19.39C Vancouver 19.39C VancouverMar 4, 2024 1:36 PM - The Connect News
ਪਾਕਿਸਤਾਨ ਵਿਚ ਨਵੀਂ ਸਰਕਾਰ ਬਣ ਗਈ ਹੈ। ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਦੇ ਛੋਟੇ ਭਰਾ ਸ਼ਾਹਬਾਜ਼ ਸ਼ਰੀਫ ਨੇ ਸੋਮਵਾਰ ਨੂੰ 24ਵੇਂ ਪ੍ਰਧਾਨ ਮੰਤਰੀ ਵਜੋਂ ਸਹੁੰ ਚੁੱਕੀ। ਸ਼ਾਹਬਾਜ਼ ਸਰਕਾਰ ਬਿਲਾਵਲ ਭੁੱਟੋ ਦੀ ਪਾਕਿਸਤਾਨ ਪੀਪਲਜ਼ ਪਾਰਟੀ, ਮੁਤਾਹਿਦਾ ਕੌਮੀ ਮੂਵਮੈਂਟ-ਪਾਕਿਸਤਾਨ ਅਤੇ ਇਸਤੇਕਮ-ਏ-ਪਾਕਿਸਤਾਨ ਪਾਰਟੀ ਦੇ ਸਮਰਥਨ ਨਾਲ ਬਣੀ।
ਪਾਕਿਸਤਾਨ ਵਿਚ ਹੁਣ 9 ਮਾਰਚ ਨੂੰ ਰਾਸ਼ਟਰਪਤੀ ਚੋਣਾਂ ਹੋਣੀਆਂ ਹਨ। ਸ਼ਾਹਬਾਜ਼ ਸ਼ਰੀਫ ਦੀ ਗਠਜੋੜ ਸਰਕਾਰ ਨੇ ਮਿਲ ਕੇ ਆਸਿਫ਼ ਅਲੀ ਜ਼ਰਦਾਰੀ ਨੂੰ ਆਪਣਾ ਰਾਸ਼ਟਰਪਤੀ ਉਮੀਦਵਾਰ ਐਲਾਨਿਆ ਹੈ, ਜਦੋਂ ਕਿ ਇਮਰਾਨ ਸਮਰਥਕਾਂ ਦੇ ਸੁੰਨੀ ਇਤੇਹਾਦ ਕੌਂਸਲ ਨੇ ਮਹਿਮੂਦ ਖਾਨ ਨੂੰ ਉਮੀਦਵਾਰ ਬਣਾਇਆ ਹੈ।
ਗੌਰਤਲਬ ਹੈ ਕਿ ਸ਼ਾਹਬਾਜ਼ ਸ਼ਰੀਫ ਨੇ ਸੱਤਾ ਉਦੋਂ ਸੰਭਾਲੀ ਹੈ ਜਦੋਂ ਪਾਕਿਸਤਾਨ ਦੀ ਅਰਥਵਿਵਸਥਾ ਮਾੜੇ ਦੌਰ ਵਿਚੋਂ ਲੰਘ ਰਹੀ ਹੈ ਅਤੇ ਆਈ.ਐੱਮ.ਐੱਫ. ਨੇ ਨਵੀਂ ਸਰਕਾਰ ਨੂੰ ਭੋਜਨ, ਦਵਾਈਆਂ, ਪੈਟਰੋਲੀਅਮ ਉਤਪਾਦ ਅਤੇ ਸਟੇਸ਼ਨਰੀ ’ਤੇ 18 ਟੈਕਸ ਲਾਗੂ ਕਰਨ ਦੀ ਸਿਫਾਰਸ਼ ਕੀਤੀ ਹੈ।
ਰਿਪੋਰਟਸ ਦਾ ਕਹਿਣਾ ਹੈ ਕਿ ਪਾਕਿਸਤਾਨ ਆਉਣ ਵਾਲੇ ਦਿਨਾਂ ਵਿਚ ਆਈ.ਐੱਮ.ਐੱਫ. ਕੋਲੋਂ ਵੱਡੇ ਬੇਲਆਉਟ ਪੈਕੇਜ ਦੀ ਮੰਗ ਕਰ ਸਕਦਾ ਹੈ।
