13.93C Vancouver 13.93C VancouverMar 12, 2025 1:34 PM - The Canadian Press
ਐਲਬਰਟਾ ਸਰਕਾਰ ਨੇ ਬੇਘਰ ਲੋਕਾਂ ਦੀ ਸਮੱਸਿਆ ਦੇ ਹੱਲ ਲਈ ਓਟਾਵਾ ਨਾਲ $70-ਮਿਲੀਅਨ ਦੀ ਫੰਡਿੰਗ ਦੀ ਡੀਲ ਕੀਤੀ ਹੈ।
ਸਮਾਜਿਕ ਸੇਵਾਵਾਂ ਦੇ ਮੰਤਰੀ ਜੇਸਨ ਨਿਕਸਨ ਦਾ ਕਹਿਣਾ ਹੈ ਕਿ ਇਹ ਫੰਡਿੰਗ ਸ਼ੈਲਟਰ ਸਮਰੱਥਾ ਨੂੰ ਵਧਾਵੇਗੀ ਅਤੇ ,ਪਰਿਵਰਤਨਸ਼ੀਲ ਹਾਊਸਿੰਗ ਤਿਆਰ ਕਰੇਗੀ ਅਤੇ ਕੈਲਗਰੀ ਤੇ ਐਡਮਿੰਟਨ ਵਿਚ ਸਰਕਾਰੀ ਨੈਵੀਗੇਸ਼ਨ ਸੈਂਟਰ ਹੋਣਗੇ। ਨੈਵੀਗੇਸ਼ਨ ਸੈਂਟਰ ਵਿਚ ਬੇਘਰ ਲੋਕਾਂ ਨੂੰ ਹਰ ਤਰ੍ਹਾਂ ਦੀ ਸਹੂਲਤ ਮੁਹੱਈਆ ਕਰਵਾਈ ਜਾਂਦੀ ਹੈ। ਨਿਕਸਨ ਦਾ ਕਹਿਣਾ ਹੈ ਕਿ ਫੰਡਿੰਗ ਦੋ ਵੱਡੇ ਸ਼ਹਿਰਾਂ ਸਣੇ ਰੈਡ ਡੀਅਰ ਅਤੇ ਲੈਥਬ੍ਰਿਜ ਵਿਚ ਵੀ ਵੰਡੀ ਜਾਵੇਗੀ।
ਇਸ ਸਮਝੌਤੇ ਤਹਿਤ ਓਟਾਵਾ ਸੂਬੇ ਨੂੰ ਅਗਲੇ ਦੋ ਸਾਲਾਂ ਦੌਰਾਨ $35 ਮਿਲੀਅਨ ਦੇਵੇਗਾ ਜੋ ਕਿ ਐਲਬਰਟਾ ਸਰਕਾਰ ਦੀ ਆਪਣੀ ਫੰਡਿੰਗ ਦੇ ਬਰਾਬਰ ਹੈ। ਦੋਹਾਂ ਸਰਕਾਰਾਂ ਵਿਚਕਾਰ ਇਹ ਸਮਝੌਤਾ ਪਿਛਲੇ ਪਤਝੜ ਦੌਰਾਨ ਹੋਇਆ ਸੀ ਪਰ ਫੰਡਿੰਗ ਰਾਸ਼ੀ ਬਾਰੇ ਨਹੀਂ ਦੱਸਿਆ ਗਿਆ ਸੀ। ਐਡਮਿੰਟਨ ਦੇ ਲਿਬਰਲ ਸੰਸਦ ਮੈਂਬਰ ਰੈਂਡੀ ਬੋਇਸੋਨੌਲਟ ਨੇ ਕਿਹਾ ਕਿ ਬੇਘਰ ਲੋਕਾਂ ਦੀ ਪਰੇਸ਼ਾਨੀ ਨੂੰ ਦੂਰ ਕਰਨ ਲਈ ਹਰ ਲੈਵਲ ਦੀ ਸਰਕਾਰ ਨੂੰ ਮਿਲ ਕੇ ਕੰਮ ਕਰਨ ਦੀ ਜ਼ਰੂਰਤ ਹੈ।
