27.69C Vancouver 27.69C VancouverOct 24, 2022 10:27 PM - The Canadian Press
ਅੱਜ ਬੀ.ਸੀ. ਦੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਅਤੇ ਲੇਬਰ ਮੰਤਰੀ ਹੈਰੀ ਬੈਂਸ ਨੇ ਇੱਕ ਸਾਂਝੀ ਪ੍ਰੈਸ ਕਾਨਫਰੰਸ ਕਰ ਜਾਣਕਾਰੀ ਦਿੱਤੀ ਕਿ ਪ੍ਰੋਵਿੰਸ਼ੀਅਲ ਫੰਡਿੰਗ ਆਸਰੇ ਸੈਂਕੜੇ ਪ੍ਰੋਟੈਕਸ਼ਨ ਅਫ਼ਸਰ ਹਾਇਰ ਕੀਤੇ ਜਾ ਰਹੇ ਹਨ।
ਉਨ੍ਹਾਂ ਦੱਸਿਆ ਕਿ ਹੈਲਥ ਕੇਅਰ ਫੈਸਿਲਿਟੀਸ ਵਿੱਚ ਵਰਕਪਲੇਸ ਸੇਫਟੀ ਨੂੰ ਵਧਾਉਣ ਦੀ ਕੋਸ਼ਿਸ਼ ਤਹਿਤ ਇਹ ਕਦਮ ਚੁੱਕਿਆ ਜਾ ਰਿਹਾ ਹੈ।
ਐਡਰੀਅਨ ਡਿਕਸ ਨੇ ਕਿਹਾ ਕਿ ਨਵੇਂ ਸਿਕਿਓਰਿਟੀ ਮਾਡਲ ਤਹਿਤ 320 ਪ੍ਰੋਟੈਕਸ਼ਨ ਅਫ਼ਸਰ ਅਤੇ 14 ਵਾਇਲੈਂਸ ਪ੍ਰਿਵੈਂਸ਼ਨ ਲੀਡ ਹਾਇਰ ਕੀਤੇ ਜਾ ਰਹੇ ਹਨ।
ਇਹ ਅਫ਼ਸਰ ਅਤੇ ਲੀਡਸ ਕੁੱਲ 26 ਸਾਈਟਸ 'ਤੇ ਕੰਮ ਕਰਨਗੇ।
ਅਧਿਕਾਰੀਆਂ ਨੇ ਇਨ੍ਹਾਂ ਸਾਈਟਸ ਨੂੰ ਵਧੇਰੇ ਇੰਸੀਡੈਂਟਸ ਰਿਪੋਰਟ ਹੋਣ ਤਹਿਤ ਆਈਡੈਂਟੀਫਾਈ ਕੀਤਾ ਸੀ।
ਬੀ.ਸੀ. ਨਰਸਿਸ ਯੂਨੀਅਨ ਦੀ ਪ੍ਰਧਾਨ ਅਮਨ ਗਰੇਵਾਲ ਨੇ ਇਸ ਮੌਕੇ ਕਿਹਾ ਕਿ ਨਰਸਾਂ ਖਿਲਾਫ ਕਈ ਪ੍ਰਕਾਰ ਦੀ ਹਿੰਸਾ ਹੁੰਦੀ ਹੈ, ਜਿੱਥੇ ਉਨ੍ਹਾਂ ਨੂੰ ਮੁੱਕਿਆਂ, ਲੱਤਾਂ, ਧੱਕੇ, ਥੁੱਕਣ ਦੀਆਂ ਘਟਨਾਵਾਂ ਜਾਂ ਸ਼ਬਦੀ ਅਤੇ ਜਿਨਸੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਉਨ੍ਹਾਂ ਕਿਹਾ ਕਿ ਸਦਾ ਕੰਮ ਖਤਰੇ ਭਰਿਆ ਹੈ ਅਤੇ ਇਸ ਦੀ ਲੋੜ ਅਨੁਸਾਰ ਸਟਡੀ ਨਹੀਂ ਕੀਤੀ ਜਾ ਰਹੀ।
ਉਨ੍ਹਾਂ ਕਿਹਾ ਕਿ ਸਾਨੂੰ ਅਜਿਹੇ ਹੈਲਥ ਕੇਅਰ ਸਿਸਟਮ ਦੀ ਲੋੜ ਹੈ ਜਿੱਥੇ ਸੁਰੱਖਿਅਤ ਮਹਿਸੂਸ ਕੀਤਾ ਜਾ ਸਕੇ।
ਐਡਰੀਅਨ ਡਿਕਸ ਨੇ ਕਿਹਾ ਕਿ ਨੌਕਰੀਆਂ ਤੋਂ ਇਲਾਵਾ ਸਵਿਚ ਬੀ.ਸੀ. ਲਈ $2 ਮਿਲੀਅਨ ਪ੍ਰਦਾਨ ਕੀਤੇ ਜਾਣਗੇ।
