18.94C Vancouver 18.94C VancouverSep 21, 2021 10:20 PM -
ਫੈਡਰਲ ਪਾਰਟੀ ਲੀਡਰਾਂ ਨੂੰ ਚੋਣ ਨਤੀਜਿਆਂ ਤੋਂ ਬਾਅਦ ਲੀਡਰਸ਼ਿਪ ਸੰਬੰਧੀ ਸਵਾਲ ਹੋਣ ਲੱਗੇ ਹਨ।
ਅੱਜ ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਚੋਣ ਨਤੀਜਿਆਂ 'ਤੇ ਦੇਸ਼ ਨੂੰ ਸੰਬੋਧਿਤ ਕੀਤਾ।
ਉਨ੍ਹਾਂ ਕਿਹਾ ਕਿ ਕੁਝ ਮੈਂਬਰਾਂ ਦੀ ਸ਼ਮੂਲੀਅਤ 'ਤੇ ਜਿੱਥੇ ਉਹ ਉਤਸ਼ਾਹਿਤ ਹਨ, ਉਥੇ ਹੀ ਕੁਝ ਮੈਂਬਰਾਂ ਦੀ ਹਾਰ ਨੇ ਉਨ੍ਹਾਂ ਨੂੰ ਨਿਰਾਸ਼ ਕੀਤਾ ਹੈ।
ਹਾਲਾਂਕਿ ਇਸ ਮੌਕੇ ਉਨ੍ਹਾਂ ਇਹ ਵੀ ਕਿਹਾ ਕਿ 30 ਸੀਟਾਂ 'ਤੇ ਹਾਰਨ ਵਾਲੇ ਕੰਜ਼ਰਵੇਟਿਵ ਉਮੀਦਵਾਰ 2,000 ਵੋਟਾਂ ਦੇ ਫਰਕ ਵਿਚਾਲੇ ਹਾਰੇ ਹਨ।
ਉਨ੍ਹਾਂ ਆਪਣੀ ਲੀਡਰਸ਼ਿਪ ਹੇਠ ਪਾਰਟੀ ਦੇ ਪ੍ਰਦਰਸ਼ਨ ਦਾ ਬਚਾਅ ਕੀਤਾ।
ਉਨ੍ਹਾਂ ਕਿਹਾ ਕਿ ਉਹ ਕਨੇਡੀਅਨ ਲੋਕਾਂ ਦਾ ਭਰੋਸਾ ਹਾਸਿਲ ਕਰਨ ਲਈ ਇੱਕ ਰੀਵਿਊ ਲਾਂਚ ਕਰਨ ਜਾ ਰਹੇ ਹਨ।
ਇਸ ਦੌਰਾਨ ਕੈਂਪੇਨ ਦੇ ਵੱਖੋ-ਵੱਖਰੇ ਮਸਲਿਆਂ 'ਤੇ ਰੀਵਿਊ ਹੋਵੇਗਾ।
ਯਾਦ ਰਹੇ ਫਾਈਨਲ ਨਤੀਜੇ ਫਿਲਹਾਲ ਤੈਅ ਨਹੀਂ ਹੋਏ ਹਨ ਅਤੇ ਹੁਣ ਤਕ ਕੰਜ਼ਰਵੇਟਿਵਸ ਨੂੰ 119 ਸੀਟਾਂ 'ਤੇ ਜਿੱਤ ਮਿਲੀ ਮੰਨੀ ਜਾ ਰਹੀ ਹੈ।
