19.59C Vancouver 19.59C VancouverSep 22, 2021 7:22 PM -
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਨੌਰਥ ਵੈਨਕੂਵਰ 'ਚ ਵਾਪਰੇ ਭਿਆਨਕ ਸਟੈਬਿੰਗ ਹਮਲੇ ਦੇ ਮਾਮਲੇ 'ਚ ਹਮਲਾਵਰ ਖਿਲਾਫ ਵਧੇਰੇ ਦੋਸ਼ ਤੈਅ ਕੀਤੇ ਗਏ ਹਨ।
ਮਾਰਚ ਵਿੱਚ ਵਾਪਰੀ ਇਸ ਘਟਨਾ 'ਚ ਇੱਕ ਔਰਤ ਦੀ ਮੌਤ ਹੋ ਗਈ ਸੀ ਜਦਕਿ 6 ਹੋਰ ਲੋਕ ਜਖਮੀ ਹੋ ਗਏ ਸਨ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੇ ਇੱਕ ਬਿਆਨ 'ਚ ਦੱਸਿਆ ਕਿ ਹਮਲਾਵਰ ਖਿਲਾਫ ਕਤਲ ਦੀ ਕੋਸ਼ਿਸ਼ ਦੇ 5 ਦੋਸ਼ ਅਤੇ ਭਿਆਨਕ ਹਮਲੇ ਦਾ ਇੱਕ ਦੋਸ਼ ਵੀ ਤੈਅ ਕੀਤਾ ਗਿਆ ਹੈ।
ਯਾਦ ਰਹੇ ਇਸ ਮਾਮਲੇ 'ਚ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦਾ ਨਾਮ ਯਾਨਿਕ ਬੈਂਡਾਓਗੋ ਹੈ।
ਇਸ ਘਟਨਾ 'ਚ ਇੱਕ 20 ਤੋਂ 30 ਸਾਲ ਦੇ ਦਰਮਿਆਨ ਦੀ ਔਰਤ ਦੀ ਮੌਤ ਹੋ ਗਈ ਸੀ।
ਘਟਨਾ ਲਿੰਨ ਵੈਲੀ ਲਾਈਬ੍ਰੇਰੀ ਕੋਲ 27 ਮਾਰਚ ਨੂੰ ਵਾਪਰੀ ਸੀ।
ਹਮਲਾਵਰ 'ਤੇ ਸੈਕਿੰਡ ਡਿਗਰੀ ਕਤਲ ਦਾ ਦੋਸ਼ ਪਹਿਲਾਂ ਹੀ ਤੈਅ ਹੋ ਚੁੱਕਿਆ ਸੀ।
ਹਮਲਾਵਰ ਦੀ ਨੌਰਥ ਵੈਨਕੂਵਰ ਦੇ ਕੋਰਟ 'ਚ 7 ਅਕਤੂਬਰ ਨੂੰ ਅਗਲੀ ਪੇਸ਼ੀ ਹੋਣੀ ਹੈ।
