15.32C Vancouver 15.32C VancouverAug 11, 2021 9:15 AM -
ਓਡੀਸ਼ਾ ਦੇ ਮੁੱਖ ਮੰਤਰੀ ਨਵੀਨ ਪਟਨਾਇਕ ਨੇ ਬੁੱਧਵਾਰ ਨੂੰ, ਟੋਕੀਓ ਓਲੰਪਿਕਸ ਵਿੱਚ ਖੇਡ ਕੇ ਆਈ ਟੀਮ ਵਿੱਚ ਸ਼ਾਮਲ, ਸੂਬੇ ਦੇ ਹਾਕੀ ਖਿਡਾਰੀਆਂ ਨੂੰ ਸਨਮਾਨਿਤ ਕੀਤਾ।
ਇਹ ਪ੍ਰੋਗਰਾਮ ਭੁਵਨੇਸ਼ਵਰ ਦੇ ਕਲਿੰਗਾ ਸਟੇਡੀਅਮ ਵਿਖੇ ਹੋਇਆ।
ਬੀਰੇਂਦਰ ਲਾਕਰਾ, ਅਮਿਤ ਰੋਹੀਦਾਸ, ਦੀਪ ਗ੍ਰੇਸ ਇੱਕਾ ਅਤੇ ਨਮਿਤਾ ਟੋਪੋ ਉਸ ਭਾਰਤੀ ਟੀਮ ਦਾ ਹਿੱਸਿਆਂ ਸਨ, ਜਿਸਨੇ ਉਸ ਖ਼ਾਸ ਮੌਕੇ 'ਤੇ ਇਤਿਹਾਸ ਰਚਿਆ।
ਮੁੱਖ ਮੰਤਰੀ ਨੇ 2.5 ਕਰੋੜ ਰੁਪਏ ਦਾ ਨਕਦ ਇਨਾਮ ਬੀਰੇਂਦਰ ਲਾਕਰਾ ਅਤੇ ਅਮਿਤ ਰੋਹੀਦਾਸ ਨੂੰ ਦਿੱਤਾ।
ਇਸਦੇ ਨਾਲ ਹੀ ਉਹਨਾਂ ਨੇ ਸੂਬਾਈ ਪੁਲਿਸ ਮਹਿਕਮੇ ਵਿੱਚ ਡਿਪਟੀ ਸੁਪਰਇੰਟੈਨਡੈਂਟ ਦੇ ਅਹੁਦੇ ਲਈ ਨਿਯੁਕਤੀ ਪੱਤਰ ਵੀ ਸੌਂਪੇ।
ਉਨ੍ਹਾਂ, ਮੁਲਕ ਲਈ ਕਾਂਸੇ ਦਾ ਤਮਗ਼ਾ ਜਿੱਤਣ ਵਾਲੇ ਖਿਡਾਰੀਆਂ ਦੀ ਪੇਸ਼ਕਾਰੀ ਦੀ ਤਾਰੀਫ਼ ਕੀਤੀ।
ਇਸ ਤੋਂ ਅਲਾਵਾ, ਮੁੱਖ ਮੰਤਰੀ ਨੇ ਦੀਪ ਗ੍ਰੇਸ ਇੱਕਾ ਅਤੇ ਨਮਿਤਾ ਟੋਪੋ ਨੂੰ 50-50 ਲੱਖ ਰੁਪਏ ਦਾ ਨਕਦ ਇਨਾਮ ਦਿੱਤਾ, ਜੋ ਕਿ ਭਾਰਤੀ ਮਹਿਲਾ ਹਾਕੀ ਟੀਮ ਦਾ ਹਿੱਸਾ ਸਨ।
ਉਨ੍ਹਾਂ ਮਹਿਲਾ ਹਾਕੀ ਟੀਮ ਦੇ ਸੈਮੀ-ਫਾਈਨਲ ਵਿੱਚ ਪੁੱਜ ਕੇ ਭਾਰਤੀ ਹਾਕੀ ਲਈ ਇਤਿਹਾਸ ਸਿਰਜਣ ਲਈ, ਉਨ੍ਹਾਂ ਦੇ ਹੋਂਸਲੇ ਦੀ ਸ਼ਲਾਘਾ ਵੀ ਕੀਤੀ।
ਉਨ੍ਹਾਂ ਦੀ ਸ਼ਲਾਘਾ ਕਰਦਿਆਂ, ਮੁੱਖ ਮੰਤਰੀ ਪਟਨਾਇਕ ਨੇ ਉਨ੍ਹਾਂ ਨੂੰ ਹੋਰ ਮਿਹਨਤ ਕਰਨ ਅਤੇ ਮੁਲਕ ਲਈ ਹੋਰ ਮਾਣ ਖੱਟਣ ਦੀ ਸਲਾਹ ਦਿੱਤੀ।
ਕਲਿੰਗਾ ਸਟੇਡੀਅਮ ਹੁਣ ਹਾਕੀ ਦਾ ਇੱਕ ਗਲੋਬਲ ਕੇਂਦਰ ਬਣ ਗਿਆ ਹੈ।
