18.79C Vancouver 18.79C VancouverJul 21, 2021 9:22 PM -
ਟੋਕਿਓ 'ਚ ਇੱਕ ਪਾਸੇ ਓਲੰਪਿਕ ਖੇਡਾਂ ਦੀ ਸ਼ੁਰੂਆਤ ਹੋ ਰਹੀ ਹੈ ਪਰ ਦੂਜੇ ਪਾਸੇ ਸ਼ਹਿਰ 'ਚ ਕੋਰੋਨਾ ਵਾਇਰਸ ਦੇ ਮਾਮਲਿਆਂ ਦੀ ਗਿਣਤੀ ਵੀ ਵਧਦੀ ਦੱਸੀ ਗਈ ਹੈ।
ਖੇਡਾਂ ਦੇ ਅਧਿਕਾਰਤ ਤੌਰ 'ਤੇ ਸ਼ੁਰੂ ਹੋਣ ਤੋਂ 2 ਦਿਨ ਪਹਿਲਾਂ ਸ਼ਹਿਰ 'ਚ 1,832 ਕੋਵਿਡ-19 ਮਾਮਲੇ ਰਿਪੋਰਟ ਹੋਏ ਹਨ।
ਯਾਦ ਰਹੇ ਜਾਪਾਨ 'ਚ ਸਿਰਫ 23% ਲੋਕ ਹੀ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਹਨ।
ਟੋਕਿਓ ਨੂੰ ਸਟੇਟ ਆਫ ਐਮਰਜੈਂਸੀ ਹੇਠ ਰੱਖਿਆ ਗਿਆ ਹੈ।
ਇਹ ਐਮਰਜੈਂਸੀ 22 ਅਗਸਤ ਤਕ ਜਾਰੀ ਰਵੇਗੀ।
ਟੋਕਿਓ 'ਚ ਖੇਡੇ ਜਾ ਰਹੇ ਓਲੰਪਿਕਸ ਦਾ ਪੂਰਾ ਸਮਾਂ ਇਸ ਐਮਰਜੈਂਸੀ ਵਿਚਾਲੇ ਹੀ ਨਿਕਲੇਗਾ।
ਓਲੰਪਿਕ ਖੇਡਾਂ 23 ਜੁਲਾਈ ਤੋਂ ਸ਼ੁਰੂ ਹੋ ਕੇ 9 ਅਗਸਤ ਨੂੰ ਖਤਮ ਹੋਣੀਆਂ ਹਨ।
ਟੋਕਿਓ 'ਚ ਐਕਸਪਰਟ ਪੈਨਲ ਦਾ ਕਹਿਣਾ ਹੈ ਕਿ ਸ਼ਹਿਰ 'ਚ ਰੋਜ਼ਾਨਾ ਰਿਪੋਰਟ ਹੋਣ ਵਾਲੇ ਕੋਵਿਡ-19 ਮਾਮਲੇ 2 ਹਫ਼ਤਿਆਂ 'ਚ 2,600 ਤਕ ਪਹੁੰਚ ਸਕਦੇ ਹਨ।
