16.03C Vancouver 16.03C VancouverMay 21, 2022 12:43 AM - The Canadian Press
ਬੀ.ਸੀ. 'ਚ ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜਾਂਚ ਤੋਂ ਬਾਅਦ ਪਤਾ ਲੱਗਿਆ ਹੈ ਕਿ ਸੂਬੇ 'ਚ ਮੰਕੀਪੌਕਸ ਸੰਬੰਧੀ ਕੋਈ ਮਾਮਲੇ ਨਹੀਂ ਹਨ।
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਨੇ ਅੱਜ ਸਵੇਰ ਦੇ ਸਮੇਂ ਜਾਣਕਾਰੀ ਦਿੱਤੀ ਸੀ ਕਿ ਸੂਬੇ ਦੇ 2 ਮਾਮਲਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਿੰਨਾ ਦੇ ਮੰਕੀਪੌਕਸ ਨਾਲ ਸੰਬੰਧਤ ਹੋਣ ਦਾ ਸ਼ੱਕ ਸੀ।
ਇਸ ਸੰਬੰਧੀ ਸੈਂਪਲ ਨੈਸ਼ਨਲ ਮਾਈਕਰੋਬਾਇਓਲੋਜੀ ਲੈਬ ਭੇਜੇ ਗਏ ਸਨ।
ਅੱਜ ਦੁਪਹਿਰ ਦੇ ਸਮੇਂ ਬੀ.ਸੀ. ਸੈਂਟਰ ਫਾਰ ਡਿਜ਼ੀਜ ਕੰਟਰੋਲ ਵੱਲੋਂ ਇੱਕ ਬਿਆਨ ਜਾਰੀ ਕਰ ਦੱਸਿਆ ਗਿਆ ਕਿ ਸੂਬੇ ਦੇ 2 ਲੋਕਾਂ ਦਾ ਇੰਟਰਵਿਊ ਕੀਤਾ ਗਿਆ ਸੀ ਅਤੇ ਸਪਸ਼ਟ ਹੋਇਆ ਕਿ ਉਹ ਮੰਕੀਪੌਕਸ ਨੂੰ ਐਕਸਪੋਜ ਨਹੀਂ ਹੋਏ ਸਨ।
ਕੈਨੇਡਾ ਦੇ ਚੋਟੀ ਦੇ ਪਬਲਿਕ ਹੈਲਥ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਦੇਸ਼ 'ਚ ਮੰਕੀਪੌਕਸ ਦਾ ਖਤਰਾ ਬਹੁਤ ਜ਼ਿਆਦਾ ਨਹੀਂ ਹੈ।
ਹਾਲਾਂਕਿ ਇਹ ਵੀ ਆਖਿਆ ਗਿਆ ਕਿ ਦੇਸ਼ 'ਚ ਬਹੁਤ ਸਾਰੇ ਲੋਕ ਇਸ ਦੇ ਲਈ ਕਮਜ਼ੋਰ ਹੋ ਸਕਦੇ ਹਨ ਕਿਉਂਕਿ ਸਮੌਲਪੌਕਸ ਸੰਬੰਧੀ ਰੂਟੀਨ ਵੈਕਸੀਨ ਨੂੰ ਕਈ ਦਹਾਕੇ ਪਹਿਲਾਂ ਬੰਦ ਕਰ ਦਿੱਤਾ ਗਿਆ ਸੀ।
ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਨੇ ਆਖਿਆ ਕਿ ਦੇਸ਼ 'ਚ ਮੰਕੀਪੌਕਸ ਦੇ ਪਹਿਲੇ 2 ਮਾਮਲੇ ਕਿਊਬੈਕ 'ਚ ਰਿਪੋਰਟ ਹੋਏ ਹਨ।
ਉਨ੍ਹਾਂ ਇਹ ਵੀ ਕਿਹਾ ਕਿ ਕਰੀਬ 2 ਦਰਜਨ ਸ਼ੱਕੀ ਮਾਮਲਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਮੰਨਿਆ ਕਿ ਫੈਡਰਲ ਪਬਲਿਕ ਹੈਲਥ ਏਜੈਂਸੀ ਕੋਲ ਸਹੀ ਜਵਾਬ ਨਹੀਂ ਹਨ ਕਿ ਆਖਿਰ ਇਸ ਬਿਮਾਰੀ ਸੰਬੰਧਤ ਮਾਮਲੇ ਕਿੰਨੇ ਕੁ ਵਧ ਸਕਦੇ ਹਨ।
ਆਮ ਤੌਰ 'ਤੇ ਮੰਕੀਪੌਕਸ ਦੇ ਲੱਛਣ ਬਹੁਤੇ ਮਜਬੂਤ ਨਹੀਂ ਮੰਨੇ ਜਾਂਦੇ ਅਤੇ ਇਸ ਕਾਰਨ ਬੁਖਾਰ, ਸਿਰ ਦਰਦ, ਮਸਲਸ ਸੰਬੰਧੀ ਦਰਦ, ਪਿੱਠ ਦਰਦ, ਕੰਬਣੀ ਅਤੇ ਥਕਾਵਟ ਜਿਹੇ ਲੱਛਣ ਸਥਾਪਿਤ ਹੁੰਦੇ ਹਨ।
ਹਾਲਾਂਕਿ ਕੁਝ ਲੋਕਾਂ 'ਚ ਇਸ ਬਿਮਾਰੀ ਕਾਰਨ ਲਿੰਫ ਨੋਡਸ 'ਚ ਸੋਜ ਹੋਣ ਦੀ ਵੀ ਗੱਲ ਆਖੀ ਗਈ ਹੈ।
