ਫੈਡਰਲ ਸਰਕਾਰ ਨੇ ਡੈਨੀਅਲ ਸਮਿਥ ਵਲੋਂ ਚੁੱਕੇ ਕਾਰਬਨ ਟੈਕਸ ਦੇ ਮੁੱਦੇ 'ਤੇ ਦਿੱਤਾ ਜਵਾਬ

ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਵਲੋਂ ਔਟਵਾ ਦੇ ਕਾਰਬਨ ਲੇਵੀ ਦਾ ਮੁੱਦਾ ਸਿਰਫ ਰਾਜਨੀਤਕ ਦਿਖਾਵੇ ਕਾਰਨ ਚੁੱਕਿਆ ਗਿਆ ਹੈ। ਵਾਤਾਵਰਣ ਮੰਤਰੀ ਸਟੀਵਨ ਗਿਲਬੌਲਟ ਅਤੇ ਨਿਆਂ ਮੰਤਰੀ ਆਰਿਫ ਵਿਰਾਨੀ ਨੇ ਕਿਹਾ ਕਿ ਪ੍ਰੀਮੀਅਰ ਸਮਿਥ ਦੀ ਇਹ ਕਾਰਵਾਈ ਉਨ੍ਹਾਂ ਲਈ ਕੋਈ ਹੈਰਾਨੀ ਵਾਲੀ ਨਹੀਂ ਹੈ ਕਿਉਂਕਿ ਇਹ ਰਾਜਨੀਤਕ ਸਟੰਟ ਹੈ ਕਿਉਂਕਿ ਅਗਲੇ ਹਫਤੇ ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ ਦੀ ਲੀਡਰਸ਼ਿਪ ਦਾ ਰੀਵਿਊ ਹੋਣਾ ਹੈ।

ਸਮਿਥ ਦਾ ਕਹਿਣਾ ਹੈ ਕਿ ਐਟਲਾਂਟਿਕ ਕੈਨੇਡਾ ਅਤੇ ਕਿਊਬੈਕ ਵਿਚ ਰਹਿਣ ਵਾਲੇ ਲੋਕਾਂ ਨੂੰ ਗਰਮ ਤੇਲ ਦੇ ਲਾਭ ਮਿਲ ਰਹੇ ਹਨ ਪਰ ਐਲਬਰਟਾ ਸਣੇ ਕੁਝ ਹੋਰ ਇਲਾਕੇ ਇਸ ਤੋਂ ਵਾਂਝੇ ਹਨ।

ਉਨ੍ਹਾਂ ਕਿਹਾ ਕਿ ਐਲਬਰਟਾ, ਸਸਕੈਚਵਾਨ ਅਤੇ ਮੈਨੀਟੋਬਾ ਦੇ ਇਕ ਫੀਸਦੀ ਲੋਕਾਂ ਨੂੰ ਵੀ ਇਸ ਦਾ ਲਾਭ ਨਹੀਂ ਮਿਲ ਰਿਹਾ। ਪ੍ਰੀਮੀਅਰ ਮੁਤਾਬਕ ਇਹ ਛੋਟ ਐਲਬਰਟਾਵਾਸੀਆਂ ਲਈ ਅਣਉਚਿਤ ਹੈ ਜੋ ਆਪਣੇ ਘਰਾਂ ਨੂੰ ਗਰਮ ਕਰਨ ਲਈ ਕੁਦਰਤੀ ਗੈਸ ’ਤੇ ਨਿਰਭਰ ਕਰਦੇ ਹਨ।