9.98C Vancouver 9.98C VancouverJan 8, 2024 7:02 PM - The Associated Press
ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਦਾ ਚੋਣ ਲੜਨ ਦਾ ਰਸਤਾ ਸਾਫ ਹੋ ਗਿਆ ਹੈ। ਉਥੋਂ ਦੀ ਸੁਪਰੀਮ ਕੋਰਟ ਨੇ 2024 ਦੀਆਂ ਜਨਰਲ ਇਲੈਕਸ਼ਨਸ ਹੋਣ ਤੋਂ ਇੱਕ ਮਹੀਨਾ ਪਹਿਲਾਂ ਉਸ ਕਾਨੂੰਨ ਨੂੰ ਸਮਾਪਤ ਕਰ ਦਿੱਤਾ ਹੈ ਜਿਸ ਤਹਿਤ ਦੋਸ਼ੀ ਪਾਏ ਗਏ।
ਕਾਨੂੰਨ ਨਿਰਮਾਤਾ ਦੇ ਇਲੈਕਸ਼ਨ ਲੜਨ ’ਤੇ ਲਾਈਫ ਟਾਈਮ ਬੈਨ ਲਗਾਉਣਾ ਸ਼ਾਮਲ ਸੀ। ਸੁਪਰੀਮ ਕੋਰਟ ਦੇ ਤਾਜ਼ਾ ਫ਼ੈਸਲੇ ਤੋਂ ਬਾਅਦ ਨਵਾਜ਼ ਸ਼ਰੀਫ਼ ’ਤੇ ਲੱਗਾ ਲਾਈਫਟਾਈਮ ਬੈਨ ਸਮਾਪਤ ਹੋ ਗਿਆ ਹੈ। ਇਸਤੇਹਕਮ-ਏ-ਪਾਕਿਸਤਾਨ ਦੇ ਲੀਡਰ ਜਹਾਂਗੀਰ ਤਰੀਨ ਨੂੰ ਵੀ ਇਸੇ ਕਾਨੂੰਨ ਤਹਿਤ ਅਯੋਗ ਕਰਾਰ ਦਿੱਤਾ ਗਿਆ ਸੀ ਅਤੇ ਉਨ੍ਹਾਂ ਨੂੰ ਵੀ ਇਲੈਕਸ਼ਨ ਲੜਨ ਦੀ ਮਨਜ਼ੂਰੀ ਮਿਲ ਗਈ।
ਇਸ ਦੇ ਨਾਲ ਹੀ ਨਵਾਜ਼ ਸ਼ਰੀਫ ਅਤੇ ਜਹਾਂਗੀਰ ਤਰੀਨ ਨੇ ਆਗਾਮੀ ਇਲੈਕਸ਼ਨਸ ਵਿਚ ਹਿੱਸਾ ਲੈਣ ਦਾ ਐਲਾਨ ਕਰਦੇ ਹੋਏ ਆਪਣੇ ਨਾਮਜ਼ਦਗੀ ਪੱਤਰ ਦਾਖਲ ਕਰ ਦਿੱਤੇ ਹਨ।
ਗੌਰਤਲਬ ਹੈ ਕਿ ਤਿੰਨ ਵਾਰ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਰਹੇ ਨਵਾਜ਼ ਸ਼ਰੀਫ ਭ੍ਰਿਸ਼ਟਾਚਾਰ ਦੇ ਦੋਸ਼ ਵਿਚ 14 ਸਾਲ ਦੀ ਸਜ਼ਾ ਸੁਣਾਏ ਜਾਣ ਤੋਂ ਬਾਅਦ ਡਾਕਟਰੀ ਇਲਾਜ ਕਰਵਾਉਣ ਦੇ ਬਹਾਨੇ 2019 ਵਿਚ ਲੰਡਨ ਚਲੇ ਗਏ ਸਨ ਅਤੇ ਦੁਬਾਰਾ ਪਾਕਿਸਤਾਨ ਵਿਚ ਪੈਰ ਨਹੀਂ ਰੱਖੇ ਸਨ। ਪਿਛਲੇ ਸਾਲ ਹੀ ਉਨ੍ਹਾਂ ਦੇਸ਼ ਵਿਚ ਵਾਪਸੀ ਕੀਤੀ।
