9.14C Vancouver 9.14C VancouverJul 1, 2022 12:20 AM - The Canadian Press
ਫੈਡਰਲ ਐਮਰਜੈਂਸੀ ਪ੍ਰਿਪੇਅਰਡਨੈਸ ਮੰਤਰੀ, ਬਿਲ ਬਲੇਅਰ ਦਾ ਕਹਿਣਾ ਹੈ ਕਿ ਔਟਵਾ ਵੱਲੋਂ ਇੱਕ ਵਾਰ ਫਿਰ ਤੋਂ ਬੀ.ਸੀ. ਦੇ ਪਿੰਡ ਲਿਟਨ ਲਈ ਸਹਿਯੋਗ ਦਾ ਭਰੋਸਾ ਦਵਾਇਆ ਜਾ ਰਿਹਾ ਹੈ।
ਇਲਾਕੇ 'ਚ ਲੱਗੀ ਭਿਆਨਕ ਅੱਗ ਸੰਬੰਧੀ ਇੱਕ ਸਾਲ ਪੂਰਾ ਹੋਣ 'ਤੇ ਇਹ ਭਰੋਸਾ ਦਵਾਇਆ ਜਾ ਰਿਹਾ ਹੈ।
ਬੀਤੇ ਸਾਲ ਜੂਨ 'ਚ ਇਸ ਪਿੰਡ 'ਚ ਲੱਗੀ ਅੱਗ ਦੌਰਾਨ ਪਿੰਡ ਦਾ 90% ਇਲਾਕਾ ਨਸ਼ਟ ਹੋ ਗਿਆ ਸੀ।
ਬਲੇਅਰ ਨੇ ਇਸ ਮੌਕੇ ਇਲਾਕੇ 'ਚ ਬੀਤੇ ਇੱਕ ਸਾਲ ਦੌਰਾਨ ਸੇਵਾਵਾਂ ਨਿਭਾਉਣ ਵਾਲੇ ਫਰਸਟ ਰਿਸਪਾਂਡਰਸ, ਵੋਲੰਟੀਅਰਸ ਅਤੇ ਕਮਿਊਨਿਟੀ ਮੈਂਬਰਾਂ ਦਾ ਵੀ ਧੰਨਵਾਦ ਕੀਤਾ ਹੈ।
ਫੈਡਰਲ ਸਰਕਾਰ ਨੇ ਇਸੇ ਮਹੀਨੇ ਇਲਾਕੇ ਦੀ ਮੁੜ ਉਸਾਰੀ ਲਈ $77 ਮਿਲੀਅਨ ਦੀ ਫੰਡਿੰਗ ਦਾ ਐਲਾਨ ਕੀਤਾ ਹੈ।
ਇਸ ਫੰਡਿੰਗ ਆਸਰੇ ਫਾਇਰ ਰਿਜਿਸਟੈਂਟ ਅਤੇ ਐਨਰਜੀ ਐਫੀਸ਼ਿਐਂਟ ਕਮਿਊਨਿਟੀ ਸਥਾਪਿਤ ਕਰਨ ਦੀ ਗੱਲ ਆਖੀ ਹੈ।
ਬੀ.ਸੀ. ਦੇ ਪਬਲਿਕ ਸੇਫਟੀ ਮੰਤਰੀ ਮਾਈਕ ਫਾਰਨਵਰਥ ਦਾ ਕਹਿਣਾ ਹੈ ਕਿ ਅਗਲੇ ਸਾਲ ਇਸੇ ਸਮੇਂ ਤਕ ਇਲਾਕੇ 'ਚ ਬਹੁਤ ਸਾਰੇ ਘਰ ਅਤੇ ਮਿਊਨਿਸਿਪਲ ਇੰਫ੍ਰਾਸਟਰਕਚਰ ਉਸਾਰੇ ਜਾਣ ਦੀ ਆਸ ਹੈ।
