ਐਲਬਰਟਾ ਦੇ ਟਾਊਨ ਸਵੈਨ ਹਿਲਜ਼ ਦੇ ਲੋਕਾਂ ਨੂੰ ਜੰਗਲੀ ਅੱਗ ਕਾਰਨ ਘਰ ਖਾਲੀ ਕਰਨ ਦੇ ਹੁਕਮ ਜਾਰੀ

ਨੌਰਥ ਸੈਂਟ੍ਰਲ ਐਲਬਰਟਾ ਦੇ ਟਾਊਨ ਸਵੈਨ ਹਿਲਜ਼ ਦੇ ਲੋਕਾਂ ਨੂੰ ਜੰਗਲੀ ਅੱਗ ਦੇ ਖਤਰੇ ਕਾਰਨ ਘਰ ਖਾਲੀ ਕਰਨ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਬੀਤੇ ਦਿਨ ਲੋਕਾਂ ਨੂੰ ਆਪਣਾ ਤਿੰਨ ਦਿਨਾਂ ਦਾ ਸਮਾਨ ਅਤੇ ਜ਼ਰੂਰੀ ਦਸਤਾਵੇਜ਼ ਪੈਕ ਕਰਕੇ ਰੱਖਣ ਦੇ ਹੁਕਮ ਦਿੱਤੇ ਗਏ ਸਨ ਅਤੇ ਉਨ੍ਹਾਂ ਕੋਲੋਂ ਸ਼ਾਮ ਸਮੇਂ ਘਰ ਖਾਲੀ ਕਰਵਾਏ ਗਏ। 16-ਵਰਗ-ਕਿਲੋਮੀਟਰ ਵਿਚ ਫੈਲੀ ਬੇਕਾਬੂ ਜੰਗਲੀ ਅੱਗ ਰਿਹਾਇਸ਼ੀ ਘਰਾਂ ਵੱਲ ਵੱਧ ਗਈ ਹੈ ਅਤੇ ਟਾਊਨ ਦਾ ਨੌਰਥ ਹਾਈਵੇਅ ਵੀ ਬੰਦ ਹੋ ਗਿਆ ਹੈ।

ਔਫੀਸ਼ੀਅਲਜ਼ ਦਾ ਕਹਿਣਾ ਹੈ ਕਿ ਐਡਿਥ ਲੇਕ ਵਿਚ ਜੰਗਲੀ ਅੱਗ 20 ਵਰਗ ਕਿਲੋਮੀਟਰ ਤੱਕ ਫੈਲ ਸਕਦੀ ਹੈ। ਘਰ ਖਾਲੀ ਕਰਕੇ ਗਏ ਲੋਕਾਂ ਲਈ ਵ੍ਹਾਈਟਕੋਰਟ ਵਿਚ ਐਲਨ ਤੇ ਜੀਨ ਮਿਲਰ ਸੈਂਟਰ, 58 ਸਨਸੈੱਟ ਬੁਲੇਵਾਰਡ ਵਿਚ ਰਿਸੈਪਸ਼ਨ ਸੈਂਟਰ ਬਣਾਏ ਗਏ ਹਨ। ਲੋਕ ਮਦਦ ਲਈ 780-778-3637 'ਤੇ ਸੰਪਰਕ ਕਰਕੇ ਮਦਦ ਲੈ ਸਕਦੇ ਹਨ। ਸੂਬਾ ਸਰਕਾਰ ਨੇ ਫਾਇਰ ਫਾਈਟਰਜ਼ ਅਤੇ ਰਾਤ ਨੂੰ ਦੇਖਣ ਵਾਲੇ ਹੈਲੀਕਾਪਟਰ ਤਾਇਨਾਤ ਕੀਤੇ ਗਏ ਹਨ।