9.02C Vancouver 9.02C VancouverOct 20, 2026 12:38 PM - Connect Newsroom - Ramandeep Kaur
ਐਡਮਿੰਟਨ ਪੁਲਿਸ ਨੇ ਇਸ ਸਾਲ ਫਰਵਰੀ ਵਿੱਚ ਇੱਕ ਨੈਸ਼ਨਲ ਆਨਲਾਈਨ ਡਰੱਗ ਤਸਕਰੀ ਰਿੰਗ ਨਾਲ ਜੁੜੇ ਕਈ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਮਾਮਲੇ ਵਿੱਚ 5 ਵਿਅਕਤੀਆਂ ਖ਼ਿਲਾਫ਼ ਕੁੱਲ 133 ਅਪਰਾਧਿਕ ਮਾਮਲੇ ਦਰਜ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚ ਸੰਗਠਿਤ ਅਪਰਾਧ, ਤਸਕਰੀ,ਮਨੀ ਲਾਂਡਰਿੰਗ ਅਤੇ ਅਪਰਾਧਿਕ ਕਮਾਈ ਰੱਖਣ ਦੇ ਦੋਸ਼ ਸ਼ਾਮਲ ਹਨ।ਇਹ ਸਾਰੀ ਕਾਰਵਾਈ ਮਾਰਚ 2024 ਤੋਂ ਜਨਵਰੀ 2025 ਤੱਕ ਚੱਲੀ ਇੱਕ ਲੰਮੀ ਜਾਂਚ ਦਾ ਨਤੀਜਾ ਹੈ, ਜੋ ਕਿ BlueBuddhaCo ਨਾਮਕ ਇੱਕ ਆਨਲਾਈਨ ਗਰੁੱਪ ਵਿਰੁੱਧ ਕੀਤੀ ਗਈ ਸੀ।
ਇਹ ਗਰੁੱਪ ਬੈਂਕਿੰਗ ਅਤੇ ਕ੍ਰਿਪਟੋਕਰੰਸੀ ਪਲੇਟਫਾਰਮਾਂ ਰਾਹੀਂ ਮਨੀ ਲਾਂਡਰਿੰਗ ਕਰ ਰਿਹਾ ਸੀ।ਪੁਲਿਸ ਨੇ ਜਨਵਰੀ 2025 ਦੌਰਾਨ ਛਾਪੇਮਾਰੀ ਕਰਕੇ ਸੈਂਟਰਲ ਐਡਮਿੰਟਨ ਦੇ ਨਾਲ-ਨਾਲ Hollick-Kenyon ਅਤੇ Schonsee ਇਲਾਕਿਆਂ ਵਿੱਚ ਕਈ ਸਟੋਰੇਜ ਅਤੇ ਡਿਸਟ੍ਰੀਬਿਊਸ਼ਨ ਲੋਕੇਸ਼ਨ ਦਾ ਪਰਦਾਫਾਸ਼ ਕੀਤਾ।ਕਾਰਵਾਈ ਦੌਰਾਨ ਪੁਲਿਸ ਨੇ $224,000 ਦੀ ਕੀਮਤ ਦੇ ਨਸ਼ੀਲੇ ਪਦਾਰਥ ਜ਼ਬਤ ਕੀਤੇ ਹਨ ਅਤੇ ਅੰਦਾਜ਼ਾ ਲਗਾਇਆ ਹੈ ਕਿ ਇਸ ਗਰੁੱਪ ਨੇ ਈ-ਟਰਾਂਸਫਰ ਜਮ੍ਹਾਂ ਰਾਸ਼ੀ ਰਾਹੀਂ ਲਗਭਗ $1.98 ਮਿਲੀਅਨ ਦੀ ਕਮਾਈ ਕੀਤੀ ਸੀ।
