ਪੈਂਥਰਸ ਨੇ ਆਇਲਰਜ਼ ਨੂੰ ਹਰਾ ਕੇ ਸਟੈਨਲੀ ਕੱਪ ਦਾ ਖਿਤਾਬ ਦੂਜੀ ਵਾਰ ਕੀਤਾ ਆਪਣੇ ਨਾਂਅ

ਫਲੋਰੀਡਾ ਪੈਂਥਰਸ ਨੇ ਮੰਗਲਵਾਰ ਰਾਤ ਫਾਈਨਲ ਦੀ ਛੇਵੀਂ ਗੇਮ ਵਿਚ ਐਡਮਿੰਟਨ ਆਇਲਰਜ਼ ਨੂੰ 5-1 ਨਾਲ ਹਰਾ ਕੇ ਸਟੈਨਲੀ ਕੱਪ ਦਾ ਖਿਤਾਬ ਲਗਾਤਾਰ ਦੂਜੀ ਵਾਰ ਆਪਣੇ ਨਾਂ ਕੀਤਾ ਹੈ। ਪੈਂਥਰਸ ਵਲੋਂ ਸੈਮ ਰੇਨਹਾਰਟ ਨੇ ਚਾਰ ਗੋਲ ਕੀਤੇ ਜੋ ਕਿ ਲੀਗ ਦੇ ਇਤਿਹਾਸ ਵਿਚ ਫਾਈਨਲ ਦੇ ਇੱਕ ਮੈਚ ਵਿਚ ਇੰਨੇ ਗੋਲ ਕਰਨ ਵਾਲਾ ਚੌਥਾ ਖਿਡਾਰੀ ਹੈ। ਉਥੇ ਹੀ,ਆਇਲਰਜ਼ ਵਲੋਂ ਸਿਰਫ ਵੈਸੀਲੀ ਪੋਡਕੋਲਜ਼ਿਨ ਇੱਕ ਗੋਲ ਕਰਨ ਵਿਚ ਸਫਲ ਰਹੇ।

ਫਲੋਰੀਡਾ ਪੈਂਥਰਸ ਦੇ ਕਪਤਾਨ ਅਲੈਗਜ਼ੈਂਡਰ ਬਾਰਕੋਵ ਸਟੈਨਲੀ ਕੱਪ ਹਾਸਲ ਕਰਦਿਆਂ ਆਪਣੀ ਸ਼ਾਨਦਾਰ ਜਿੱਤ ਲਈ ਖੁਸ਼ੀ ਸਾਂਝੀ ਕੀਤੀ।ਆਇਲਰਜ਼ ਦੇ ਹਾਰਨ ਨਾਲ ਫੈਨਜ਼ ਨਿਰਾਸ਼ ਹਨ ਪਰ ਉਨ੍ਹਾਂ ਕਿਹਾ ਕਿ ਖਿਡਾਰੀਆਂ ਨੇ ਆਪਣੀ ਪੂਰੀ ਕੋਸ਼ਿਸ਼ ਕੀਤੀ।

ਓਧਰ,ਪੈਂਥਰਸ ਦੀ ਜਿੱਤ ਨਾਲ ਦੱਖਣੀ ਫਲੋਰੀਡਾ ਵਿਚ ਜਸ਼ਨ ਸ਼ੁਰੂ ਹੋ ਗਏ। ਪੈਂਥਰਸ ਨੇ ਇਸ ਵਾਰ ਦਾ ਸਟੈਨਲੀ ਕੱਪ 4-2 ਦੀ ਲੀਡ ਨਾਲ ਜਿੱਤਿਆ,ਪਿਛਲੇ ਸਾਲ ਟੀਮ ਨੇ ਆਪਣਾ ਪਹਿਲਾ ਖਿਤਾਬ 4-3 ਦੀ ਲੀਡ ਨਾਲ ਜਿੱਤਿਆ ਸੀ।