15.67C Vancouver 15.67C VancouverSep 25, 2025 7:05 PM - Connect Newsroom - Pervez Sandhu
ਸਰੀ ਪੁਲਿਸ ਸਰਵਿਸ, ਡੈਲਟਾ ਪੁਲਿਸ ਡਿਪਾਰਟਮੈਂਟ ਅਤੇ ਸਰੀ ਕਰਾਈਮ ਪ੍ਰਿਵੈਂਸ਼ਨ ਸੋਸਾਈਟੀ ਨੇ ਆਈ.ਸੀ.ਬੀ.ਸੀ. ਨਾਲ ਪਾਰਟਨਰਸ਼ਿਪ ਤਹਿਤ ਪ੍ਰੋਜੈਕਟ ਆਪ੍ਰੇਸ਼ਨ ਹੈਂਗ-ਅਪ ਨੂੰ ਅੰਜਾਮ ਦਿੱਤਾ।
ਇਸ ਐਜੂਕੇਸ਼ਨ ਅਤੇ ਐਨਫੋਰਸਮੈਂਟ ਕੈਂਪੇਨ 'ਚ ਮੁੱਖ ਤੌਰ 'ਤੇ ਡਿਸਟ੍ਰੈਕਟਿਡ ਡਰਾਈਵਿੰਗ 'ਤੇ ਫੋਕਸ ਰੱਖਿਆ ਗਿਆ ਸੀ।
ਇੱਕ ਪਾਸੇ ਜਿੱਥੇ ਇਸ ਕੈਂਪੇਨ 'ਚ ਹਿੱਸਾ ਲੈਣ ਲਈ ਅਫ਼ਸਰ ਮੌਜੂਦ ਸਨ, ਉਥੇ ਹੀ ਵੱਡੀ ਗਿਣਤੀ 'ਚ ਵੋਲੰਟੀਅਰਸ ਨੇ ਵੀ ਇਸ ਕੈਂਪੇਨ ਤਹਿਤ ਡਰਾਈਵਰਸ ਨੂੰ ਐਜੂਕੇਟ ਕੀਤਾ ਅਤੇ ਹਾਈਵੇਅ 10 ਅਤੇ 152 ਸਟ੍ਰੀਟ ਦੇ ਇਲਾਕੇ 'ਚ ਜਗ੍ਹਾ-ਜਗ੍ਹਾ ਚਿੰਨ ਵੀ ਸਥਾਪਿਤ ਕੀਤੇ।
ਕਨੈਕਟ ਐਫ.ਐਮ. ਨੇ ਵੀ ਹਾਈਵੇਅ 10 ਅਤੇ 152 ਸਟ੍ਰੀਟ ਕੋਲ ਸਥਿਤ ਗੈਸ ਸਟੇਸ਼ਨ ਤੱਕ ਪਹੁੰਚ ਕੀਤੀ ਜਿੱਥੇ ਅਫ਼ਸਰ ਡਿਸਟ੍ਰੈਕਟਿਡ ਵਾਹਨ ਚਾਲਕਾਂ ਨੂੰ ਸਵੇਰ 9 ਤੋਂ 11 ਵਜੇ ਦਰਮਿਆਨ ਟਿਕਟ ਜਾਰੀ ਕਰ ਰਹੇ ਸਨ।
ਆਈ.ਸੀ.ਬੀ.ਸੀ. ਤੋਂ ਰੋਡ ਸੇਫਟੀ ਅਤੇ ਕਮਿਊਨਿਟੀ ਕੋਆਰਡੀਨੇਟਰ ਬੰਟੀ ਜਸਵਾਲ ਨੇ ਇਸ ਸੰਬੰਧੀ ਜਾਣਕਾਰੀ ਦਿੱਤੀ।
ਉਨ੍ਹਾਂ ਆਖਿਆ ਕਿ ਅੱਜ ਦੀ ਇਸ ਕੈਂਪੇਨ ਦੌਰਾਨ ਇੱਕ ਪਾਸੇ ਵਾਹਨ ਚਾਲਕਾਂ ਲਈ ਇਹ ਐਜੂਕੇਸ਼ਨ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਹੈ ਕਿ ਇਲੈਕਟ੍ਰੌਨਿਕ ਡਿਵਾਈਸ ਨੂੰ ਡਰਾਈਵਿੰਗ ਸਮੇਂ ਨਾ ਵਰਤੋ, ਉਥੇ ਹੀ ਵਾਹਨ ਚਾਲਕਾਂ ਨੂੰ ਡਿਵਾਈਸ ਵਰਤਣ ਸੰਬੰਧੀ ਟਿਕਟ ਵੀ ਜਾਰੀ ਹੋ ਰਹੇ ਹਨ।
ਉਧਰ ਕਨੈਕਟ ਐਫ.ਐਮ. ਨਾਲ ਗੱਲ ਕਰਦਿਆਂ ਸਰੀ ਪੁਲਿਸ ਦੇ ਰੋਡ ਸੇਫਟੀ ਸੈਕਸ਼ਨ ਤੋਂ ਇੰਸਪੈਕਟਰ ਅਰਲ ਐਂਡਰਸਨ ਨੇ ਆਖਿਆ ਕਿ ਡਿਸਟ੍ਰੈਕਟਿਡ ਡਰਾਈਵਿੰਗ ਇੱਕ ਗੰਭੀਰ ਸਮੱਸਿਆ ਹੈ ਅਤੇ ਇਸੇ ਸਾਲ ਹੁਣ ਤੱਕ ਸਰੀ 'ਚ 1,300 ਤੋਂ ਵਧੇਰੇ ਡਿਸਟ੍ਰੈਕਟਿਡ ਡਰਾਈਵਿੰਗ ਸੰਬੰਧੀ ਇਲੈਕਟ੍ਰੌਨਿਕ ਟਿਕਟ ਜਾਰੀ ਕੀਤੇ ਹਨ।
