21.77C Vancouver 21.77C VancouverFeb 4, 2026 3:57 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਦੇ ਕੈਂਪਬੈਲ ਰਿਵਰ ਦੀ ਰਹਿਣ ਵਾਲੀ 19 ਸਾਲਾ ਪਾਈਪਰ ਜੇਮਜ਼ ਦੇ ਮਾਪੇ ਆਸਟ੍ਰੇਲੀਆ ਪਹੁੰਚ ਗਏ ਹਨ। ਉਹ ਉਸ ਸਮੁੰਦਰੀ ਤੱਟ ਦਾ ਦੌਰਾ ਕਰਨ ਗਏ ਹਨ ਜਿੱਥੇ ਉਨ੍ਹਾਂ ਦੀ ਧੀ ਦੀ ਮੌਤ ਹੋਈ ਸੀ। ਪਾਈਪਰ ਦੀ ਮਾਂ ਐਂਜੇਲਾ ਜੇਮਜ਼ ਅਤੇ ਪਿਤਾ ਟੌਡ ਜੇਮਜ਼ ਮੰਗਲਵਾਰ ਨੂੰ ਬ੍ਰਿਸਬੇਨ ਪਹੁੰਚੇ। ਉਨ੍ਹਾਂ ਦਾ ਮਕਸਦ ਆਪਣੀ ਧੀ ਦੀਆਂ ਅਸਥੀਆਂ ਨੂੰ ਵਾਪਸ ਕੈਨੇਡਾ ਲਿਆਉਣਾ ਅਤੇ ਉਸ ਥਾਂ ਨੂੰ ਦੇਖਣਾ ਹੈ ਜਿੱਥੇ ਉਸ ਨੇ ਆਖਰੀ ਪਲ ਬਿਤਾਏ ਸਨ।
ਪਾਈਪਰ ਆਸਟ੍ਰੇਲੀਆ ਦੇ K'gari ਆਈਲੈਂਡ 'ਤੇ ਕੰਮ ਕਰ ਰਹੀ ਸੀ, 19 ਜਨਵਰੀ ਦੀ ਸਵੇਰ ਨੂੰ ਉਹ ਸਮੁੰਦਰ ਵਿਚ ਤੈਰਾਕੀ ਲਈ ਗਈ ਸੀ ਅਤੇ ਬਾਅਦ ਵਿਚ ਉਸ ਦੀ ਲਾਸ਼ 10 ਜੰਗਲੀ ਕੁੱਤਿਆਂ ਦੇ ਝੁੰਡ ਨਾਲ ਘਿਰੀ ਹੋਈ ਮਿਲੀ ਸੀ। ਪੋਸਟਮਾਰਟਮ ਜਾਂਚ ਵਿਚ ਮੌਤ ਦਾ ਮੁੱਖ ਕਾਰਨ ਡੁੱਬਣਾ ਦੱਸਿਆ ਗਿਆ ਸੀ।
ਰਿਪੋਰਟ ਵਿਚ ਪਾਇਆ ਗਿਆ ਕਿ ਉਸ ਦੇ ਸਰੀਰ 'ਤੇ ਕੁੱਤਿਆਂ ਦੇ ਵੱਢਣ ਦੇ ਨਿਸ਼ਾਨ ਮੌਤ ਤੋਂ ਪਹਿਲਾਂ ਅਤੇ ਬਾਅਦ ਦੇ ਸਨ ਪਰ ਇਹ ਇਕੱਲੇ ਮੌਤ ਦਾ ਕਾਰਨ ਨਹੀਂ ਸਨ। ਆਸਟ੍ਰੇਲੀਆਈ ਅਧਿਕਾਰੀਆਂ ਨੇ ਫੈਸਲਾ ਕੀਤਾ ਹੈ ਕਿ ਇਸ ਘਟਨਾ ਵਿਚ ਸ਼ਾਮਲ ਕੁੱਤਿਆਂ ਦੇ ਝੁੰਡ ਨੂੰ ਮਾਰ ਦਿੱਤਾ ਜਾਵੇਗਾ ਕਿਉਂਕਿ ਉਨ੍ਹਾਂ ਦਾ ਵਿਵਹਾਰ ਕਾਫੀ ਹਿੰਸਕ ਹੋ ਗਿਆ ਸੀ।
