12.45C Vancouver 12.45C VancouverJul 9, 2025 3:42 PM - The Canadian Press
ਕੈਨੇਡੀਅਨ ਮਾਪਿਆਂ ਨੂੰ ਚਾਈਲਡ ਕੇਅਰ ਵਾਸਤੇ ਪ੍ਰਤੀ ਦਿਨ ਦਾ ਖ਼ਰਚ $10 ਤੱਕ ਆਉਣ ਲਈ ਲੰਮਾ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ। ਇਹ ਸਥਿਤੀ ਪ੍ਰਮੁੱਖ ਤੌਰ 'ਤੇ ਐਲਬਰਟਾ, ਬੀ.ਸੀ., ਓਨਟਾਰੀਓ, ਨੋਵਾ ਸਕੋਸ਼ੀਆ ਅਤੇ ਨਿਊ ਬਰੰਜ਼ਵਿਕ ਵਿਚ ਹੋਵੇਗੀ।
ਕੈਨੇਡੀਅਨ ਸੈਂਟਰ ਫਾਰ ਪਾਲਿਸੀ ਅਲਟਰਨੇਟਿਵਜ਼ ਨੇ ਅੱਜ ਜਾਰੀ ਰਿਪੋਰਟ ਵਿਚ ਕਿਹਾ ਹੈ ਕਿ ਕੈਨੇਡਾ ਸਰਕਾਰ ਚਾਈਲਡ ਕੇਅਰ ਖ਼ਰਚ ਨੂੰ 2026 ਤੱਕ 10 ਡਾਲਰ ਪ੍ਰਤੀ ਦਿਨ ਤੱਕ ਲਿਆਉਣ ਦੀ ਡੈਡਲਾਈਨ ਤੋਂ ਖੁੰਝ ਜਾਵੇਗੀ।
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਹੁਣ ਤੱਕ ਸਿਰਫ਼ ਛੇ ਸੂਬੇ ਅਤੇ ਇਲਾਕੇ ਹੀ ਇਸ ਫੀਸ ਦੇ ਟੀਚੇ ਨੂੰ ਪੂਰਾ ਕਰ ਰਹੇ ਹਨ। ਰਿਪੋਰਟ ਦੇ ਅਰਥਸ਼ਾਸਤਰੀ ਡੇਵਿਡ ਮੈਕਡੋਨਲਡ ਨੇ ਕਿਹਾ ਕਿ ਭਾਵੇਂ ਹਰ ਜਗ੍ਹਾ ਚਾਈਲਡ ਕੇਅਰ ਫੀਸਾਂ ਵਿਚ ਕਾਫ਼ੀ ਗਿਰਾਵਟ ਆਈ ਹੈ ਪਰ ਫੈਡਰਲ ਸਰਕਾਰ ਵਲੋਂ ਆਪਣੇ ਮਿੱਥੇ ਗਏ ਟੀਚੇ ਨੂੰ ਤੈਅ ਸਮਾਂ ਸੀਮਾ ਵਿਚ ਪੂਰਾ ਕਰਨ ਦੀ ਸੰਭਾਵਨਾ ਘੱਟ ਹੈ।
ਉਨ੍ਹਾਂ ਕਿਹਾ ਕਿ ਇਹ ਗੱਲ ਤੈਅ ਹੈ ਕਿ 2026 ਦੀ ਸਮਾਂ-ਸੀਮਾ ਨਿਕਲਣ ਤੋਂ ਬਾਅਦ ਵੀ ਪੰਜ ਸੂਬਿਆਂ ਦੇ ਬਹੁਤ ਸਾਰੇ ਮਾਪੇ - ਬੱਚਿਆਂ ਦੀ ਦੇਖਭਾਲ ਲਈ ਪ੍ਰਤੀ ਦਿਨ $10 ਤੋਂ ਵੱਧ ਦਾ ਭੁਗਤਾਨ ਕਰ ਰਹੇ ਹੋਣਗੇ।
