19.05C Vancouver 19.05C VancouverAug 10, 2021 4:49 PM -
ਫੈਡਰਲ ਕੋਨਜ਼ਰਵੇਟਿਵ ਲੀਡਰ ਏਰਿਨ ਓ ਟੂਲ ਨੇ ਚੀਨ ਦੀ ਅਦਾਲਤ ਵੱਲੋਂ ਕੈਨੇਡਾ ਦੇ ਇੱਕ ਵਿਅਕਤੀ ਦੀ ਮੌਤ ਦੀ ਸਜ਼ਾ ਨੂੰ ਬਰਕਰਾਰ ਰੱਖਣ ਦੇ ਫੈਸਲੇ ਤੋਂ ਬਾਅਦ ਉਹਨਾਂ ਤੇ ਇਹ ਦੋਸ਼ ਲਗਾਏ ਹਨ ਕਿ ਇਸ ਫੈਸਲੇ ਨੂੰ ਰਾਜਨੀਤਕ ਮੰਤਵ ਲਈ ਇਸਤੇਮਾਲ ਕੀਤਾ ਜਾ ਰਿਹਾ ਹੈ।
ਓ ਟੂਲ ਨੇ ਇੱਕ ਵਾਰ ਫੇਰ ਤੋਂ ਅਗਲੇ ਸਾਲ ਉੱਥੇ ਹੋਣ ਵਾਲਿਆਂ ਵਿੰਟਰ ਉਲੰਪਿਕਸ ਨੂੰ ਕੈਨੇਡਾ ਵੱਲੋਂ ਬਾਈਕਾਟ ਕਰਨ ਦਾ ਮੁੱਦਾ ਛੇੜ ਦਿੱਤਾ ਹੈ ਅਤੇ ਚੇਤਾਵਨੀ ਦਿੱਤੀ ਹੈ ਕਿ ਚੀਨ ਵਿੱਚ ਰਹਿੰਦੇ ਕੈਨੇਡਾ ਦੇ ਨਾਗਰਿਕ ਉੱਥੇ ਸੁਰੱਖਿਅਤ ਨਹੀਂ ਹਨ।
ਓ ਟੂਲ ਦਾ ਇਹ ਬਿਆਨ ਉਸ ਸਮੇਂ ਸਾਹਮਣੇ ਆਇਆ ਹੈ ਜਦ ਉੱਥੇ ਦੀ ਅਦਾਲਤ ਨੇ ਕੈਨੇਡਾ ਦੇ ਰੋਬਰਟ ਸ਼ੈਲੇਨਬਰਗ ਦੀ ਮੌਤ ਦੀ ਸਜ਼ਾ ਦੇ ਖਿਲਾਫ ਕੀਤੀ ਅਪੀਲ ਨੂੰ ਰੱਦ ਕਰ ਦਿੱਤਾ ਹੈ। ਇਹ ਫੈਲਸਾ ਵੀ ਉਸ ਸਮੇਂ ਆਇਆ ਹੈ ਜਦ ਚੀਨ ਦੀ ਸਰਕਾਰ ਕੈਨੇਡਾ ਵਿੱਚ ਵਾਹਵੇ ਦੀ ਮੇਂਗ ਵਨਜ਼ੋ ਦੀ ਰਿਹਾਈ ਲਈ ਕੈਨੇਡਾ ਦੀ ਸਰਕਾਰ ਤੇ ਦਬਾਅ ਬਣਾ ਰਿਹਾ ਹੈ।
ਚੀਨ ਨੇ ਮੇਂਗ ਦੇ ਫੜੇ ਜਾਣ ਪਿੱਛੋਂ ਕੈਨੇਡਾ ਦੇ ਦੋ ਨਾਗਰਿਕਾਂ ਮਾਈਕਲ ਸਪਾਵੋਰ ਅਤੇ ਮਾਈਕਲ ਕੋਵਰਿਗ ਨੂੰ ਉੱਥੇ ਹਿਰਾਸਤ ਵਿੱਚ ਲੈ ਲਿਆ ਸੀ।
ਕੱਲ ਸਪਾਵੋਰ ਦੇ ਕੇਸ ਦਾ ਫੈਸਲਾ ਆ ਸਕਦਾ ਹੈ ਅਤੇ ਇੱਧਰ ਮੇਂਗ ਦੀ ਯੂ ਐਸ ਨੂੰ ਸਪੁਰਦਗੀ ਦੇ ਕੇਸ ਦੀ ਸੁਣਵਾਈ ਚੱਲ ਰਹੀ ਹੈ।
