15.83C Vancouver 15.83C VancouverApr 29, 2026 4:27 PM - Connect Newsroom - Ramandeep Kaur with files from The Canadian Press
ਸਰੀ ਦੇ ਨਿਊਟਨ ਇਲਾਕੇ ਵਿਚ ਮੰਗਲਵਾਰ ਸ਼ਾਮ ਨੂੰ 148 ਸਟ੍ਰੀਟ ਦੇ 6800-ਬਲਾਕ ਵਿਚ ਇੱਕ ਡਰਾਈਵੇਅ ਵਿਚ ਖੜੀ ਗੱਡੀ 'ਤੇ ਗੋਲੀਆਂ ਚਲਾਈਆਂ ਗਈਆਂ, ਜਿਸ ਵਿਚ ਇੱਕ ਵਿਅਕਤੀ ਦੀ ਮੌਕੇ 'ਤੇ ਮੌਤ ਹੋ ਗਈ ਅਤੇ ਦੂਜੇ ਵਿਅਕਤੀ ਨੂੰ ਹਲਕੀਆਂ ਸੱਟਾਂ ਨਾਲ ਹਸਪਤਾਲ ਦਾਖਲ ਕਰਵਾਇਆ ਗਿਆ।
ਸਰੀ ਪੁਲਿਸ ਦੇ ਸਟਾਫ ਸਾਰਜੈਂਟ ਲਿੰਡਸੇ ਹਾਫਟਨ ਮੁਤਾਬਕ, ਘਟਨਾ ਸ਼ਾਮ ਲਗਭਗ 7 ਵਜੇ ਵਾਪਰੀ। ਸੀ.ਸੀ.ਟੀ.ਵੀ. ਫੁਟੇਜ ਵਿਚ ਦੇਖਿਆ ਗਿਆ ਕਿ ਜਦੋਂ ਪੀੜਤਾਂ ਦੀ ਸਿਲਵਰ ਰੰਗ ਦੀ ਕਾਰ ਡਰਾਈਵੇਅ ਤੋਂ ਪਿੱਛੇ ਮੁੜਨ ਦੀ ਕੋਸ਼ਿਸ਼ ਕਰ ਰਹੀ ਸੀ, ਤਾਂ ਹਮਲਾਵਰਾਂ ਦੀ ਕਾਲੀ ਸੇਡਾਨ ਨੇ ਉਨ੍ਹਾਂ ਦਾ ਰਸਤਾ ਬਲੌਕ ਕਰ ਦਿੱਤਾ।
ਇਸ ਦੌਰਾਨ ਦੋ ਨਕਾਬਪੋਸ਼ ਹਮਲਾਵਰ ਬਾਹਰ ਨਿਕਲੇ ਅਤੇ ਗੋਲੀਆਂ ਚਲਾਉਣ ਤੋਂ ਬਾਅਦ ਮੌਕੇ ਤੋਂ ਫ਼ਰਾਰ ਹੋ ਗਏ। ਕੋਈ ਵੀ ਪੀੜਤ 148 ਸਟਰੀਟ 'ਤੇ ਸਥਿਤ ਉਸ ਘਰ ਨਾਲ ਸਬੰਧਤ ਨਹੀਂ ਸੀ ਜਿੱਥੇ ਸ਼ੂਟਿੰਗ ਦੀ ਵਾਰਦਾਤ ਹੋਈ। ਰਿਪੋਰਟ ਮੁਤਾਬਕ, ਘਟਨਾ ਸਥਾਨ ਨੇੜੇ ਇੱਕ ਅੱਗ ਲਗਾਈ ਹੋਈ ਗੱਡੀ ਵੀ ਬਰਾਮਦ ਹੋਈ।
ਹਾਲਾਂਕਿ, ਪੁਲਿਸ ਨੇ ਅਜੇ ਇਸ ਦਾ ਸ਼ੂਟਿੰਗ ਨਾਲ ਸਿੱਧਾ ਸਬੰਧ ਸਪੱਸ਼ਟ ਨਹੀਂ ਕੀਤਾ ਪਰ ਗੈਂਗਵਾਰ ਦੀਆਂ ਘਟਨਾਵਾਂ ਵਿਚ ਅਕਸਰ ਇਸ ਤਰ੍ਹਾਂ ਦੇ ਮਾਮਲੇ ਦੇਖੇ ਜਾਂਦੇ ਹਨ। ਹਾਫਟਨ ਮੁਤਾਬਕ, ਮਾਮਲੇ ਦੀ ਜਾਂਚ ਇੰਟਰਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਵਲੋਂ ਸੰਭਾਲੀ ਗਈ ਹੈ।
