24.61C Vancouver 24.61C VancouverOct 27, 2025 7:13 PM - Connect Newsroom - Pervez Sandhu
ਸਰੀ ਵਿੱਚ ਸਾਲ 2025 'ਚ ਪੁਲਿਸ ਨੂੰ ਰਿਪੋਰਟ ਕੀਤੇ ਗਏ ਐਕਸਟੌਰਸ਼ਨ ਸੰਬੰਧੀ ਮਾਮਲਿਆਂ ਦੀ ਗਿਣਤੀ 74 ਤੱਕ ਪਹੁੰਚ ਗਈ ਹੈ।
ਇਸ 'ਚ 39 ਮਾਮਲੇ ਅਜਿਹੇ ਹਨ ਜਿੱਥੇ ਸ਼ੂਟਿੰਗ ਵੀ ਵਾਪਰੀ। ਕੁਝ ਹਫਤੇ ਪਹਿਲਾਂ ਤੱਕ ਇਹ ਗਿਣਤੀ 57 'ਤੇ ਪਹੁੰਚੀ ਦੱਸੀ ਗਈ ਸੀ।
ਉਧਰ ਬੀਤੇ ਕੱਲ ਤੜਕੇ ਕਰੀਬ 2:45 ਵਜੇ ਸਰੀ 'ਚ 124 ਸਟ੍ਰੀਟ ਦੇ 7800 ਬਲੌਕ 'ਚ ਵੀ ਗੋਲੀਆਂ ਚੱਲੀਆਂ।
ਘਟਨਾ ਮੌਕੇ ਘਰ ਦੇ ਅੰਦਰ ਲੋਕ ਮੌਜੂਦ ਸਨ ਪਰ ਕਿਸੇ ਦੇ ਜਖਮੀ ਹੋਣ ਤੋਂ ਬਚਾਅ ਰਿਹਾ।
ਇਸ ਘਟਨਾ ਦੇ ਫਿਲਹਾਲ ਐਕਸਟੌਰਸ਼ਨ ਨਾਲ ਜੁੜੇ ਹੋਣ ਦੀ ਪੁਸ਼ਟੀ ਨਹੀਂ ਹੋਈ ਹੈ, ਹਾਲਾਂਕਿ ਮਾਮਲਾ ਐਕਸਟੌਰਸ਼ਨ ਸੰਬੰਧੀ ਹੋਣ ਦਾ ਸ਼ੱਕ ਹੈ।
ਸਰੀ ਪੁਲਿਸ ਕੋਲ ਐਕਸਟੌਰਸ਼ਨ ਸੰਬੰਧੀ ਫਾਈਲਸ ਅਤੇ ਕੱਲ ਦੀ ਘਟਨਾ ਸੰਬੰਧੀ ਅੱਜ ਸਰੀ ਪੁਲਿਸ ਸਰਵਿਸ ਤੋਂ ਸਟਾਫ਼ ਸਾਰਜੈਂਟ ਲਿੰਡਸੀ ਹੁਟਨ ਨੇ ਕਨੈਕਟ ਐਫ.ਐਮ. ਨਾਲ ਵਿਸ਼ੇਸ਼ ਗੱਲਬਾਤ 'ਚ ਜਾਣਕਾਰੀ ਦਿੱਤੀ।
ਕੱਲ ਜਦ ਸਰੀ 'ਚ ਗੋਲੀ ਚੱਲੀ ਤਾਂ ਘਟਨਾ ਦੀ ਜਗ੍ਹਾ ਤੋਂ ਕੁਝ ਹੀ ਦੂਰੀ 'ਤੇ ਸਥਿਤ ਡੈਲਟਾ 'ਚ 78B ਐਵੀਨਿਊ ਦੇ 11200 ਬਲੌਕ 'ਚ ਵੀ ਗੋਲੀ ਚੱਲੀ।
ਉਸ ਮਾਮਲੇ ਨੂੰ ਐਕਸਟੌਰਸ਼ਨ ਸੰਬੰਧੀ ਘਟਨਾ ਦੱਸਿਆ ਗਿਆ ਹੈ।
ਇਸੇ ਬਾਰੇ ਸਟਾਫ਼ ਸਾਰਜੈਂਟ ਹੁਟਨ ਨੇ ਵੀ ਅੱਜ ਪੁਸ਼ਟੀ ਕੀਤੀ ਕਿ ਦੋਵੇਂ ਘਟਨਾਵਾਂ ਦੀਆਂ ਲੋਕੇਸ਼ਨਸ ਕਾਫੀ ਨੇੜੇ ਹਨ ਅਤੇ ਘਟਨਾਵਾਂ ਵੀ ਤਕਰੀਬਨ ਇੱਕੋ ਸਮੇਂ ਵਾਪਰੀਆਂ, ਅਤੇ ਇਸੇ ਕਾਰਨ ਡੈਲਟਾ ਪੁਲਿਸ ਨਾਲ ਵੀ ਸੰਪਰਕ ਕੀਤਾ ਗਿਆ ਹੈ।
ਉਨ੍ਹਾਂ ਦੱਸਿਆ ਕਿ ਡੈਲਟਾ ਪੁਲਿਸ ਨੇ ਭਾਵੇਂ ਮਾਮਲੇ 'ਚ ਐਕਸਟੌਰਸ਼ਨ ਐਂਗਲ ਦੀ ਪੁਸ਼ਟੀ ਕੀਤੀ ਹੈ ਪਰ ਸਰੀ 'ਚ ਵਾਪਰੀ ਘਟਨਾ ਬਾਰੇ ਫਿਲਹਾਲ ਮੰਤਵ ਦੀ ਜਾਂਚ ਕੀਤੀ ਜਾ ਰਹੀ ਹੈ।
