18.97C Vancouver 18.97C VancouverMay 14, 2020 5:38 PM -
ਫੈਡਰਲ ਸਰਕਾਰ ਵੱਲੋਂ ਮੱਛੀ ਪਾਲਣ ਖੇਤਰ ਲਈ $469 ਮਿਲੀਅਨ ਦੇ ਵਿੱਤੀ ਸਹਿਯੋਗ ਦਾ ਐਲਾਨ ਕੀਤਾ ਗਿਆ ਹੈ ਜਿਸ ਨਾਲ ਮੱਛੀ ਪਾਲਣ ਖੇਤਰ ਵਿੱਚ ਕੰਮ ਕਰਨ ਵਾਲੇ ਉਨ੍ਹਾਂ ਵਿਅਕਤੀਆਂ ਨੂੰ ਮਦਦ ਮਿਲੇਗੀ ਜੋ ਮਹਾਂਮਾਰੀ ਦੇ ਚੱਲਦਿਆਂ ਫੈਡਰਲ ਸਰਕਾਰ ਦੇ ਹੋਰ ਉਪਰਾਲਿਆਂ ਦੇ ਯੋਗ ਨਹੀਂ ਹਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਇਹ ਐਲਾਨ ਕਰਦਿਆਂ ਦੱਸਿਆ ਕਿ ਇਹ ਵਿੱਤੀ ਸਹਿਯੋਗ ਇੱਕ ਖ਼ਾਸ ਬੈਨੇਫਿੱਟ ਅਤੇ ਗ੍ਰਾਂਟ ਦੇ ਰੂਪ ਵਿੱਚ ਮੁਹੱਈਆ ਕਰਵਾਇਆ ਜਾਵੇਗਾ।
ਫਿਸ਼ ਹਾਰਵੈਸਟਰ ਬੈਨੇਫਿਟ ਪਹਿਲਾਂ ਐਲਾਨੀ ਗਈ ਫੈਡਰਲ ਵੇਜ ਸਬਸਿਡੀ ਵਾਂਗ ਮੱਛੀ ਪਾਲਣ ਖੇਤਰ ਵਿੱਚ ਉਨ੍ਹਾਂ ਕੰਮ ਕਰਨ ਵਾਲਿਆਂ ਲਈ ਆਮਦਨੀ ਵਿੱਚ 75 ਫੀਸਦੀ ਦੀ ਸਹਾਇਤਾ ਪ੍ਰਦਾਨ ਕਰੇਗਾ ਜਿਨ੍ਹਾਂ ਦੇ ਵਪਾਰ ਵਿੱਚ 25 ਫੀਸਦੀ ਤੋਂ ਵੱਧ ਦੀ ਗਿਰਾਵਟ ਆਈ ਹੈ।
ਫਿਸ਼ ਹਾਰਵੈਸਟਰ ਗ੍ਰਾਂਟ ਇਸ ਖੇਤਰ ਨੂੰ ਸਮਰਪਿਤ ਇੱਕ ਖਾਸ ਗ੍ਰਾਂਟ ਹੈ ਜੋ ਕੈਨੇਡਾ ਐਮਰਜੈਂਸੀ ਬਿਜ਼ਨੈੱਸ ਅਕਾਊਂਟ ਵਾਂਗ ਮੱਛੀ ਪਾਲਣ ਖੇਤਰ ਦੇ ਸੈੱਲਫ ਐਂਪਲਾਇਡ ਵਿਅਕਤੀਆਂ ਨੂੰ $10,000 ਮੁਹੱਈਆ ਕਰੇਗੀ।
ਟਰੂਡੋ ਨੇ ਇਹ ਵੀ ਕਿਹਾ ਕਿ ਇਸ ਖੇਤਰ ਨਾਲ ਜੁੜੇ ਉਹ ਵਿਅਕਤੀ ਜਿਨ੍ਹਾਂ ਦੀ ਆਮਦਨੀ ਅਗਲੇ ਸਾਲ ਇੰਪਲਾਇਮੈਂਟ ਇੰਸ਼ੋਰੈਂਸ ਹਾਸਲ ਕਰਨ ਲਈ ਕਾਫੀ ਨਹੀਂ ਹੈ ਬੀਤੇ ਸਾਲਾਂ ਦੀ ਆਮਦਨੀ ਦੇ ਸਿਰ ਤੇ ਬੈਨੇਫਿੱਟ ਲੈ ਸਕਣਗੇ।
