19.53C Vancouver 19.53C VancouverNov 7, 2023 9:46 PM - Connect News
ਐੱਨਡੀਪੀ ਲੀਡਰ ਜਗਮੀਤ ਸਿੰਘ ਦਾ ਕਹਿਣਾ ਹੈ ਕਿ ਫਿਲਹਾਲ ਲਿਬਰਲਸ ਨਾਲ ਸਪਲਾਈ ਅਤੇ ਕੌਨਫੀਡੈਂਸ ਸਮਝੌਤੇ ਨੂੰ ਤੋੜਨ ਦੀ ਕੋਈ ਯੋਜਨਾ ਨਹੀਂ ਹੈ।
ਉਨ੍ਹਾਂ ਕਿਹਾ ਕਿ ਜੇ ਐੱਨ. ਡੀ. ਪੀ. ਨੇ ਅਜਿਹਾ ਕੀਤਾ ਤਾਂ ਲਿਬਰਲਸ ਨਾਲ ਸਮਝੌਤੇ ਵਿੱਚ ਸ਼ਾਮਲ ਡੈਂਟਲ ਕੇਅਰ ਅਤੇ ਹੋਰ ਪ੍ਰਮੁੱਖ ਮੁੱਦੇ ਲਾਗੂ ਹੋਣ ਤੋਂ ਲਟਕ ਜਾਣਗੇ।
ਜਗਮੀਤ ਸਿੰਘ ਦਾ ਕਹਿਣਾ ਸੀ ਐੱਨ. ਡੀ. ਪੀ. ਡੈਂਟਲ ਕੇਅਰ ਵਰਗੀਆਂ ਚੀਜ਼ਾਂ ਲਈ ਸਰਕਾਰ 'ਤੇ ਦਬਾਅ ਪਾਉਣਾ ਜਾਰੀ ਰੱਖੇਗੀ।
ਉਨ੍ਹਾਂ ਕਿਹਾ ਕਿ ਸਾਡਾ ਇਸ ਵੇਲੇ ਫੋਕਸ ਸਰਕਾਰ ਨੂੰ ਉਨ੍ਹਾਂ ਗੱਲਾਂ ਨੂੰ ਲਾਗੂ ਕਰਨ ਲਈ ਫੋਰਸ ਕਰਨਾ ਹੈ ਜਿਸ ਲਈ ਸਮਝੌਤਾ ਕੀਤਾ ਸੀ।
ਗੌਰਤਲਬ ਹੈ ਕਿ ਹਾਊਸ ਆਫ ਕਾਮਨਜ਼ ਵਿੱਚ ਅੱਜ ਐੱਨ. ਡੀ. ਪੀ. ਵੱਲੋਂ ਹੋਮ ਹੀਟਿੰਗ 'ਤੇ ਲਿਆਂਦੇ ਗਏ ਮੋਸ਼ਨ 'ਤੇ ਡਿਬੇਟ ਕੀਤੀ ਗਈ ਹੈ।
ਜਗਮੀਤ ਸਿੰਘ ਦੀ ਪਾਰਟੀ ਨੇ ਹੋਮ ਹੀਟਿੰਗ 'ਤੇ ਜੀ ਐੱਸ ਟੀ ਹਟਾਉਣ ਦੀ ਮੰਗ ਕੀਤੀ ਹੈ ਅਤੇ ਰਾਸ਼ਟਰੀ ਹੀਟ ਪੰਪ ਪ੍ਰੋਗਰਾਮ ਲਈ ਫੰਡਿੰਗ ਵਧਾਉਣ ਲਈ ਕਿਹਾ ਹੈ।
