21.32C Vancouver 21.32C VancouverApr 29, 2020 8:21 PM -
ਔਂਟੈਰੀਓ 'ਚ ਕੋਰੋਨਾ ਵਾਇਰਸ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 15,728 ਤਕ ਪਹੁੰਚ ਚੁੱਕੀ ਹੈ।
ਸੂਬੇ 'ਚ ਇਸ ਵਾਇਰਸ ਸੰਬੰਧੀ 347 ਹੋਰ ਮਾਮਲੇ ਉਜਾਗਰ ਹੋਣ ਬਾਰੇ ਦੱਸਿਆ ਗਿਆ ਹੈ।
ਇਸਤੋਂ ਅਲਾਵਾ ਸੂਬੇ 'ਚ 45 ਹੋਰ ਲੋਕਾਂ ਦੀ ਇਸ ਵਾਇਰਸ ਕਾਰਨ ਜਾਨ ਚਲੀ ਗਈ ਹੈ।
ਹੁਣ ਤਕ ਸੂਬੇ ਦੇ 996 ਵਾਇਰਸ ਪੀੜਤ ਦਮ ਤੋੜ ਚੁੱਕੇ ਹਨ।
ਔਂਟੈਰੀਓ ਦੀ ਸਿਹਤ ਸੰਬੰਧੀ, ਐਸੋਸੀਏਟ ਚੀਫ ਮੈਡੀਕਲ ਅਫਸਰ, ਡਾ. ਬਾਰਬਰਾ ਯਾਫੇ ਨੇ ਅੱਜ ਦੀ ਪ੍ਰੈਸ ਬ੍ਰੀਫਿੰਗ 'ਚ ਇਹ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ।
ਸੂਬੇ ਦੇ ਚੀਫ ਮੈਡੀਕਲ ਅਫਸਰ, ਡਾ. ਡੇਵਿਡ ਵਿਲੀਅਮਸ ਵੀ ਇਸ ਮੌਕੇ ਮੌਜੂਦ ਸਨ।
ਉਨ੍ਹਾਂ ਦੱਸਿਆ ਕਿ ਸੂਬੇ ਦੇ 60% ਤੋਂ ਵਧੇਰੇ ਮਾਮਲੇ, ਜਿਸਦੀ ਗਿਣਤੀ 9,612 ਹੈ, ਇਹ ਮਾਮਲੇ ਸੁਲਝ ਗਏ ਹਨ।
ਅੱਜ ਦੇ ਵਾਇਰਸ ਸੰਬੰਧੀ ਮਾਮਲਿਆਂ ਨੂੰ ਮੰਗਲਵਾਰ ਦੇ ਮੁਕਾਬਲੇ, 2.3% ਦਾ ਵਾਧਾ ਦੱਸਿਆ ਗਿਆ ਹੈ।
ਇਹ ਕਈ ਹਫਤਿਆਂ 'ਚ ਸੂਬੇ 'ਚ ਦਰਜ ਕੀਤਾ ਗਿਆ, ਵਾਇਰਸ ਸੰਬੰਧੀ ਮਾਮਲਿਆਂ ਦਾ ਸਭ ਤੋਂ ਛੋਟਾ ਵਾਧਾ ਹੈ।
ਸਿਹਤ ਅਧਿਕਾਰੀਆਂ ਨੇ ਉਮੀਦ ਜਤਾਈ ਕਿ ਅੱਜ ਦਰਜ ਕੀਤੀ ਗਈ ਮਾਮਲਿਆਂ ਦੀ ਗਿਰਾਵਟ ਅੱਗੇ ਵੀ ਜਾਰੀ ਰਹੇ।
