13.96C Vancouver 13.96C VancouverJun 14, 2022 8:47 PM - The Canadian Press
ਵਰਲਡ ਸਿੱਖ ਔਰਗੇਨਾਈਜੇਸ਼ਨ ਵੱਲੋਂ ਮੰਗ ਕੀਤੀ ਗਈ ਹੈ ਕਿ ਸ਼ਨੀਵਾਰ ਨੂੰ ਔਟਵਾ 'ਚ 2 ਸਿੱਖ ਲੋਕਾਂ ਦੀ ਗ੍ਰਿਫਤਾਰੀ ਦੇ ਮਾਮਲੇ 'ਚ ਜਾਂਚ ਕੀਤੀ ਜਾਵੇ।
ਔਰਗੇਨਾਈਜੇਸ਼ਨ ਦਾ ਕਹਿਣਾ ਹੈ ਕਿ ਪਾਰਲੀਅਮੈਂਟ ਹਿਲ ਕੋਲ ਗਲਤ ਜਾਣਕਾਰੀ ਦੇ ਚਲਦੇ 2 ਸਿੱਖ ਲੋਕਾਂ ਦੀ ਗ੍ਰਿਫਤਾਰੀ ਦੇ ਮਾਮਲੇ 'ਚ ਝੂਠੀ ਟਿਪ ਮਿਲਣ ਦੀ ਜਾਂਚ ਹੋਣੀ ਚਾਹੀਦੀ ਹੈ।
ਔਰਗੇਨਾਈਜੇਸ਼ਨ ਦੇ ਪ੍ਰਧਾਨ, ਤਜਿੰਦਰ ਸਿੰਘ ਸਿੱਧੂ ਦਾ ਕਹਿਣਾ ਹੈ ਕਿ ਕਨੇਡੀਅਨ ਲਾਅ ਐਨਫੋਰਸਮੈਂਟ ਨੂੰ ਮਾਮਲੇ ਦੀ ਜਾਂਚ ਕਰ ਦੋਸ਼ੀਆਂ ਨੂੰ ਸਾਹਮਣੇ ਲਿਆਉਣਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ ਕਿ ਸਿੱਖ ਰੈਲੀ ਦੇ ਸੰਬੰਧ ਵਿੱਚ ਝੂਠੇ ਬੰਬ ਸੰਬੰਧੀ ਖਤਰੇ ਦਾ ਕਨੈਕਸ਼ਨ ਚਿੰਤਾਜਨਕ ਹੈ।
ਯਾਦ ਰਹੇ ਇੱਕ ਸਿੱਖ ਈਵੈਂਟ ਦੇ 2 ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਪਾਰਲੀਅਮੈਂਟ ਹਿਲ 'ਤੇ ਉਨ੍ਹਾਂ ਨੂੰ ਗਲਤ ਪਛਾਣਦੇਹੀ ਦੇ ਚਲਦਿਆਂ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਸਾਲ 1984 ਦੇ ਸਿੱਖ ਕਤਲੇਆਮ ਸੰਬੰਧੀ ਇੱਕ ਰੀਮੈਂਬਰੈਂਸ ਰੈਲੀ ਦਾ ਪ੍ਰਬੰਧ ਕਰ ਰਹੇ ਮਨਵੀਰ ਸਿੰਘ ਦਾ ਕਹਿਣਾ ਸੀ ਕਿ ਪੁਲਿਸ ਨੇ ਉਸ ਨੂੰ ਗ੍ਰਿਫਤਾਰ ਕੀਤਾ ਸੀ ਅਤੇ ਕਿਹਾ ਸੀ ਕਿ ਉਨ੍ਹਾਂ ਕੋਲ ਭਰੋਸੇਯੋਗ ਜਾਣਕਾਰੀ ਹੈ ਕਿ ਉਹ ਇੱਕ ਗੰਭੀਰ ਬੰਬ ਸੰਬੰਧੀ ਖਤਰੇ ਨਾਲ ਕਨੈਕਟਿਡ ਹੈ।
ਇਸੇ ਰੈਲੀ ਦੇ ਇੱਕ ਹੋਰ ਪ੍ਰਬੰਧਕ ਪਰਮਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਉਸ ਦੀ ਕੁਝ ਹੀ ਸਮੇਂ ਬਾਅਦ ਗ੍ਰਿਫਤਾਰੀ ਹੋ ਗਈ ਸੀ ਅਤੇ ਔਟਵਾ ਪੁਲਿਸ ਨੇ ਆਖਿਆ ਸੀ ਕਿ ਉਸ ਦੇ ਨਾਮ ਹੇਠ ਬੰਬ ਸੰਬੰਧੀ ਧਮਕੀ ਦਿੱਤੀ ਗਈ ਹੈ।
ਉਨ੍ਹਾਂ ਦੱਸਿਆ ਸੀ ਕਿ ਕੁਝ ਸਮੇਂ ਹਿਰਾਸਤ 'ਚ ਰੱਖਣ ਤੋਂ ਬਾਅਦ ਪੁਲਿਸ ਨੇ ਉਨ੍ਹਾਂ ਨੂੰ ਛੱਡ ਦਿੱਤਾ ਅਤੇ ਗਲਤੀ ਲਈ ਮੁਆਫੀ ਮੰਗੀ।
