22.78C Vancouver 22.78C VancouverJul 20, 2022 12:25 AM - Connect News
ਬਰਨਬੀ ਆਰ.ਸੀ.ਐਮ.ਪੀ. ਵੱਲੋਂ ਅੱਜ ਜਾਣਕਾਰੀ ਜਾਰੀ ਕੀਤੀ ਗਈ ਹੈ ਕਿ ਆਪ੍ਰੇਸ਼ਨ ਸੇਫ ਡਰਾਈਵਰ ਵੀਕ ਤਹਿਤ 5 ਕਮਰਸ਼ਲ ਵਾਹਨ ਇੰਸਪੈਕਸ਼ਨ ਇਨੀਸ਼ੀਏਟਿਵਸ ਨੂੰ ਅੰਜਾਮ ਦਿੱਤਾ ਗਿਆ।
ਬਰਨਬੀ ਆਰ.ਸੀ.ਐਮ.ਪੀ. ਅਨੁਸਾਰ ਇਨ੍ਹਾਂ ਇੰਸਪੈਕਸ਼ਨਸ ਦੌਰਾਨ 142 ਕਮਰਸ਼ਲ ਵਾਹਨਾਂ ਨੂੰ ਆਊਟ ਆਫ ਸਰਵਿਸ ਪਲੇਸ ਕਰ ਦਿੱਤਾ ਗਿਆ।
ਇਸ ਦੌਰਾਨ ਬਰਨਬੀ ਆਰ.ਸੀ.ਐਮ.ਪੀ. ਵੱਲੋਂ ਕਈ ਕਮਰਸ਼ਲ ਵਾਹਨ ਐਨਫੋਰਸਮੈਂਟ ਪਾਰਟਨਰ ਏਜੈਂਸੀਆਂ ਨਾਲ ਮਿਲ ਕੇ ਆਪ੍ਰੇਸ਼ਨ ਨੂੰ ਅੰਜਾਮ ਦਿੱਤਾ ਗਿਆ।
ਇਹ ਇੰਸਪੈਕਸ਼ਨ ਸੰਬੰਧੀ ਇਨੀਸ਼ੀਏਟਿਵ ਪੂਰੇ ਲੋਅਰ ਮੇਨਲੈਂਡ 'ਚ 10 ਜੁਲਾਈ ਤੋਂ 16 ਜੁਲਾਈ ਵਿਚਾਲੇ ਚਲਾਇਆ ਗਿਆ ਸੀ।
ਇਹ ਪੂਰੇ ਨੌਰਥ ਅਮਰੀਕਾ 'ਚ ਚਲਾਇਆ ਜਾਣ ਵਾਲਾ ਅਭਿਆਨ ਹੈ ਜਿਸ ਦੌਰਾਨ ਸਿੱਖਿਆ ਅਤੇ ਐਨਫੋਰਸਮੈਂਟ ਆਸਰੇ ਡਰਾਈਵਿੰਗ ਸੰਬੰਧੀ ਵਿਵਹਾਰ ਨੂੰ ਬਿਹਤਰ ਬਣਾਉਣ ਦੀ ਕੋਸ਼ਿਸ਼ ਹੁੰਦੀ ਹੈ।
ਇਸ ਦਾ ਉਦੇਸ਼ ਕਰੈਸ਼ ਦੀ ਗਿਣਤੀ ਨੂੰ ਘਟਾਉਣ ਦਾ ਹੈ।
ਇਸ ਸਾਲ ਲੋਅਰ ਮੇਨਲੈਂਡ ਕਮਰਸ਼ਲ ਵਾਹਨ ਐਨਫੋਰਸਮੈਂਟ ਟੀਮ ਨੇ ਬਰਨਬੀ, ਕੋਕਟਲਮ, ਸਰੀ, ਡੈਲਟਾ ਅਤੇ ਐਬਟਸਫੋਰਡ 'ਚ ਇਨ੍ਹਾਂ ਆਪ੍ਰੇਸ਼ਨਸ ਨੂੰ ਅੰਜਾਮ ਦਿੱਤਾ।
ਇਸ ਦੌਰਾਨ 80 ਸਪੀਡਿੰਗ ਟਰੱਕ ਫੜੇ ਗਏ, 21 ਟਰੱਕ ਡਰਾਈਵਰਾਂ ਨੂੰ ਡਿਸਟ੍ਰੈਕਟਿਡ ਡਰਾਈਵਿੰਗ ਕਰਦੇ ਪਾਇਆ ਗਿਆ, 26 ਟਰੱਕਸ ਨੂੰ ਟਰੈਫਿਕ ਕੰਟਰੋਲ ਡਿਵਾਈਸ ਦੀ ਉਲੰਘਣਾ ਕਰਦੇ ਵੇਖਿਆ ਗਿਆ, 29 ਟਰੱਕ ਚਾਲਕਾਂ ਨੇ ਸੀਟ-ਬੈਲਟ ਨਹੀਂ ਪਹਿਨੀ ਸੀ, ਇੱਕ ਮਾਮਲਾ ਇੰਪੇਅਰਡ ਡਰਾਈਵਿੰਗ ਨਾਲ ਸੰਬੰਧਤ ਸੀ ਅਤੇ ਇੱਕ ਟਰੱਕ ਚਾਲਕ ਨੂੰ ਥੱਕੀ ਹਾਲਤ 'ਚ ਵੇਖਿਆ ਗਿਆ।
ਅਫਸਰਾਂ ਨੇ ਦੱਸਿਆ ਕਿ 217 ਟਰੱਕ ਇੰਸਪੈਕਸ਼ਨਸ ਦੌਰਾਨ 65% ਟਰੱਕਸ ਨੂੰ ਆਊਟ ਆਫ ਸਰਵਿਸ ਪਲੇਸ ਕਰ ਦਿੱਤਾ ਗਿਆ ਅਤੇ ਕੁੱਲ 634 ਵਾਇਓਲੇਸ਼ਨਸ ਵਿੱਚ 251 ਵਾਇਓਲੇਸ਼ਨ ਟਿਕਟ ਜਾਰੀ ਕੀਤੇ ਗਏ।
