ਆਇਲਰਸ ਨੇ ਚੌਥੀ ਗੇਮ 'ਚ ਮਾਰੀ ਬਾਜ਼ੀ, ਫਾਈਨਲ 'ਚ ਐਂਟਰੀ ਲਈ ਸਥਿਤੀ ਮਜ਼ਬੂਤ

ਐਨ.ਐਚ.ਐਲ. ਦੇ ਵੈਸਟਰਨ ਕਾਨਫਰੰਸ ਫਾਈਨਲਸ ਵਿੱਚ ਐਡਮਿੰਟਨ ਆਇਲਰਸ ਨੇ ਡੈਲਸ ਸਟਾਰਸ ਖਿਲਾਫ 3-1 ਦੀ ਲੀਡ ਹਾਸਿਲ ਕਰ ਲਈ ਹੈ। ਇਸ ਦੇ ਨਾਲ ਹੀ ਐਡਮਿੰਟਨ ਆਇਲਰਸ ਸਟੈਨਲੀ ਕੱਪ ਦੇ ਫਾਈਨਲ 'ਚ ਐਂਟਰੀ ਲਈ ਬੇਹੱਦ ਮਜਬੂਤ ਸਥਿਤੀ 'ਚ ਪਹੁੰਚ ਗਏ ਹਨ। ਬੀਤੀ ਰਾਤ ਦੇ ਮੁਕਾਬਲੇ 'ਚ ਐਡਮਿੰਟਨ ਨੇ ਡੈਲਸ ਖਿਲਾਫ 4-1 ਨਾਲ ਬਾਜੀ ਮਾਰੀ।

ਘਰੇਲੂ ਦਰਸ਼ਕਾਂ ਸਾਹਮਣੇ ਰੌਜਰਸ ਪਲੇਸ 'ਚ ਖੇਡੇ ਗਏ ਮੁਕਾਬਲੇ 'ਚ ਐਡਮਿੰਟਨ ਲਈ ਗੋਲਟੈਂਡਰ ਸਟੁਅਰਟ ਸਕਿਨਰ ਨੇ ਇੱਕ ਵਾਰ ਫਿਰ ਦਮਦਾਰ ਖੇਡ ਵਿਖਾਉਂਦਿਆਂ 28 ਸੇਵਸ ਕੀਤੇ। ਦੋਵਾਂ ਟੀਮਾਂ ਵਿਚਾਲੇ ਅਗਲਾ ਮੁਕਾਬਲਾ ਕੱਲ ਰਾਤ ਟੈਕਸਸ ਵਿੱਚ ਹੋਣਾ ਹੈ।

ਸੀਰੀਜ਼ 'ਚ ਬਣੇ ਰਹਿਣ ਲਈ ਡੈਲਸ ਲਈ ਅਗਲਾ ਮੁਕਾਬਲਾ ਜਿੱਤਣਾ ਜਰੂਰੀ ਹੋਵੇਗਾ। ਅੱਜ ਰਾਤ ਡਿਫੈਂਡਿੰਗ ਚੈਂਪੀਅਨਸ ਫਲੋਰੀਡਾ ਪੈਂਥਰਸ ਦੀ ਕੈਰੋਲੀਨਾ ਹਰੀਕੇਨਸ ਨਾਲ ਟੱਕਰ ਹੋਵੇਗੀ। ਪੈਂਥਰਸ ਨੂੰ ਹਾਲ ਦੀ ਘੜੀ ਸੀਰੀਜ਼ 'ਚ 3-1 ਦੀ ਲੀਡ ਹਾਸਿਲ ਹੈ।