ਸਰੀ ਵਿੱਚ ਪੁਲਿਸ ਸ਼ੂਟਿੰਗ ਵਿਚ ਇੱਕ ਵਿਅਕਤੀ ਜ਼ਖਮੀ, ਕੀਤੀ ਜਾ ਰਹੀ ਜਾਂਚ

ਸਰੀ ਦੇ ਵੈਸਟ ਨਿਊਟਨ ਇਲਾਕੇ ਵਿਚ ਬੀਤੀ ਸ਼ਾਮ ਪੁਲਿਸ ਸ਼ੂਟਿੰਗ ਵਿਚ ਇੱਕ ਵਿਅਕਤੀ ਦੇ ਜ਼ਖਮੀ ਹੋਣ ਦੀ ਜਾਂਚ ਇਨਡੀਪੈਂਡੈਂਟ ਇਨਵੈਸਟੀਗੇਸ਼ਨ ਔਫਿਸ ਵਲੋਂ ਸੰਭਾਲੀ ਗਈ ਹੈ। ਸੋਮਵਾਰ ਸ਼ਾਮ ਲਗਭਗ 7:34 ਵਜੇ ਸਰੀ ਪੁਲਿਸ ਸਰਵਿਸਸ ਨੂੰ ਸਾਊਥਪਾਰਕ ਕ੍ਰੇਸੈਂਟ ਦੇ 12200 ਬਲਾਕ ਵਿਚ ਇੱਕ ਘਰ ਵਿਚ ਇੱਕ ਸ਼ੱਕੀ ਵਿਅਕਤੀ ਵਲੋਂ ਦਾਖ਼ਲ ਹੋਣ ਦੀ ਕੋਸ਼ਿਸ਼ ਦੀ ਇਤਲਾਹ ਮਿਲੀ ਸੀ।

ਮੌਕੇ 'ਤੇ ਪਹੁੰਚੇ ਔਫੀਸਰ ਨੇ ਜਦੋਂ ਉਸ ਵਿਅਕਤੀ ਨੂੰ ਹਿਰਾਸਤ ਵਿਚ ਲੈਣ ਦੀ ਕੋਸ਼ਿਸ਼ ਕੀਤੀ ਤਾਂ ਦੋਵਾਂ ਧਿਰਾਂ ਵਿਚਾਲੇ ਤਕਰਾਰ ਹੋ ਗਈ, ਜਿਸ ਦੌਰਾਨ ਪੁਲਿਸ ਵੱਲੋਂ ਗੋਲੀ ਗੋਲੀ ਚਲਾ ਦਿੱਤੀ ਗਈ, ਇਸ ਮਗਰੋਂ ਐਸ.ਪੀ.ਐਸ. ਅਤੇ ਪੈਰਾਮੈਡਿਕਸ ਨੇ ਸ਼ੱਕੀ ਨੂੰ ਐਮਰਜੈਂਸੀ ਮੈਡੀਕਲ ਸਹਾਇਤਾ ਦੇਣ ਤੋਂ ਬਾਅਦ ਹਸਪਤਾਲ ਪਹੁੰਚਾਇਆ, ਜਿੱਥੇ ਉਸ ਦਾ ਇਲਾਜ ਚੱਲ ਰਿਹਾ ਹੈ। ਫਿਲਹਾਲ ਉਸ ਦੀ ਤਾਜ਼ਾ ਹਾਲਤ ਬਾਰੇ ਪੂਰੀ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।