29.54C Vancouver 29.54C VancouverJun 17, 2021 3:01 PM -
ਕੈਨੇਡਾ ਦੀ ਅੰਤਰਰਾਸ਼ਟਰੀ ਵਿਕਾਸ ਮੰਤਰੀ ਕਰੀਨਾ ਗੋਲਡ ਦਾ ਕਹਿਣਾ ਹੈ ਕਿ ਕੈਨੇਡਾ ਦੱਖਣੀ ਅਤੇ ਮੱਧ ਅਮਰੀਕਾ ਅਤੇ ਕੈਰੇਬੀਅਨ ਦੇਸ਼ਾਂ ਵਿਚ ਰਹਿੰਦੇ ਵੈਨਜ਼ੁਏਲਾ ਦੇ ਪਨਾਹ ਮੰਗਣ ਵਾਲਿਆਂ ਲਈ ਦੋ ਸਾਲਾਂ ਦੌਰਾਨ $115 ਮਿਲੀਅਨ ਦੀ ਸਹਾਇਤਾ ਪ੍ਰਦਾਨ ਕਰੇਗਾ।
ਇਸ ਸੰਬੰਧ ਵਿੱਚ ਕੈਨੇਡਾ ਇੱਕ ਕਾਨਫਰੰਸ ਕਰ ਰਿਹਾ ਹੈ ਜਿਸ ਦਾ ਉਦੇਸ਼ ਵਿਸ਼ਵ ਭਰ ਦੀਆਂ 159 ਸੰਸਥਾਵਾਂ ਦੁਆਰਾ ਵੈਨਜ਼ੂਏਲਾ ਤੋਂ ਆਏ ਸ਼ਰਨਾਰਥੀਆਂ ਅਤੇ ਪ੍ਰਵਾਸੀਆਂ ਦੀ ਮਦਦ ਲਈ ਇੱਕ ਰਿਸਪਾਂਸ ਪਲਾਨ ਨੂੰ ਲਾਗੂ ਕਰਨ ਲਈ ਲੋੜੀਂਦਾ $1.44 ਬਿਲੀਅਨ ਇਕੱਠਾ ਕਰਨਾ ਹੈ।
ਗੋਲਡ ਦਾ ਕਹਿਣਾ ਹੈ ਕਿ ਸ਼ਰਨਾਰਥੀ ਸੰਕਟ ਦਾ ਮੇਜ਼ਬਾਨ ਦੇਸ਼ਾਂ 'ਤੇ ਖਾਸ ਤੌਰ 'ਤੇ ਕੋਵਿਡ -19 ਮਹਾਂਮਾਰੀ ਦੌਰਾਨ ਮਹੱਤਵਪੂਰਣ ਪ੍ਰਭਾਵ ਪੈ ਰਿਹਾ ਹੈ, ਅਤੇ ਕੈਨੇਡਾ ਵੈਨਜ਼ੂਏਲਾ ਦੇ ਪਨਾਹ ਮੰਗਣ ਵਾਲਿਆਂ ਨੂੰ ਭੋਜਨ ਸਹਾਇਤਾ, ਸਿਹਤ ਦੇਖਭਾਲ, ਸਿੱਖਿਆ ਅਤੇ ਰੁਜ਼ਗਾਰ ਦੇ ਅਵਸਰਾਂ ਸਮੇਤ ਸਹਾਇਤਾ ਪ੍ਰਦਾਨ ਕਰਨ ਵਿਚ ਇਨ੍ਹਾਂ ਦੇਸ਼ਾਂ ਦੀ ਸਹਾਇਤਾ ਕਰਨਾ ਚਾਹੁੰਦਾ ਹੈ।
ਸੰਯੁਕਤ ਰਾਸ਼ਟਰ ਦੇ ‘ਹਾਈ ਕਮਿਸ਼ਨਰ ਫਾਰ ਰੈਫੁਜੀਜ਼’ ਅਤੇ ‘ਇੰਟਰਨੈਸ਼ਨਲ ਔਰਗਨਾਈਜ਼ੇਸ਼ਨ ਫਾਰ ਮਾਈਗ੍ਰੇਸ਼ਨ’ ਦੇ ਵੈਨਜ਼ੂਏਲਾ ਦੇ ਪ੍ਰਤੀਨਿਧ ਦਾ ਕਹਿਣਾ ਹੈ ਕਿ ਸਮੇਂ ਦੇ ਨਾਲ ਨਾਲ ਇਸ ਸੰਕਟ ਨੂੰ ਭੁਲਾਉਣ ਦਾ ਖ਼ਤਰਾ ਬਣਿਆ ਹੋਇਆ ਹੈ।
ਐਡਵਰਡੋ ਸਟਾਇਨ ਦਾ ਕਹਿਣਾ ਹੈ ਕਿ ਮੇਜ਼ਬਾਨ ਦੇਸ਼ਾਂ ਨੇ ਕੋਵਿਡ -19 ਮਹਾਂਮਾਰੀ ਦੌਰਾਨ ਵੈਨਜ਼ੁਏਲਾ ਦੇ ਸ਼ਰਨਾਰਥੀਆਂ ਨਾਲ ਏਕਤਾ ਦਿਖਾਈ ਹੈ ਪਰ ਉਨ੍ਹਾਂ ਦੀ ਰਾਸ਼ਟਰੀ ਯੋਗਤਾ ’ਤੇ ਖਤਰਨਾਕ ਢੰਗ ਨਾਲ ਵਾਇਰਸ ਕਾਰਨ ਦਬਾਅ ਪੈ ਰਿਹਾ ਹੈ।
ਉਨ੍ਹਾਂ ਮੁਤਾਬਕ ਅੰਤਰਰਾਸ਼ਟਰੀ ਕਮਿਊਨਿਟੀ ਦੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਉਹ ਖੇਤਰੀ ਸਥਿਰਤਾ ਨੂੰ ਯਕੀਨੀ ਬਣਾਉਣ ਲਈ ਮੇਜ਼ਬਾਨੀ ਕਰਨ ਵਾਲੇ ਦੇਸ਼ਾਂ ਦਾ ਸਮਰਥਨ ਕਰੇ, ਕਿਉਂਕਿ ਫੰਡਾਂ ਦੀ ਘਾਟ ਕਾਰਨ ਸੈਂਕੜੇ ਲੋਕ ਅਸੁਰੱਖਿਅਤ ਰਹਿਣਗੇ, ਅਤੇ ਮਾਣ-ਸਤਿਕਾਰ ਵਾਲੇ ਜੀਵਨ ਨੂੰ ਬਣਾਉਣ ਲਈ ਕੁਝ ਵਿਕਲਪ ਹੋਣਗੇ।
