24.87C Vancouver 24.87C VancouverJun 16, 2025 4:13 PM - The Canadian Press
ਬੀ. ਸੀ. ਦੀ ਸਕਵਾਮਿਸ਼ ਨਦੀ ਨੇੜੇ ਵਾਪਰੇ ਸਿੰਗਲ ਵਾਹਨ ਹਾਦਸੇ ਕਾਰਨ ਇਕ ਵਾਹਨ ਨਦੀ ਵਿਚ ਡਿੱਗ ਗਿਆ। ਇਸ ਵਿਚ ਸਵਾਰ ਇਕ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਹੈ। ਪੁਲਿਸ ਮੁਤਾਬਕ ਸ਼ਨੀਵਾਰ ਤੜਕੇ 4 ਵਿਅਕਤੀ ਇਕ ਵਾਹਨ ਰਾਹੀਂ ਸਕਵਾਮਿਸ਼ ਵੈਲੀ ਰੋਡ ਤੋਂ ਜਾ ਰਹੇ ਸਨ ਅਤੇ ਵਾਹਨ ਕਾਬੂ ਤੋਂ ਬਾਹਰ ਹੋ ਕੇ ਡਿੱਗ ਗਿਆ। ਇਸ ਵਿਚ ਸਵਾਰ 3 ਵਿਅਕਤੀ ਸੁਰੱਖਿਅਤ ਬਾਹਰ ਆ ਗਏ ਪਰ ਇਕ ਅੰਦਰ ਹੀ ਫਸ ਗਿਆ।
ਸ਼ਨੀਵਾਰ ਸਵੇਰੇ ਕਰੀਬ 5 ਵਜੇ ਤੋਂ ਲਾਪਤਾ ਵਿਅਕਤੀ ਅਤੇ ਉਸ ਦੇ ਵਾਹਨ ਦੀ ਭਾਲ ਕੀਤੀ ਜਾ ਰਹੀ ਹੈ ਪਰ ਐਤਵਾਰ ਦੁਪਹਿਰ ਤੱਕ ਉਸ ਬਾਰੇ ਕੋਈ ਵੀ ਜਾਣਕਾਰੀ ਨਹੀਂ ਮਿਲ ਸਕੀ ਸੀ।
ਬੀ. ਸੀ. ਐਮਰਜੈਂਸੀ ਹੈਲਥ ਸਰਵਿਸਿਜ਼ ਮੁਤਾਬਕ ਉਨ੍ਹਾਂ ਨੂੰ ਤੜਕੇ ਕਰੀਬ 3 ਵਜੇ ਹਾਦਸੇ ਸਬੰਧੀ ਜਾਣਕਾਰੀ ਮਿਲੀ ਸੀ। ਉਨ੍ਹਾਂ ਦੀ ਮਦਦ ਲਈ ਦੋ ਐਂਬੂਲੈਂਸ ਭੇਜੀਆਂ ਗਈਆਂ ਸਨ ਪਰ ਕਿਸੇ ਨੂੰ ਵੀ ਹਸਪਤਾਲ ਲੈ ਜਾਣ ਦੀ ਜ਼ਰੂਰਤ ਨਹੀਂ ਪਈ। ਪੈਰਾਮੈਡਿਕਸ ਨੇ ਉਨ੍ਹਾਂ ਨੂੰ ਉੱਥੇ ਹੀ ਮੈਡੀਕਲ ਮਦਦ ਦਿੱਤੀ। ਫਿਲਹਾਲ ਵਿਅਕਤੀ ਨੂੰ ਲੱਭਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ।
