16.43C Vancouver 16.43C VancouverJun 27, 2022 9:15 PM - The Canadian Press
ਯੁਕ੍ਰੇਨੀਅਨ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਰੂਸ ਵੱਲੋਂ ਕ੍ਰੈਮਨਚੱਕ ਦੇ ਇਲਾਕੇ 'ਚ ਇੱਕ ਸ਼ੌਪਿੰਗ ਮੌਲ 'ਤੇ ਮਿਸਾਈਲ ਦਾਗੇ ਗਏ ਹਨ।
ਘਟਨਾ ਮੌਕੇ ਮੌਲ 'ਚ ਵੱਡੀ ਗਿਣਤੀ 'ਚ ਲੋਕਾਂ ਦੇ ਮੌਜੂਦ ਹੋਣ ਦੀ ਜਾਣਕਾਰੀ ਦਿੱਤੀ ਗਈ।
ਯੁਕ੍ਰੇਨੀਅਨ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੀਲੈਂਸਕੀ ਨੇ ਕਿਹਾ ਕਿ ਘਟਨਾ ਦੇ ਪੀੜਤ ਲੋਕਾਂ ਦੀ ਗਿਣਤੀ ਬੇਹੱਦ ਵੱਡੀ ਹੈ।
ਹਾਲਾਂਕਿ ਹਮਲੇ 'ਚ ਕਿੰਨੇ ਲੋਕਾਂ ਦੀ ਜਾਨ ਚਲੀ ਗਈ ਹੈ ਅਤੇ ਕਿੰਨੇ ਲੋਕ ਜਖਮੀ ਹੋਏ ਹਨ ਇਹ ਫਿਲਹਾਲ ਸਪਸ਼ਟ ਨਹੀਂ ਹੋ ਸਕਿਆ ਹੈ।
ਜ਼ੀਲੈਂਕਸੀ ਨੇ ਕਿਹਾ ਕਿ ਘਟਨਾ ਮੌਕੇ ਮੌਲ 'ਚ 1,000 ਤੋਂ ਵਧੇਰੇ ਲੋਕ ਮੌਜੂਦ ਸਨ।
ਜ਼ੀਲੈਂਸਕੀ ਨੇ ਇਹ ਵੀ ਕਿਹਾ ਕਿ ਜਿਹੜੇ ਲੋਕਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਉਨ੍ਹਾਂ ਤੋਂ ਰੂਸ ਨੂੰ ਕੋਈ ਖਤਰਾ ਨਹੀਂ ਸੀ ਅਤੇ ਨਾ ਹੀ ਇਸ ਨਿਸ਼ਾਨੇ ਦੀ ਕੋਈ ਸਟ੍ਰੇਟਿਜੀਕ ਵੈਲਿਊ ਸੀ।
ਫਿਲਹਾਲ ਘਟਨਾ 'ਚ ਘਟੋ-ਘੱਟ 13 ਲੋਕਾਂ ਦੀ ਮੌਤ ਹੋਣ ਦੀ ਜਾਣਕਾਰੀ ਉਜਾਗਰ ਹੋਈ ਹੈ।
ਮੌਕੇ ਤੋਂ ਮਲਬਾ ਹਟਾਇਆ ਜਾ ਰਿਹਾ ਹੈ ਅਤੇ ਹੋਰ ਪੀੜਤਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
