ਓਨਟਾਰੀਓ ਦੇ ਪਬਲਿਕ ਹੈਲਥ ਡਿਪਾਰਟਮੈਂਟ ਨੇ ਸੂਬੇ ਵਿਚ ਇੱਕ ਸਾਲ ਤੋਂ ਚੱਲ ਰਹੇ ਖਸਰੇ ਦਾ ਪ੍ਰਕੋਪ ਖਤਮ ਹੋਣ ਦਾ ਕੀਤਾ ਐਲਾਨ

ਓਨਟਾਰੀਓ ਦੇ ਪਬਲਿਕ ਹੈਲਥ ਡਿਪਾਰਟਮੈਂਟ ਨੇ ਸੂਬੇ ਵਿਚ ਇੱਕ ਸਾਲ ਤੋਂ ਚੱਲ ਰਹੇ ਖਸਰੇ ਦਾ ਪ੍ਰਕੋਪ ਖਤਮ ਹੋਣ ਦਾ ਐਲਾਨ ਕੀਤਾ ਹੈ, ਏਜੰਸੀ ਦਾ ਕਹਿਣਾ ਹੈ ਕਿ ਸੂਬੇ ਵਿਚ ਲਗਾਤਾਰ 46 ਦਿਨ ਖਸਰੇ ਨਾਲ ਸਬੰਧਤ ਕੋਈ ਨਵਾਂ ਕੇਸ ਦਰਜ ਨਹੀਂ ਕੀਤਾ ਗਿਆ।

ਓਨਟਾਰੀਓ ਵਿਚ ਇਹ ਸੰਕਰਮਣ 18 ਅਕਤੂਬਰ, 2024 ਨੂੰ ਸ਼ੁਰੂ ਹੋਇਆ ਸੀ, ਜਦੋਂ ਇੱਕ ਵਿਅਕਤੀ ਜਿਸ ਨੂੰ ਨਿਊ ਬਰੰਜ਼ਵਿਕ ਵਿਚ ਖਸਰਾ ਹੋਇਆ ਸੀ, ਉਸ ਨੇ ਦੂਜਿਆਂ ਨੂੰ ਵੀ ਸੰਕਰਮਿਤ ਕੀਤਾ।

ਪਬਲਿਕ ਹੈਲਥ ਓਨਟਾਰੀਓ ਨੇ ਕਿਹਾ ਕਿ ਇਸ ਬਿਮਾਰੀ ਨਾਲ ਸੂਬੇ ਵਿਚ 2,375 ਲੋਕ ਸੰਕਰਮਿਤ ਹੋਏ ਅਤੇ ਇੱਕ ਬੱਚੇ ਦੀ ਮੌਤ ਹੋ ਗਈ ਸੀ। ਖਸਰੇ ਨਾਲ ਸਬੰਧਤ ਆਖਰੀ ਕੇਸ 21 ਅਗਸਤ, 2025 ਨੂੰ ਸਾਹਮਣੇ ਆਇਆ ਅਤੇ ਰਾਸ਼ਟਰੀ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਆਖਰੀ ਮਾਮਲੇ ਦੇ 46 ਦਿਨਾਂ ਬਾਅਦ ਪ੍ਰਕੋਪ ਦੇ ਖਤਮ ਹੋਣ ਦਾ ਐਲਾਨ ਕੀਤਾ ਜਾ ਸਕਦਾ ਹੈ।

ਹਾਲਾਂਕਿ, ਇਸ ਦੇ ਬਾਵਜੂਦ ਪਬਲਿਕ ਹੈਲਥ ਓਨਟੇਰੀਓ ਨੇ ਲੋਕਾਂ ਨੂੰ ਲਗਾਤਾਰ ਚੌਕਸ ਰਹਿਣ ਦੀ ਅਪੀਲ ਕੀਤੀ ਹੈ ਕਿਉਂਕਿ ਖਸਰਾ ਇਨਫੈਕਸ਼ਨ ਕੈਨੇਡਾ ਅਤੇ ਦੁਨੀਆ ਦੇ ਹੋਰ ਹਿੱਸਿਆਂ ਵਿਚ ਲਗਾਤਾਰ ਫੈਲ ਰਿਹਾ ਹੈ।