ਸਕੂਲ ਜ਼ੋਨ ਸੰਬੰਧੀ ਨਿਯਮਾਂ 'ਚ ਬਦਲਾਅ ਦੀਆਂ ਖਬਰਾਂ ਬਾਰੇ ਪੁਲਿਸ ਨੇ ਕੀਤਾ ਸਾਵਧਾਨ

ਬੀ. ਸੀ. ਪੁਲਿਸ ਨੇ ਉਨ੍ਹਾਂ ਰਿਪੋਰਟਾਂ ਨੂੰ ਖਾਰਜ ਕੀਤਾ ਹੈ, ਜਿਨ੍ਹਾਂ ਵਿਚ ਟ੍ਰੈਫਿਕ ਨਿਯਮਾਂ ਵਿਚ ਵੱਡੇ ਪਰਿਵਰਤਨ ਹੋਣ ਦੀ ਗੱਲ ਕਹੀ ਜਾ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਇਹ ਦਾਅਵਾ ਝੂਠਾ ਹੈ ਕਿ 1 ਜੁਲਾਈ ਤੋਂ ਕੈਨੇਡਾ ਭਰ ਵਿਚ ਸਕੂਲ-ਜ਼ੋਨ ਵਿਚ ਸਪੀਡ ਲਿਮਟ 24 ਘੰਟੇ ਲਾਗੂ ਰਹੇਗੀ।

ਬੀ.ਸੀ. ਹਾਈਵੇਅ ਪੈਟਰੋਲ ਦੇ ਕਾਰਪੋਰੇਸ਼ਨਲ ਮਾਈਕਲ ਮੈਕਲਾਫਲਿਨ ਨੇ ਅੱਜ ਇੱਕ ਬਿਆਨ ਵਿਚ ਕਿਹਾ ਕਿ ਇਹ ਵੈੱਬਸਾਈਟ ਪੂਰਾ ਤਰ੍ਹਾਂ ਗਲਤ ਹਨ ਅਤੇ ਸੋਸ਼ਲ ਮੀਡੀਆ ਤੇ ਏ.ਆਈ.ਗਲਤ ਜਾਣਕਾਰੀ ਨੂੰ ਫੈਲਾ ਰਹੇ ਹਨ।

ਉਨ੍ਹਾਂ ਕਿਹਾ ਕਿ ਸਕੂਲ-ਜ਼ੋਨ ਸੂਬਿਆਂ ਦੇ ਅਧਿਕਾਰ ਖੇਤਰ ਵਿਚ ਆਉਂਦੇ ਹਨ ਅਤੇ ਕੈਨੇਡਾ ਭਰ ਵਿਚ ਇਸ ਤਰ੍ਹਾਂ ਦੇ ਕੋਈ ਪਰਿਵਰਤਨ ਨਹੀਂ ਹੋਣ ਜਾ ਰਹੇ। ਸੀਪੀਐਲ.ਮੈਕਲਾਫਲਿਨ ਨੇ ਕਿਹਾ ਕਿ ਬੀ. ਸੀ. ਵਿਚ ਸਾਰੇ ਸਕੂਲ ਜ਼ੋਨ ਵਿਚ ਸਪੀਡ ਨਿਯਮ ਸਵੇਰ 8 ਵਜੇ ਤੋਂ ਸ਼ਾਮ 5 ਵਿਚਕਾਰ ਲਾਗੂ ਹਨ।

ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਲੋਕਾਂ ਨੂੰ ਗੁਜ਼ਾਰਿਸ਼ ਕੀਤੀ ਹੈ ਕਿ ਟ੍ਰੈਫਿਕ ਨਿਯਮਾਂ ਸਬੰਧੀ ਕੋਈ ਵੀ ਆਨਲਾਈਨ ਜਾਣਕਾਰੀ ਦੇਖਣ ਸਮੇਂ ਇਸ ਦੀ ਪ੍ਰਮਾਣਿਕਤਾ ਲਈ ਜਾਣਕਾਰੀ ਦਾ ਸੋਰਸ ਜ਼ਰੂਰ ਚੈੱਕ ਕਰੋ।