6.45C Vancouver 6.45C VancouverJul 7, 2022 7:10 PM - The Canadian Press
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਬੌਰਿਸ ਜੌਨਸਨ ਨੇ ਅਸਤੀਫਾ ਦੇ ਦਿੱਤਾ ਹੈ।
ਉਨ੍ਹਾਂ ਅਸਤੀਫੇ ਸੰਬੰਧੀ ਐਲਾਨ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਕੰਜ਼ਰਵੇਟਿਵ ਪਾਰਟੀ ਦਾ ਸਪਸ਼ਟ ਇਰਾਦਾ ਵਿਖਾਈ ਦਿੰਦਾ ਹੈ ਕਿ ਪਾਰਟੀ ਨੂੰ ਨਵੇਂ ਲੀਡਰ ਦੀ ਲੋੜ ਹੈ।
ਜੌਨਸਨ ਨੇ ਕਿਹਾ ਕਿ ਨਵੇਂ ਲੀਡਰ ਦੀ ਚੋਣ ਤਕ ਉਹ ਪ੍ਰਧਾਨ ਮੰਤਰੀ ਦੇ ਤੌਰ 'ਤੇ ਸੇਵਾਵਾਂ ਨਿਭਾਉਂਦੇ ਰਹਿਣਗੇ।
ਹਾਲਾਂਕਿ ਆਲੋਚਕਾਂ ਦਾ ਕਹਿਣਾ ਹੈ ਕਿ ਬੌਰਿਸ ਜੌਨਸਨ ਨੂੰ ਇੱਕ ਕੇਅਰਟੇਕਰ ਪ੍ਰਧਾਨ ਮੰਤਰੀ ਦੀ ਭੂਮਿਕਾ ਨਿਭਾਉਣ ਦੀ ਇਜਾਜਤ ਨਹੀਂ ਦਿੱਤੀ ਜਾਣੀ ਚਾਹੀਦੀ ਅਤੇ ਉਨ੍ਹਾਂ ਨੂੰ ਜਲਦੀ ਤੋਂ ਜਲਦੀ ਦਫ਼ਤਰ ਤੋਂ ਬਾਹਰ ਕਰਨਾ ਚਾਹੀਦਾ ਹੈ।
ਯਾਦ ਰਹੇ ਇਹ ਐਲਾਨ ਉਸ ਵੇਲੇ ਕੀਤਾ ਗਿਆ ਹੈ ਜਦ ਤਾਜਾ ਐਥਿਕਸ ਵਿਵਾਦ ਵਿਚਾਲੇ 50 ਦੇ ਕਰੀਬ ਸੀਨੀਅਰ ਕਨੂੰਨਘਾੜੇ ਸਰਕਾਰ ਨੂੰ ਛੱਡ ਗਏ ਸਨ।
ਇਨ੍ਹਾਂ ਵੱਲੋਂ ਬੌਰਿਸ ਜੌਨਸਨ ਦੀ ਇਮਾਨਦਾਰੀ 'ਤੇ ਸਵਾਲ ਚੁੱਕੇ ਗਏ ਸਨ। ਜੌਨਸਨ ਨੇ ਆਖਿਆ ਕਿ ਨਵੇਂ ਪ੍ਰਧਾਨ ਮੰਤਰੀ ਦੀ ਚੋਣ ਲਈ ਸਮੇਂਸੀਮਾ ਦਾ ਐਲਾਨ ਅਗਲੇ ਹਫ਼ਤੇ ਕੀਤਾ ਜਾਵੇਗਾ।
