10.19C Vancouver 10.19C VancouverAug 19, 2020 10:26 PM -
ਨਵੇਂ ਜਾਰੀ ਕੀਤੇ ਗਏ 'ਵੀ ਚੈਰਿਟੀ' ਵਿਵਾਦ ਨਾਲ ਜੁੜੇ ਦਸਤਾਵੇਜ਼ਾਂ ਬਾਰੇ ਵਿਰੋਸ਼ੀ ਪਾਰਟੀਆਂ ਨੇ ਨਾਰਾਜ਼ਗੀ ਜ਼ਾਹਿਰ ਕੀਤੀ ਹੈ।
ਇਨ੍ਹਾਂ ਦਸਤਾਵੇਜ਼ਾਂ ਦੇ ਹਜ਼ਾਰਾਂ ਪੰਨੇ ਜਾਰੀ ਕੀਤੇ ਗਏ ਹਨ, ਜਿਸ ਬਾਰੇ ਵਿਰੋਧੀ ਪੱਖ ਦਾ ਕਹਿਣਾ ਹੈ ਕਿ ਇਸ 'ਚ ਬਹੁਤੇ ਕਾਗਜ਼ ਖਾਲੀ ਹਨ ਅਤੇ ਇਨ੍ਹਾਂ 'ਤੇ ਸਿਰਫ ਕਾਲੀ ਸਿਆਹੀ ਹੈ।
ਮੰਗਲਵਾਰ ਨੂੰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਨਿਰਦੇਸ਼ ਦਿੱਤੇ ਸਨ ਕਿ ਹਾਊਸ ਆਫ ਕਾਮਨਜ਼ ਫਾਈਨੈਂਸ ਕਮੇਟੀ ਦੇ ਮੈਂਬਰਾਂ ਤੱਕ ਦਸਤਾਵੇਜ਼ ਜਾਰੀ ਕੀਤੇ ਜਾਣ।
ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਨੇ ਪਾਰਲੀਅਮੈਂਟ ਦੀ ਪਰੋਰੋਗੇਸ਼ਨ ਦਾ ਵੀ ਐਲਾਨ ਕੀਤਾ ਸੀ।
ਇਨ੍ਹਾਂ ਦਸਤਾਵੇਜ਼ਾਂ 'ਚ ਕਈ ਫੈਡਰਲ ਸਿਵਲ ਕਰਮਚਾਰੀਆਂ, ਪੋਲੀਟੀਕਲ ਸਟਾਫ਼ ਅਤੇ 'ਵੀ ਚੈਰਿਟੀ' ਦੇ ਅਧਿਕਾਰੀਆਂ ਵਿਚਾਲੇ ਦੇ ਈ-ਮੇਲਜ਼ ਦਾ ਵੇਰਵਾ ਸਾਂਝਾ ਕੀਤਾ ਗਿਆ ਹੈ।
ਪਰ ਇਨ੍ਹਾਂ 5,000 ਦੇ ਕਰੀਬ ਪੰਨਿਆਂ 'ਚ ਕਈ ਕਾਗਜ਼ ਅਜਿਹੇ ਹਨ, ਜੋ ਕਾਲੇ ਹਨ।
ਕੰਜ਼ਰਵੇਟਿਵ ਫਾਈਨੈਂਸ ਕ੍ਰਿਟਿਕ ਪੀਅਰ ਪੌਲੀਐਵਰ ਦਾ ਕਹਿਣਾ ਹੈ ਕਿ ਇਹ ਕਾਲੇ ਕਾਗਜ਼ ਕਈ ਸਵਾਲ ਖੜੇ ਕਰਦੇ ਹਨ।
ਉਨ੍ਹਾਂ ਕਿਹਾ ਕਿ ਕਮੇਟੀ ਹੁਣ ਜਵਾਬ ਵੀ ਨਹੀਂ ਹਾਸਿਲ ਕਰ ਸਕਦੀ ਕਿਉਂਕਿ ਪਰੋਰੋਗੇਸ਼ਨ ਕਾਰਨ ਜਾਂਚ ਬੰਦ ਹੋ ਗਈ ਹੈ।
ਕੈਨੇਡਾ ਦੇ ਚੋਟੀ ਦੇ ਸਿਵਲ ਅਧਿਕਾਰੀ, ਈਅਨ ਸ਼ੁਗਾਰਟ ਦਾ ਕਹਿਣਾ ਹੈ ਕਿ ਅਜਿਹਾ ਫਾਈਨੈਂਸ ਕਮੇਟੀਆਂ ਨਾਲ ਗੱਲਬਾਤ ਤੋਂ ਬਾਅਦ ਹੀ ਕੀਤਾ ਗਿਆ ਸੀ, ਤਾਂ ਜੋ ਕੈਬਿਨੇਟ ਸੀਕ੍ਰੇਟ ਅਤੇ ਨਿੱਜੀ ਜਾਣਕਾਰੀ ਦੇ ਖ਼ੁਲਾਸੇ ਨਾ ਹੋਣ।
