17.2C Vancouver 17.2C VancouverDec 3, 2021 8:22 PM - The Canadian Press
ਅਮਰੀਕਾ ਦੇ ਮਿਸ਼ੀਗਨ ਵਿੱਚ ਸਕੂਲ 'ਚ ਵਾਪਰੀ ਗੋਲੀਬਾਰੀ ਦੀ ਘਟਨਾ 'ਚ ਜਿਸ ਟੀਨੇਜਰ 'ਤੇ ਘਟਨਾ ਨੂੰ ਅੰਜਾਮ ਦੇਣ ਦੇ ਦੋਸ਼ ਲੱਗੇ ਹਨ, ਹੁਣ ਉਸ ਦੇ ਮਾਪਿਆਂ 'ਤੇ ਵੀ ਦੋਸ਼ ਲਗਾਏ ਗਏ ਹਨ।
ਇਸ ਟੀਨੇਜਰ ਦੇ ਮਾਪਿਆਂ 'ਤੇ ਇਨਵੋਲੰਟਰੀ ਮੈਨਸਲੌਟਰ ਦੇ ਦੋਸ਼ ਲਗਾਏ ਗਏ ਹਨ।
ਪ੍ਰਾਸੀਕਿਊਟਰ ਕੈਰਨ ਮੈਕਡੌਨਲਡ ਨੇ ਕਿਹਾ ਕਿ ਜੈਨਿਫਰ ਅਤੇ ਜੇਮਸ ਕਰੰਬਲੀ ਨੇ ਬੇਹੱਦ ਗੰਭੀਰ ਗਲਤੀ ਕੀਤੀ ਜਦ ਉਨ੍ਹਾਂ ਈਥਨ ਕਰੰਬਲੀ ਲਈ ਬੰਦੂਕ ਲਈ ਅਤੇ ਉਸ ਬੰਦੂਕ ਨੂੰ ਸੁਰੱਖਿਅਤ ਰੱਖਣ 'ਚ ਨਾਕਾਮ ਰਹੇ।
ਪੁਲਿਸ ਨੇ ਦੱਸਿਆ ਕਿ ਇਹ ਟੀਨੇਜਰ ਬੰਦੂਕ ਲੈਕੇ ਬਾਥਰੂਮ ਦੇ ਵਿੱਚੋਂ ਨਿਕਲਿਆ ਅਤੇ ਹਾਲਵੇਅ 'ਚ ਵਿਦਿਆਰਥੀਆਂ 'ਤੇ ਗੋਲੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ।
ਯਾਦ ਰਹੇ ਇਸ ਘਟਨਾ 'ਚ 4 ਵਿਦਿਆਰਥੀਆਂ ਦੀ ਮੌਤ ਹੋ ਗਈ ਹੈ।
ਮ੍ਰਿਤਕ ਵਿਦਿਆਰਥੀਆਂ 'ਚ 17 ਅਤੇ 16 ਸਾਲ ਦੇ 2 ਲੜਕੇ ਅਤੇ 14 ਅਤੇ 17 ਸਾਲ ਦੀਆਂ 2 ਲੜਕੀਆਂ ਸ਼ਾਮਿਲ ਹਨ।
ਘਟਨਾ 'ਚ 7 ਲੋਕ ਜਖਮੀ ਹੋ ਗਏ ਸਨ।
