ਬੀ.ਸੀ. ’ਚ ਨਵੇਂ ਸਾਲ ਵਾਲੇ ਦਿਨ ਘਰ ’ਚ ਲੱਗੀ ਅੱਗ, ਇਕ ਵਿਅਕਤੀ ਦੀ ਹੋਈ ਮੌਤ

ਬੀ.ਸੀ. ਵਿਚ ਨਵੇਂ ਸਾਲ ਵਾਲੇ ਦਿਨ ਇਕ ਘਰ ਵਿਚ ਅੱਗ ਲੱਗਣ ਦੀ ਖਬਰ ਹੈ, ਜਿਸ ਵਿਚ 1 ਵਿਅਕਤੀ ਦੀ ਮੌਤ ਹੋ ਗਈ। ਪੁਲਿਸ ਅਨੁਸਾਰ ਇਹ ਘਟਨਾ 1 ਜਨਵਰੀ ਦੀ ਸਵੇਰ ਨੂੰ 26 ਐਵੇਨਿਊ ਦੇ 14300 ਬਲਾਕ ਵਿਚ ਵਾਪਰੀ।

ਸਰੀ ਆਰ.ਸੀ.ਐੱਮ.ਪੀ. ਵਲੋਂ ਕੱਲ ਸਵੇਰੇ ਇਕ ਬਿਆਨ ਜਾਰੀ ਕਰਕੇ ਦੱਸਿਆ ਗਿਆ ਕਿ 4 ਵਿਅਕਤੀ ਘਰ ਵਿਚੋਂ ਨਿਕਲਣ ਵਿਚ ਕਾਮਯਾਬ ਰਹੇ ਜਦਕਿ ਪੰਜਵਾਂ ਵਿਅਕਤੀ ਘਰ ਵਿਚ ਮ੍ਰਿਤਕ ਪਾਇਆ ਗਿਆ। ਪੁਲਿਸ ਨੂੰ ਇਸ ਘਟਨਾ ਦੀ ਸੂਚਨਾ ਸਵੇਰੇ ਲਗਭਗ 6:45 ’ਤੇ ਮਿਲੀ।

ਪੁਲਿਸ ਦੇ ਪਹੁੰਚਣ ਸਮੇਂ ਮੌਕੇ ’ਤੇ ਫਾਇਰ ਬਿ੍ਰਗੇਡ ਦੀਆਂ ਗੱਡੀਆਂ ਵੀ ਪਹੁੰਚ ਗਈਆਂ। ਪੁਲਿਸ ਵਲੋਂ ਸਰੀ ਦੇ ਫਾਇਰ ਬਿ੍ਰਗੇਡ ਦੇ ਦਸਤੇ ਦੇ ਸਹਿਯੋਗ ਨਾਲ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਅਧਿਕਾਰੀਆਂ ਵਲੋਂ ਗੁਆਂਢੀਆਂ ਅਤੇ ਸੰਭਾਵਿਤ ਗਵਾਹਾਂ ਤੋਂ ਜਾਣਕਾਰੀ ਲਈ ਜਾ ਰਹੀ ਹੈ। ਸਰੀ ਦੀ ਫਾਇਰ ਬਿ੍ਰਗੇਡ ਦੇ ਅਨੁਸਾਰ 10 ਲੋਕਾਂ ਦਾ ਮੌਕੇ ’ਤੇ ਇਲਾਜ ਕੀਤਾ ਗਿਆ ਅਤੇ 6 ਨੂੰ ਮਾਮੂਲੀ ਸੱਟਾਂ ਜਾਂ ਧੂੰਏਂ ’ਚ ਸਾਹ ਲੈਣ ਕਾਰਨ ਹਸਪਤਾਲ ਲਿਜਾਇਆ ਗਿਆ।

ਮੌਕੇ ’ਤੇ ਚੱਲ ਰਹੀ ਜਾਂਚ ਦੇ ਕਾਰਨ 144 ਗਲੀ ਨੂੰ ਵੀ ਦੋਹਾਂ ਪਾਸਿਓਂ ਬੰਦ ਕਰ ਦਿੱਤਾ ਗਿਆ ਸੀ। ਇਸ ਸੰਬੰਧ ਵਿਚ ਕਿਸੇ ਵੀ ਤਰ੍ਹਾਂ ਦੀ ਜਾਣਕਾਰੀ ਹੋਣ ’ਤੇ ਸਰੀ ਆਰ.ਸੀ.ਐੱਮ.ਪੀ. ਨਾਲ 604-599-0502 ’ਤੇ ਅਤੇ ਅਪਰਾਧ ਰੋਕਣ ਵਾਲੇ ਨਾਲ 1-800-222-ਟਿਪਸ ’ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।