ਮਰਦਾਂ ਦਾ ਅਗਲਾ ਹਾਕੀ ਵਰਲਡ ਕੱਪ ਵੀ ਭੁਵਨੇਸ਼ਵਰ ਦੇ ਕਲਿੰਗਾ ਸਟੇਡੀਅਮ ਵਿੱਚ ਖੇਡਿਆ ਜਾਣਾ ਹੈ।
ਖਿਡਾਰੀ ਆਪਣੇ ਘਰੇਲੂ ਮੈਦਾਨ ਵਿੱਚ ਆਕੇ ਕਾਫ਼ੀ ਉਤਸ਼ਾਹਿਤ ਸਨ, ਜਿੱਥੇ ਉਨ੍ਹਾਂ ਨੇ ਦੁਨੀਆਂ ਦੀਆਂ ਬਿਹਤਰੀਨ ਟੀਮਾਂ ਖ਼ਿਲਾਫ਼ ਪ੍ਰਦਰਸ਼ਨ ਕੀਤਾ, ਜਿਸਨੇ ਉਨ੍ਹਾਂ ਦੀ ਓਲੰਪਿਕਸ ਦੇ ਸਫ਼ਰ ਵਿੱਚ ਮਦਦ ਕੀਤੀ।
ਉਨ੍ਹਾਂ ਨੇ ਮੁੱਖ ਮੰਤਰੀ ਨੂੰ ਹਾਕੀ ਦਾ ਸਮਰਥਨ ਕਰਨ ਲਾਏ ਤਹਿ ਦਿਲੋਂ ਸ਼ੁਕਰੀਆ ਅਦਾ ਕੀਤਾ, ਜਿਸ ਕਰਕੇ ਟੋਕੀਓ ਓਲੰਪਿਕਸ ਵਿੱਚ ਸ਼ਾਨਦਾਰ ਨਤੀਜੇ ਆਏ।
ਓਲੰਪੀਅਨ ਇਸ ਗੱਲੋਂ ਵੀ ਬਹੁਤ ਖੁਸ਼ ਸਨ ਕਿ ਸੂਬਾ ਸਰਕਾਰ ਨੇ ਸੂਬੇ 'ਚ ਪੁੱਜਣ 'ਤੇ ਉਨ੍ਹਾਂ ਨਾਲ ਨਕਦ ਇਨਾਮ ਅਤੇ ਨੌਕਰੀਆਂ ਦਾ ਆਪਣਾ ਵਾਅਦਾ ਨਿਭਾਇਆ।
ਮਰਦਾਂ ਦੀ ਟੀਮ ਦੇ ਉਪ-ਕਪਤਾਨ, ਬੀਰੇਂਦਰ ਲਾਕਰਾ ਨੇ ਮੁੱਖ ਮੰਤਰੀ ਨੂੰ ਸਾਰੇ ਟੀਮ ਮੈਂਬਰਾਂ ਦੇ ਦਸਤਖ਼ਤ ਵਾਲੀ ਟੀਮ ਜਰਸੀ ਵੀ ਭੇਟ ਕੀਤੀ।
ਔਰਤਾਂ ਦੀ ਟੀਮ ਦੀ ਉਪ-ਕਪਤਾਨ, ਦੀਪ ਗ੍ਰੇਸ ਇੱਕਾ ਨੇ ਵੀ ਮੁੱਖ ਮੰਤਰੀ ਨੂੰ ਸਾਰੀ ਟੀਮ ਦੇ ਦਸਤਖ਼ਤ ਵਾਲੀ ਟੀਮ ਜਰਸੀ ਭੇਟ ਕੀਤੀ।
ਇਸ ਸਮਾਗਮ ਦੌਰਾਨ ਸ਼ਾਨਦਾਰ ਪ੍ਰਦਰਸ਼ਨ ਵਾਲੇ ਕੇਂਦਰ ਅਤੇ ਸਪੋਰਟਸ ਹੌਸਟਲ ਦੇ ਹਾਕੀ ਖਿਡਾਰੀ ਸ਼ਾਮਲ ਸਨ।
ਮੁੱਖ ਮੰਤਰੀ ਨਵੀਨ ਪਟਨਾਇਕ ਨੇ ਓਡੀਸ਼ਾ ਦੇ ਸਾਰੇ ਉੱਭਰ ਰਹੇ ਖਿਡਾਰੀਆਂ ਨੂੰ ਆਪਣਾ ਸਮਰਥਨ ਦੇਣ ਦਾ ਭਰੋਸਾ ਦਵਾਇਆ।
ਇਸ ਮੌਕੇ ਖੇਡ ਅਤੇ ਨੌਜਵਾਨ ਸੇਵਾਵਾਂ ਦੇ ਮੰਤਰੀ ਤੁਸ਼ਾਰਕਾਂਤੀ ਬੇਹੜਾ ਅਤੇ ਓਡੀਸ਼ਾ ਹਾਕੀ ਪ੍ਰੋਮੋਸ਼ਨ ਕਾਉਂਸਿਲ ਦੇ ਚੇਅਰਮੈਨ, ਦਿਲੀਪ ਤਿੜਕੇ ਅਤੇ ਸਪੋਰਟਸ ਸਕੱਤਰ ਆਰ. ਵਿਨੀਲ ਕ੍ਰਿਸ਼ਨਾ ਹਾਜ਼ਰ ਸਨ।
