18.61C Vancouver 18.61C VancouverSep 24, 2020 4:11 PM -
ਬੁੱਧਵਾਰ ਦੀ ਥਰੋਨ ਸਪੀਚ ਤੋਂ ਬਾਅਦ, ਅੱਜ ਪਾਰਲੀਮੈਂਟ ਦੁਬਾਰਾ ਤੋਂ ਸ਼ੁਰੂ ਹੋ ਗਈ ਹੈ ਅਤੇ ਘੱਟ ਗਿਣਤੀ ਲਿਬਰਲ ਸਰਕਾਰ ਦਾ ਭਵਿੱਖ ਵਿਰੋਧੀ ਪਾਰਟੀਆਂ ਵਲੋਂ ਪਾਈ ਜਾਣ ਵਾਲੀ ‘ਵੋਟ ਆਫ ਕੌਨਫਿਡੈਨਸ’ ਉੱਤੇ ਨਿਰਭਰ ਕਰੇਗਾ।
ਪੱਤਝੜ੍ਹ ਵਿੱਚ ਚੋਣਾਂ ਹੋਣਗੀਆਂ ਜਾਂ ਨਹੀਂ, ਇਹ ਇਸ ਗੱਲ ਉੱਤੇ ਨਿਰਭਰ ਕਰਦਾ ਹੈ ਕਿ ਵਿਰੋਧੀ ਪਾਰਟੀਆਂ ਵਲੋਂ ਟਰੂਡੋ ਨੂੰ ਸਮਰਥਨ ਮਿਲਦਾ ਹੈ ਜਾਂ ਨਹੀਂ।
ਕੰਜ਼ਰਵੇਟਿਵ ਪਾਰਟੀ ਨੇ ਇਸ ਗੱਲ ਵਲ ਪਹਿਲਾਂ ਹੀ ਸੰਕੇਤ ਕਰ ਦਿੱਤਾ ਹੈ ਕਿ ਉਹ ਲਿਬਰਲ ਪਾਰਟੀ ਨੂੰ ਆਪਣਾ ਸਮਰਥਨ ਨਹੀਂ ਦੇਣਗੇ।
ਬਲੌਕ ਕਿਊਬੈਕੁਆ ਨੇ ਟਰੂਡੋ ਸਾਹਮਣੇ ਇਹ ਸ਼ਰਤ ਰੱਖੀ ਹੈ ਕਿ ਉਹ ਟਰੂਡੋ ਨੂੰ ਆਪਣਾ ਸਮਰਥਨ ਓਦੋਂ ਤੱਕ ਨਹੀਂ ਦੇਣਗੇ ਜਦੋਂ ਤੱਕ ਸੂਬਿਆਂ ਵਲੋਂ ਕੀਤੀ ਮੰਗ ‘ਤੇ ਹਰ ਸਾਲ $28 ਬਿਲੀਅਨ ਹੋਰ ਹੈਲਥ ਕੇਅਰ ਲਈ ਟਰਾਂਸਫਰ ਪੇਮੈਂਟਸ ਵਿੱਚ ਦੇਣ ਲਈ ਸਹਿਮਤ ਨਹੀਂ ਹੁੰਦੇ।
ਬਲੌਕ ਲੀਡਰ ਈਵ-ਫਰੌਨਸੁਆ ਬਲੈਨਸ਼ੈਟ ਨੇ ਇਸ ਸ਼ਰਤ ਨੂੰ ਪੂਰਾ ਕਰਨ ਲਈ ਸਰਕਾਰ ਨੂੰ ਇੱਕ ਹਫਤੇ ਦਾ ਸਮਾਂ ਦਿੱਤਾ ਹੈ।
ਐਨ.ਡੀ.ਪੀ. ਸਰਕਾਰ ਨੂੰ ਸਮਰਥਨ ਦੇਣ ਵਾਲੀ ਇਕੱਲੀ ਪਾਰਟੀ ਪ੍ਰਤੀਤ ਹੁੰਦੀ ਹੈ ਪਰ ਐਨ.ਡੀ.ਪੀ.ਦੇ ਲੀਡਰ ਜਗਮੀਤ ਸਿੰਘ ਨੇ ਵੀ ਆਪਣੀਆਂ ਕੁਝ ਸ਼ਰਤਾਂ ਸਾਮਣੇ ਰੱਖੀਆਂ ਹਨ।
ਸਿੰਘ ਦੀ ਮੰਗ ਹੈ ਕਿ ਕੋਵਿਡ-19 ਐਮਰਜੰਸੀ ਬੈਨਿਫਿਟ ਵਧਾਇਆ ਜਾਵੇ ਅਤੇ ਬਿਮਾਰ ਹੋਏ ਮੁਲਾਜ਼ਮਾਂ ਲਈ ‘ਪੇਡ ਸਿੱਕ ਲੀਵ’ ਲਾਜ਼ਮੀ ਕੀਤੀ ਜਾਵੇ।
