20.77C Vancouver 20.77C VancouverMar 4, 2024 8:11 PM - The Canadian Press
ਇਮੀਗ੍ਰੇਸ਼ਨ ਮਿਨਿਸਟਰ ਮਾਰਕ ਮਿਲਰ ਨੇ ਕਿਊਬਿਕ ਵਿਚ ਆਪਣੇ ਪਰਿਵਾਰਾਂ ਕੋਲ ਜਾਣ ਦੀ ਉਡੀਕ ਕਰ ਰਹੇ 20,000 ਤੋਂ ਵੱਧ ਲੋਕਾਂ ਨੂੰ ਸਥਾਈ ਨਿਵਾਸ ਪਰਮਿਟ ਜਾਰੀ ਕਰਨ ਦੀ ਘੋਸ਼ਣਾ ਕੀਤੀ ਹੈ।
ਮਿਲਰ ਨੇ ਕਿਹਾ ਕਿ ਫੈਡਰਲ ਸਰਕਾਰ ਵਲੋਂ ਕਿਊਬਿਕ ਦੇ ਸਵੈ ਲਗਾਏ ਕੈਂਪ ਦੀ ਪਰਵਾਹ ਨਹੀਂ ਕੀਤੀ ਜਾਵੇਗੀ, ਜਿਸ ਨੇ ਪਰਿਵਾਰ ਪੁਨਰ ਏਕੀਕਰਨ ਪ੍ਰੋਗਰਾਮ ਤਹਿਤ ਪੀ. ਆਰ. ਨੂੰ ਪ੍ਰਤੀ ਸਾਲ ਲਗਭਗ 10,000 ਅਰਜ਼ੀਆਂ ਤੱਕ ਸੀਮਿਤ ਕੀਤਾ ਹੈ।
ਇਮੀਗ੍ਰੇਸ਼ਨ ਮਿਨਿਸਟਰ ਨੇ ਕਿਹਾ ਕਿ ਬਹੁਤ ਸਾਰੇ ਪਤੀ-ਪਤਨੀ, ਮਾਂ-ਪਿਓ, ਦਾਦਾ-ਦਾਦੀ ਸੂਬੇ ਵਿਚ ਆਪਣੇ ਪਰਿਵਾਰਾਂ ਨਾਲ ਜੁੜਨ ਦਾ ਇੰਤਜ਼ਾਰ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਮੇਰੇ ਲਈ ਇਹ ਸਮਾਜਿਕ ਨਿਆਂ ਦਾ ਸਵਾਲ ਹੈ।
ਮਿਲਰ ਨੇ ਕਿਹਾ ਕਿ ਉਨ੍ਹਾਂ ਕਈ ਮਹੀਨਿਆਂ ਤੋਂ ਕਿਊਬੈਕ ਦੇ ਇਮੀਗ੍ਰੇਸ਼ਨ ਮੰਤਰੀ ਨੂੰ ਕੈਂਪ ਹਟਾਉਣ ਅਤੇ ਵਧੇਰੇ ਲੋਕਾਂ ਨੂੰ ਸੂਬੇ ਵਿੱਚ ਦਾਖਲ ਹੋਣ ਦੀ ਆਗਿਆ ਦੇਣ ਲਈ ਅਪੀਲ ਕੀਤੀ ਹੈ ਪਰ ਹੁਣ ਉਹ ਉਡੀਕ ਕਰਦੇ-ਕਰਦੇ ਥੱਕ ਗਏ ਹਨ। ਗੌਰਤਲਬ ਹੈ ਕਿ ਔਟਵਾ ਦਾ ਇਹ ਕਦਮ ਕਿਊਬਿਕ ਸਰਕਾਰ ਨਾਲ ਉਸ ਦਾ ਤਣਾਅ ਪੈਦਾ ਕਰ ਸਕਦਾ ਹੈ।
