ਮੇਲਰੂਮ ਤੋਂ ਚੋਰਾਂ ਵਲੋਂ ਕਈ ਪੈਕੇਜ ਚੋਰੀ, ਆਰਸੀਐਮਪੀ ਨੇ ਪਛਾਣ 'ਚ ਮਦਦ ਦੀ ਕੀਤੀ ਅਪੀਲ

ਵੈਸਟ ਸ਼ੌਰ ਆਰਸੀਐਮਪੀ ਨੇ ਲੈਂਗਫੋਰਡ ਦੇ 3149 ਐਗਰੀਗੇਟ ਕੋਰਟ ਇਲਾਕੇ ਵਿਚ ਸਥਿਤ ਇੱਕ ਮੇਲਰੂਮ ਤੋਂ ਚੋਰਾਂ ਵਲੋਂ ਕਈ ਸਾਰੇ ਪੈਕੇਜ ਚੋਰੀ ਕੀਤੇ ਜਾਣ ਦੀ ਵੀਡੀਓ ਜਾਰੀ ਕੀਤੀ ਹੈ। ਪੁਲਿਸ ਨੇ ਕਿਹਾ ਕਿ ਇਹ ਘਟਨਾ 17 ਜੂਨ ਨੂੰ ਵਾਪਰੀ ਸੀ।

ਵੀਡੀਓ ਵਿਚ ਸ਼ੱਕੀ ਚਿੱਟੇ ਅਤੇ ਕਾਲੇ ਕੱਪੜਿਆਂ ਵਿਚ ਦੇਖੇ ਜਾ ਸਕਦੇ ਹਨ। ਵੈਸਟ ਸ਼ੌਰ ਆਰਸੀਐਮਪੀ ਨੂੰ ਇਸ ਦੀ ਸੀਸੀਟੀਵੀ ਫੁਟੇਜ ਪ੍ਰਾਪਤ ਹੋਈ ਸੀ, ਜਿਸ ਵਿਚ ਦੋ ਸ਼ੱਕੀ 17 ਜੂਨ ਨੂੰ ਸਵੇਰ ਕਰੀਬ 5.40 ਵਜੇ ਮੇਲਰੂਮ ਵਿਚ ਦਾਖ਼ਲ ਹੁੰਦੇ ਹੋਏ ਅਤੇ ਬਾਹਰ ਜਾਂਦੇ ਹੋਏ ਦਿਖਾਇਆ ਗਿਆ ਹੈ।

ਵੈਸਟ ਸ਼ੌਰ ਆਰਸੀਐਮਪੀ ਨੇ ਉਹਨਾਂ ਦੀ ਪਛਾਣ ਵਿਚ ਲੋਕਾਂ ਤੋਂ ਮਦਦ ਮੰਗਦੇ ਹੋਏ ਇਸ ਫੁਟੇਜ ਨੂੰ ਜਨਤਕ ਕੀਤਾ ਹੈ।