦਰਜ ਕੀਤਾ ਗਿਆ।
ਭੁਚਾਲ ਕਾਰਨ ਕਿਸੇ ਦੇ ਜਖਮੀ ਹੋਣ ਜਾਂ ਕਿਸੇ ਮਾਲੀ ਨੁਕਸਾਨ ਦੀ ਜਾਣਕਾਰੀ ਨਹੀਂ ਹੈ।
