ਇਮੀਗ੍ਰੇਸ਼ਨ ਮੰਤਰੀ ਨੇ ਐਕਸਪ੍ਰੈਸ ਐਂਟਰੀ ਸਿਸਟਮ ਤਹਿਤ ਹੋਰ ਟੌਪ ਟੈਲੇਂਟ ਲਈ ਪੀ.ਆਰ. ਦਾ ਰਸਤਾ ਆਸਾਨ ਕਰਨ ਦਾ ਕੀਤਾ ਐਲਾਨ

ਕੈਨੇਡਾ ਦੀ ਇਮੀਗ੍ਰੇਸ਼ਨ ਮੰਤਰੀ ਲੀਨਾ ਮੇਟਲੇਜ ਡਾਇਬ ਨੇ ਐਕਸਪ੍ਰੈਸ ਐਂਟਰੀ ਸਿਸਟਮ ਤਹਿਤ ਹੋਰ ਟੌਪ ਟੈਲੇਂਟ ਲਈ ਪੀ.ਆਰ. ਦਾ ਰਸਤਾ ਆਸਾਨ ਕਰਨ ਦਾ ਐਲਾਨ ਕੀਤਾ ਹੈ।

ਮੰਤਰੀ ਨੇ ਕਿਹਾ ਕਿ ਸਰਕਾਰ ਕੈਨੇਡੀਅਨ ਵਰਕ ਐਕਸਪੀਰੀਅੰਸ ਵਾਲੇ ਫੋਰਨ ਮੈਡੀਕਲ ਡਾਕਟਰਾਂ ਤੋਂ ਇਲਾਵਾ ਹੋਰ ਹੁਨਰਮੰਦ ਵਰਗਾਂ ਲਈ ਨਵੀਂ ਕੈਟਾਗਰੀ ਸ਼ੁਰੂ ਕਰ ਰਹੀ ਹੈ, ਜਿਨ੍ਹਾਂ ਵਿਚ ਕੈਨੇਡੀਅਨ ਕੰਮ ਦੇ ਤਜਰਬੇ ਵਾਲੇ ਖੋਜਕਰਤਾ ਅਤੇ ਸੀਨੀਅਰ ਮੈਨੇਜਰ ਦੀ ਇੱਕ ਸ਼ੇਣੀ ਹੋਵੇਗੀ,

ਦੂਜੀ ਸ਼੍ਰੇਣੀ ਪਾਇਲਟ, ਏਅਰ ਕ੍ਰਾਫਟ ਮਕੈਨਿਕ ਅਤੇ ਇੰਸਪੈਕਟਰ ਵਰਗੇ ਪੇਸ਼ੇ ਵਿਚ ਕੰਮ ਦਾ ਤਜਰਬਾ ਰੱਖਣ ਵਾਲੇ ਉਮੀਦਵਰਾਂ ਲਈ ਹੋਵੇਗੀ। ਤੀਜੀ ਕੈਟਾਗਰੀ ਉੱਚ ਹੁਨਰਮੰਦ ਵਿਦੇਸ਼ੀ ਫੌਜੀ ਬਿਨੈਕਾਰ ਦੀ ਹੋਵੇਗੀ, ਜਿਨ੍ਹਾਂ ਨੂੰ ਕੈਨੇਡੀਅਨ ਆਰਮਡ ਫੋਰਸ ਨੇ ਫੌਜੀ ਡਾਕਟਰ, ਨਰਸਾਂ ਅਤੇ ਪਾਇਲਟ ਵਰਗੇ ਰੋਲ ਲਈ ਭਰਤੀ ਕੀਤਾ ਹੈ।

ਮੰਤਰੀ ਡਾਇਬ ਨੇ ਇਹ ਵੀ ਸਪੱਸ਼ਟ ਕੀਤਾ ਨਰਸ ਪ੍ਰੈਕਟੀਸ਼ਨਰ, ਦੰਦਾਂ ਦੇ ਡਾਕਟਰ ਅਤੇ ਫਾਰਮਾਸਿਸਟ ਵਰਗੀਆਂ ਪਿਛਲੀਆਂ ਕੈਟਾਗਰੀ ਲਈ ਵੀ ਸੱਦਾ ਪੱਤਰ ਜਾਰੀ ਰਹੇਗਾ, ਖਾਸ ਤੌਰ 'ਤੇ ਜਿਨ੍ਹਾਂ ਦੀ ਫਰੈਂਚ ਸਕਿੱਲ ਮਜ਼ਬੂਤ ਹਨ।