12.46C Vancouver 12.46C VancouverMay 13, 2025 6:27 PM - Connect Newsroom
ਬੀ. ਸੀ. ਦੇ ਕੈਮਲੂਪਸ ਫਾਇਰ ਸੈਂਟਰ ਖੇਤਰ ਵਿਚ 16 ਮਈ ਤੋਂ ਖੁੱਲ੍ਹੇ ਵਿਚ ਅੱਗ ਲਾਉਣ 'ਤੇ ਪਾਬੰਦੀ ਲਾਗੂ ਹੋ ਰਹੀ ਹੈ। ਇਸ ਦਾ ਮਤਲਬ ਹੈ ਕਿ ਕੂੜੇ ਦੇ ਢੇਰ, ਘਾਹ ਜਾਂ ਇਸ ਤਰ੍ਹਾਂ ਦੀ ਹੋਰ ਸਮੱਗਰੀ ਨੂੰ ਖੁੱਲ੍ਹੇ ਵਿਚ ਅੱਗ ਨਹੀਂ ਲਗਾਈ ਜਾ ਸਕਦੀ। ਨਗਰ ਪਾਲਿਕਾਵਾਂ ਬੀਸੀ ਵਾਈਲਡਫਾਇਰ ਸਰਵਿਸ ਦੀਆਂ ਪਾਬੰਦੀਆਂ ਦੀ ਪਾਲਣਾ ਕਰਦੀਆਂ ਹਨ ਪਰ ਲੋਕਲ ਸਥਿਤੀ ਦੇ ਆਧਾਰ 'ਤੇ ਵੱਖ-ਵੱਖ ਰੋਕ ਲਗਾ ਸਕਦੀਆਂ ਹਨ।
ਖੁੱਲ੍ਹੇ ਵਿਚ ਅੱਗ ਲਗਾਉਣ ਦੀ ਪਾਬੰਦੀ ਦੀ ਉਲੰਘਣਾ ਕਰਦੇ ਹੋਏ ਪਾਏ ਜਾਣ ਵਾਲੇ ਵਿਅਕਤੀ 'ਤੇ $1,150 ਦਾ ਜੁਰਮਾਨਾ ਲਗਾਇਆ ਜਾ ਸਕਦਾ ਹੈ, ਜੋ ਅਪਰਾਧ ਦੇ ਆਧਾਰ 'ਤੇ $10,000 ਤੱਕ ਹੋ ਸਕਦਾ ਹੈ।
ਉਥੇ ਹੀ, ਅਦਾਲਤ ਵਿਚ ਦੋਸ਼ੀ ਪਾਏ ਜਾਣ 'ਤੇ ਜੁਰਮਾਨਾ $100,000 ਹੋ ਸਕਦਾ ਹੈ ਅਤੇ ਇੱਕ ਸਾਲ ਦੀ ਸਜ਼ਾ ਵੀ ਹੋ ਸਕਦੀ ਹੈ। ਜੇ ਖੁੱਲ੍ਹੇ ਵਿਚ ਅੱਗ ਕਾਰਨ ਜੰਗਲ ਦੀ ਅੱਗ ਭੜਕਦੀ ਹੈ ਜਾਂ ਇਸ ਨੂੰ ਵਧਾਉਣ ਵਿਚ ਯੋਗਦਾਨ ਪਾਉਂਦੀ ਹੈ ਤਾਂ ਜ਼ਿੰਮੇਵਾਰ ਵਿਅਕਤੀ ਨੂੰ ਅੱਗ ਬੁਝਾਉਣ ਅਤੇ ਇਸ ਨਾਲ ਸੰਬੰਧਿਤ ਸਾਰੇ ਖਰਚੇ ਭਰਨ ਦਾ ਹੁਕਮ ਦਿੱਤਾ ਜਾ ਸਕਦਾ ਹੈ।
