10.28C Vancouver 10.28C VancouverNov 14, 2023 6:40 PM - The Canadian Press
ਕੈਨੇਡਾ ਦੀ ਜੰਗਲੀ ਅੱਗ ਦੇ ਸੀਜ਼ਨ ਦੌਰਾਨ ਸੁਰਖੀਆਂ ਵਿੱਚ ਰਹੀ ਨੌਰਥ ਵੈਸਟ ਟੈਰੀਟ੍ਰੀਜ਼ ਵਿੱਚ ਇੱਕ ਮਹੀਨੇ ਤੋਂ ਵੱਧ ਦੀ ਦੇਰੀ ਮਗਰੋਂ ਅੱਜ ਚੋਣਾਂ ਹੋ ਰਹੀਆਂ ਹਨ।
ਇਹ ਚੋਣਾਂ ਪਹਿਲਾਂ 3 ਅਕਤੂਬਰ ਨੂੰ ਹੋਣੀਆਂ ਸਨ, ਪਰ ਜੰਗਲੀ ਅੱਗ ਕਾਰਨ ਚੋਣਾਂ ਨੂੰ ਮੁਲਤਵੀ ਕਰ ਦਿੱਤਾ ਗਿਆ ਸੀ।
ਜੰਗਲ ਦੀ ਅੱਗ ਦੌਰਾਨ ਨੌਰਥ ਵੈਸਟ ਟੈਰੀਟ੍ਰੀਜ਼ ਦੀ ਲਗਭਗ 70 ਫੀਸਦੀ ਆਬਾਦੀ ਨੇ ਇਵੈਕੂਏਸ਼ਨ ਆਰਡਰ ਦਾ ਸਾਹਮਣਾ ਕੀਤਾ, ਜਿਸ ਦੇ ਚੱਲਦੇ ਵਿਧਾਨ ਸਭਾ ਮੈਂਬਰਾਂ ਨੇ ਸਰਬਸੰਮਤੀ ਨਾਲ ਚੋਣਾਂ ਨੂੰ ਮੁਲਤਵੀ ਕਰਨ ਦਾ ਫੈਸਲਾ ਕੀਤਾ ਸੀ।
ਉਸ ਸਮੇਂ ਸੂਬੇ ਦੀ ਰਾਜਧਾਨੀ ਯੈਲੋਨਾਈਫ ਦੇ ਲਗਭਗ 20,000 ਵਸਨੀਕਾਂ ਨੂੰ ਘਰ ਛੱਡਣੇ ਪਏ ਸਨ।
ਪ੍ਰੀਮੀਅਰ ਕੈਰੋਲੀਨ ਕੋਕਰੇਨ ਦੁਬਾਰਾ ਇਲੈਕਸ਼ਨ ਨਹੀਂ ਲੜ ਰਹੇ ਉਨ੍ਹਾਂ ਨੇ ਸਤੰਬਰ ਵਿੱਚ ਇਸ ਦੀ ਘੋਸ਼ਣਾ ਕਰ ਦਿੱਤੀ ਸੀ।
ਇਲੈਕਸ਼ਨ ਮਗਰੋਂ 19 ਵਿਧਾਨ ਸਭਾ ਮੈਂਬਰਾਂ ਨੇ ਨਵੇਂ ਪ੍ਰੀਮੀਅਰ, 6 ਕੈਬਨਿਟ ਦੇ ਮੈਂਬਰਾਂ ਅਤੇ ਸਪੀਕਰ ਦੀ ਚੋਣ ਕਰਨੀ ਹੈ।
