17.68C Vancouver 17.68C VancouverJun 10, 2020 8:00 PM -
ਵਿਰੋਧੀ ਪਾਰਟੀਆਂ ਨੇ ਟਰੂਡੋ ਸਰਕਾਰ ਦੇ ਕੋਵਿਡ-19 ਰਾਹਤਾਂ ਅਤੇ ਸਜ਼ਾਵਾਂ ਨਾਲ ਸੰਬੰਧਿਤ ਨਵੇਂ ਐਮਰਜੈਂਸੀ ਬਿੱਲ ਨੂੰ ਸਰਬਸੰਮਤੀ ਨਾਲ ਪਾਸ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ।
ਇਸ ਬਿਲ ਵਿੱਚ ਰਾਹਤਾਂ ਦੀ ਦੁਰਵਰਤੋਂ ਕਰਨ ਵਾਲਿਆਂ ਨੂੰ ਸਜ਼ਾ ਦੇਣ ਅਤੇ ਡਿਸੇਬਲਡ (disabled) ਲੋਕਾਂ ਤੱਕ ਰਾਹਤ ਪਹੁੰਚਾਉਣ ਸੰਬੰਧੀ ਤਜਵੀਜ਼ਾਂ ਸ਼ਾਮਲ ਹਨ।
ਵਿਰੋਧੀ ਪਾਰਟੀਆਂ ਨੇ ਸਰਕਾਰ ਦੇ ਇਸ ਸੁਝਾਅ ਨੂੰ ਵੀ ਨਾਮੰਜ਼ੂਰ ਕਰ ਦਿੱਤਾ ਹੈ ਕਿ ਇਸ ਬਿੱਲ ਨੂੰ ਦੋ ਹਿੱਸਿਆਂ ਵਿੱਚ ਵੰਡ ਲਿਆ ਜਾਵੇ ਤਾਂ ਜੋ ਘੱਟੋ-ਘੱਟ ਡਿਸੇਬਲਡ ਲੋਕਾਂ ਤੱਕ ਲੋੜੀਂਦੀ ਰਾਹਤ ਪਹੁੰਚ ਸਕੇ।
ਬਿੱਲ ਦੇ ਨਾਲ-ਨਾਲ ਹੁਣ ਇਹ ਰਾਹਤਾਂ ਵੀ ਠੰਡੇ ਬਸਤੇ ਵਿੱਚ ਪੈ ਗਈਆਂ ਜਾਪਦੀਆਂ ਹਨ।
ਇਹਨਾਂ ਦੋ ਤਜਵੀਜ਼ਾਂ ਤੋਂ ਅਲਾਵਾ ਇਸ ਬਿੱਲ ਵਿੱਚ ਮੌਸਮੀ ਕਾਮਿਆਂ ਅਤੇ ਕਈ ਹੋਰ ਵਪਾਰਾਂ ਨੂੰ ਵੇਜ ਸਬਸਿਡੀ ਮੁਹੱਈਆ ਕਰਵਾਉਣ ਦਾ ਵੀ ਪ੍ਰਸਤਾਵ ਸ਼ਾਮਲ ਹੈ।
ਇਸ ਬਿੱਲ ਦੇ ਤਹਿਤ ਸੀ.ਈ.ਆਰ.ਬੀ. ਵਿੱਚ ਕੁਝ ਤਬਦੀਲੀਆਂ ਕੀਤੀਆਂ ਜਾਣੀਆਂ ਸਨ ਤਾਂ ਜੋ ਕਾਮਿਆਂ ਨੂੰ ਇਹਨਾਂ ਰਾਹਤਾਂ ਨੂੰ ਤਿਆਗ ਕੇ ਕੰਮ 'ਤੇ ਵਾਪਸ ਜਾਣ ਲਈ ਪ੍ਰੇਰਿਆ ਜਾ ਸਕੇ।
ਹਾਊਸ ਆਫ਼ ਕਾਮਨਜ਼ ਵਿੱਚ ਸਰਕਾਰ ਦੇ ਲੀਡਰ ਪਾਬਲੋ ਰੋਡਰੀਗੇਜ਼ ਨੇ ਕਿਹਾ ਕਿ ਸਰਕਾਰ ਇਸ ਬਿੱਲ ਨੂੰ ਪਾਸ ਕਰਵਾਉਣ ਦੇ ਹੋਰ ਤਰੀਕੇ ਲੱਭਣ ਦੀ ਕੋਸ਼ਿਸ਼ ਕਰੇਗੀ।
