20.06C Vancouver 20.06C VancouverNov 16, 2023 7:26 PM - The Canadian Press
ਓਨਟੇਰੀਓ ਵਿੱਚ ਪੜ੍ਹਾਈ ਕਰਨ ਵਾਲਿਆਂ ਦੀ ਜੇਬ 'ਤੇ ਹੋਰ ਬੋਝ ਪੈ ਸਕਦਾ ਹੈ।
ਇੱਕ ਸਰਕਾਰੀ ਕਮਿਸ਼ਨਡ ਪੈਨਲ ਨੇ ਸੂਬਾ ਸਰਕਾਰ ਨੂੰ ਯੂਨੀਵਰਸਿਟੀਆਂ ਅਤੇ ਕਾਲਜਾਂ ਉੱਤੇ ਵੱਧ ਰਹੇ ਵਿੱਤੀ ਦਬਾਅ ਨੂੰ ਘਟਾਉਣ ਲਈ ਘਰੇਲੂ ਟਿਊਸ਼ਨ ਫੀਸ ਵਧਾਏ ਜਾਣ 'ਤੇ ਲਗਾਈ ਰੋਕ ਨੂੰ ਹਟਾਉਣ ਅਤੇ ਜ਼ਿਆਦਾ ਫੀਸ ਵਸੂਲਣ ਦੀ ਇਜਾਜ਼ਤ ਦੇਣ ਦੀ ਸਿਫਾਰਸ਼ ਕੀਤੀ ਹੈ।
ਯੂਨੀਵਰਸਿਟੀ ਦੇ ਸਾਬਕਾ ਪ੍ਰਸ਼ਾਸਕ ਐਲਨ ਹੈਰੀਸਨ ਦੀ ਅਗਵਾਈ ਵਾਲੇ ਪੈਨਲ ਦਾ ਕਹਿਣਾ ਹੈ ਕਿ ਸੈਕਟਰ ਦੀ ਸਥਿਰਤਾ ਗੰਭੀਰ ਖਤਰੇ ਵਿੱਚ ਹੈ।
ਸੂਬੇ ਦੀ ਡੱਗ ਫੋਰਡ ਸਰਕਾਰ ਨੇ ਸਿੱਖਿਆ ਨੂੰ ਵਧੇਰੇ ਕਿਫਾਇਤੀ ਬਣਾਏ ਜਾਣ ਦਾ ਕਹਿੰਦੇ ਹੋਏ 2019 ਵਿੱਚ ਟਿਊਸ਼ਨ ਫੀਸ ਵਿੱਚ 10 ਫੀਸਦੀ ਕਟੌਤੀ ਕੀਤੀ ਸੀ ਅਤੇ ਉਦੋਂ ਤੋਂ ਇਸ ਨੂੰ ਉਸੇ ਪੱਧਰ 'ਤੇ ਰੋਕਿਆ ਹੋਇਆ ਹੈ।
ਪੈਨਲ ਨੇ 2024-25 ਲਈ ਟਿਊਸ਼ਨ ਫੀਸ ਵਿੱਚ 5 ਫੀਸਦੀ ਵਾਧਾ ਕੀਤੇ ਜਾਣ ਅਤੇ ਇਸ ਤੋਂ ਅਗਲੇ ਸਾਲਾਂ ਵਿੱਚ ਦੋ ਫੀਸਦੀ ਜਾਂ ਮਹਿੰਗਾਈ ਦੀ ਦਰ ਨਾਲ ਵਾਧਾ ਕਰਨ ਦੀ ਸਿਫਾਰਸ਼ ਕੀਤੀ ਹੈ।
ਸਟੈਟਿਸਟਿਕਸ ਕੈਨੇਡਾ ਅਨੁਸਾਰ, ਇਸ ਅਕਾਦਮਿਕ ਸਾਲ ਓਨਟੇਰੀਓ ਵਿੱਚ ਅੰਡਰਗਰੈਜੂਏਟ ਵਿਦਿਆਰਥੀਆਂ ਲਈ ਟਿਊਸ਼ਨ ਫੀਸ ਔਸਤ $8,190 ਹੈ।
ਹਾਲਾਂਕਿ, ਪੈਨਲ ਵਲੋਂ ਹਰੇਕ ਸਕੂਲ ਨੂੰ ਦਿੱਤੀ ਜਾਣ ਵਾਲੀ ਪ੍ਰਤੀ ਸਟੂਡੈਂਟ ਓਪਰੇਟਿੰਗ ਗ੍ਰਾਂਟ ਵਿੱਚ 10 ਫੀਸਦੀ ਦੇ ਇੱਕ ਵਾਰ ਵਾਧੇ ਦੀ ਵੀ ਸਿਫ਼ਾਰਸ਼ ਕੀਤੀ ਗਈ ਹੈ।
