23.21C Vancouver 23.21C VancouverSep 1, 2022 12:37 AM - Connect News
ਸਰੀ ਆਰ.ਸੀ.ਐਮ.ਪੀ. ਨੇ ਜਾਣਕਾਰੀ ਦਿੱਤੀ ਹੈ ਕਿ ਬੁੱਧਵਾਰ ਨੂੰ ਨਿਊਟਨ ਇਲਾਕੇ 'ਚ ਵਾਪਰੀ ਹਮਲੇ ਦੀ ਵਾਰਦਾਤ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਘਟਨਾ ਅੱਜ ਦੁਪਹਿਰ ਕਰੀਬ 1.50 ਵਜੇ ਵਾਪਰੀ ਦੱਸੀ ਗਈ। ਪੁਲਿਸ ਨੂੰ 2 ਆਦਮੀਆਂ ਵਿਚਾਲੇ ਝਗੜੇ ਦੀ ਰਿਪੋਰਟ ਮਿਲੀ ਸੀ ਜਿਸ ਤੋਂ ਬਾਅਦ ਅਫਸਰਾਂ ਨੇ 61 ਐਵੀਨਿਊ ਦੇ 14100 ਬਲੌਕ 'ਚ ਪਹੁੰਚ ਕੀਤੀ ਸੀ।
ਮੌਕੇ 'ਤੇ ਇੱਕ ਆਦਮੀ ਮੈਡਿਕਲ ਪ੍ਰੇਸ਼ਾਨੀ 'ਚ ਮਿਲਿਆ ਦੱਸਿਆ ਗਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਫਰਸਟ ਰਿਸਪਾਂਡਰਸ ਦੀਆਂ ਪੁਰਜੋਰ ਕੋਸ਼ਿਸ਼ਾਂ ਦੇ ਬਾਵਜੂਦ ਪੀੜਤ ਆਦਮੀ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ।
ਪੁਲਿਸ ਨੇ ਇੱਕ ਸ਼ੱਕੀ ਵਿਅਕਤੀ ਨੂੰ ਹਿਰਾਸਤ 'ਚ ਲੈ ਲਿਆ ਹੈ।
ਮਾਮਲੇ ਦੀ ਜਾਂਚ ਲਈ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੂੰ ਸੱਦਿਆ ਗਿਆ ਹੈ।
ਪੁਲਿਸ ਨੇ ਦੱਸਿਆ ਕਿ ਮੌਕੇ 'ਤੇ ਜਾਂਚ ਦੌਰਾਨ ਇਲਾਕੇ 'ਚ ਕਾਫੀ ਸਮੇਂ ਤਕ ਅਫਸਰਾਂ ਦੀ ਮੌਜੂਦਗੀ ਵੇਖਣ ਨੂੰ ਮਿਲ ਸਕਦੀ ਹੈ।
ਹਾਲ ਦੀ ਘੜੀ ਪੀੜਤ ਜਾਂ ਸ਼ੱਕੀ ਵਿਅਕਤੀ ਬਾਰੇ ਕੋਈ ਜਾਣਕਾਰੀ ਜਾਰੀ ਨਹੀਂ ਕੀਤੀ ਗਈ ਹੈ।
