11.92C Vancouver 11.92C VancouverJan 26, 2024 8:29 PM - Connect Newsroom
ਕੈਨੇਡਾ ਦੇ ਹਾਊਸ ਓਫ ਕੌਮਨਸ ਵਿਚ ਮੁੱਖ ਵਿਰੋਧੀ ਧਿਰ ਦੇ ਲੀਡਰ ਪੀਅਰ ਪੌਲੀਐਵ ਔਂਟੈਰੀਓ ਸਰਕਾਰ ਦੇ ਪੰਜਾਬੀ ਮੂਲ ਦੇ ਮਿਨਿਸਟਰ ਨੂੰ ਫੈਡਰਲ ਇਲੈਕਸ਼ਨ ਲੜਵਾਉਣ ਜਾ ਰਹੇ ਹਨ।
ਬੀਤੇ ਕੱਲ੍ਹ ਪਰਮ ਗਿੱਲ ਨੇ ਸੂਬੇ ਦੇ ਵਿਧਾਇਕ ਅਤੇ ਕੈਬਿਨਟ ਮਿਨਿਸਟਰ ਵਜੋਂ ਅਸਤੀਫਾ ਦਿੱਤਾ ਹੈ।
ਪਰਮ ਗਿੱਲ ਨੇ ਕਿਹਾ ਕਿ ਉਨ੍ਹਾਂ ਦੇ ਹਲਕੇ ਦੇ ਲੋਕ ਚਾਹੁੰਦੇ ਸਨ ਕਿ ਉਹ ਪੀਅਰ ਪੌਲੀਐਵ ਨਾਲ ਜੁੜਣ।
ਗਿੱਲ ਮਿਲਟਨ ਹਲਕੇ ਤੋਂ ਦੋ ਵਾਰ ਦੇ ਵਿਧਾਇਕ ਸਨ।
ਪ੍ਰੀਮੀਅਰ ਡਗ ਫੋਰਡ ਨੇ 2021 ਵਿਚ ਉਨ੍ਹਾਂ ਨੂੰ ਪਹਿਲਾਂ ਸਿਟੀਜ਼ਨਸ਼ਿਪ ਅਤੇ ਮਲਟੀ ਕਲਚਰਿਜ਼ਮ ਮਿਨਿਸਟਰ ਬਣਾਇਆ ਸੀ ਅਤੇ ਅਸਤੀਫਾ ਦੇਣ ਸਮੇਂ ਉਹ ਰੈਡ ਟੇਪ ਰਿਡਕ੍ਸ਼ਨ ਮਿਨਿਸਟਰ ਸਨ।
ਗਿੱਲ ਨੇ ਕਿਹਾ ਕਿ ਉਨ੍ਹਾਂ ਨੇ ਆਪਣੀ ਪਤਨੀ ਅਤੇ ਪਰਿਵਾਰ ਨਾਲ ਬਹੁਤ ਚਰਚਾ ਤੋਂ ਬਾਅਦ ਆਪਣਾ ਅਸਤੀਫਾ ਸੌਂਪਣ ਦਾ ਫੈਸਲਾ ਕੀਤਾ।
ਉਨ੍ਹਾਂ ਕਿਹਾ ਕਿ ਉਹ ਜਸਟਿਨ ਟਰੂਡੋ ਦੇ ਲਿਬਰਲ-ਐੱਨਡੀਪੀ ਗੱਠਜੋੜ ਨੂੰ ਹਰਾਉਣ ਦੀਆਂ ਕੋਸ਼ਿਸ਼ਾਂ ਵਿਚ ਪੌਲੀਐਵ ਦੀ ਕੰਜ਼ਰਵੇਟਿਵ ਟੀਮ ਵਿਚ ਸ਼ਾਮਲ ਹੋ ਕੇ ਮਿਲਟਨ ਹਲਕੇ ਦੇ ਲੋਕਾਂ ਲਈ ਲੜਨਾ ਜਾਰੀ ਰੱਖਣਗੇ।
ਗੌਰਤਲਬ ਹੈ ਕਿ ਅਗਲੀਆਂ ਫੈਡਰਲ ਇਲੈਕਸ਼ਨ ਅਕਤੂਬਰ ਵਿਚ ਹੋਣੀਆਂ ਹਨ।
ਪੋਲਸ ਦੀ ਮੰਨੀਏ ਤਾਂ ਇਸ ਵਾਰ ਟਰੂਡੋ ਦੀ ਲਿਬਰਲਸ ਦਾ ਪੌਲੀਐਵ ਨਾਲ ਸਖ਼ਤ ਮੁਕਾਬਲਾ ਹੋਣ ਵਾਲਾ ਹੈ।
ਓਧਰ, ਔਂਟੈਰੀਓ ਵਿਚ ਪ੍ਰੀਮੀਅਰ ਡਗ ਫੋਰਡ ਸਰਕਾਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੀ ਕੈਬਨਿਟ ਵਿਚੋਂ ਅਸਤੀਫਾ ਦੇਣ ਵਾਲੇ ਪਰਮ ਗਿੱਲ ਚੌਥੇ ਮਿਨਿਸਟਰ ਹਨ।
