11.61C Vancouver 11.61C VancouverOct 14, 2020 3:40 PM -
ਮੰਗਲਵਾਰ ਦੀ ਡਿਬੇਟ ਤੋਂ ਬਾਅਦ ਬ੍ਰਿਟਿਸ਼ ਕੋਲੰਬੀਆ ਦੀਆਂ ਸੂਬਾਈ ਚੋਣਾਂ ਲਈ ਪਾਰਟੀ ਲੀਡਰਾਂ ਵੱਲੋਂ ਪ੍ਰਚਾਰ ਦਾ ਸਿਲਸਿਲਾ ਬੁੱਧਵਾਰ ਤੋਂ ਦੁਬਾਰਾ ਜਾਰੀ ਰਹੇਗਾ।
ਡਿਬੇਟ ਦੌਰਾਨ ਕੋਵਿਡ-19 ਕਾਰਨ ਸਰੀਰਕ ਫਾਸਲੇ ਨੂੰ ਧਿਆਨ ਵਿੱਚ ਰੱਖਦਿਆਂ ਤਿੰਨੋ ਲੀਡਰ ਦੂਰੀ ਤੇ ਖੜ੍ਹੇ ਸਨ।
ਬਹਿਸ ਦੌਰਾਨ ਜ਼ਿਆਦਾਤਰ ਅਸਹਿਮਤੀ ਮਹਾਂਮਾਰੀ ਤੋਂ ਪ੍ਰਭਾਵਿਤ ਅਰਥ ਵਿਵਸਥਾ ਨੂੰ ਹੁੰਗਾਰਾ ਦੇਣ ਅਤੇ ਐਨਰਜੀ ਨੀਤੀਆਂ ਦੇ ਮੁੱਦਿਆਂ ਤੇ ਹੁੰਦੀ ਨਜ਼ਰ ਆਈ।
ਲਿਬਰਲ ਪਾਰਟੀ ਦੇ ਲੀਡਰ ਐਂਡਰਿਊ ਵਿਲਕਨਸਨ ਨੇ ਐਨ.ਡੀ.ਪੀ. ਲੀਡਰ ਜੌਹਨ ਹੋਰਗਨ ਅਤੇ ਉਨ੍ਹਾਂ ਦੀ ਪਾਰਟੀ ਉੱਤੇ $1.5 ਬਿਲੀਅਨ ਦਾ ਸਹਿਯੋਗ ਦੇਰ ਨਾਲ ਉਪਲੱਬਧ ਕਰਵਾਉਣ ਬਾਰੇ ਹਮਲੇ ਕੀਤੇ।
ਹੋਰਗਨ ਨੇ ਲੌਂਗ ਟਰਮ ਕੇਅਰ ਹੋਮਾਂ ਵਿੱਚ ਵਾਇਰਸ ਦੇ ਵਧੇਰੇ ਮਾਮਲਿਆਂ ਦਾ ਸੰਬੰਧ ਤਕਰੀਬਨ ਦੋ ਦਹਾਕੇ ਪਹਿਲਾਂ ਲਿਬਰਲ ਸਰਕਾਰ ਵੱਲੋਂ ਕੀਤੀ ਗਈ ਟੈਕਸਾਂ ਵਿੱਚ ਕਟੌਤੀ ਨੂੰ ਦੱਸਦਿਆਂ ਕਿਹਾ ਕਿ ਉਸ ਫੈਸਲੇ ਕਾਰਨ ਸਿਹਤ ਸੰਭਾਲ ਖੇਤਰ ਵਿੱਚ 10,000 ਨੌਕਰੀਆਂ ਚਲੀਆਂ ਗਈਆਂ ਸਨ, ਜਿਸ ਵਜ੍ਹਾ ਨਾਲ ਅਜਿਹੀਆਂ ਫਸਿਲਿਟੀਆਂ ਵਿਖੇ ਸਟਾਫ਼ ਦੀ ਕਮੀ ਇੱਕ ਵੱਡਾ ਮਸਲਾ ਰਿਹਾ ਹੈ।
ਗ੍ਰੀਨ ਪਾਰਟੀ ਲੀਡਰ, ਸੋਨੀਆ ਫਰਸਟਨੋ ਨੇ ਐਨਰਜੀ ਨੀਤੀ ਬਾਰੇ ਬਾਕੀ ਦੋਵਾਂ ਪਾਰਟੀਆਂ ਨਾਲੋਂ ਵੱਖਰਾ ਪ੍ਰਤੀਕਰਮ ਦਿੰਦਿਆਂ ਪਾਈਪ ਲਾਈਨ ਨਾਲ ਸਬੰਧਤ ਗਲਤ ਫ਼ੈਸਲੇ ਲੈਣ ਅਤੇ ਕਲੀਨ ਐਨਰਜੀ ਸਮੇਂ ਸਿਰ ਨਾਂ ਲੈ ਆਉਣ ਲਈ ਉਨ੍ਹਾਂ ਨੂੰ ਜ਼ਿੰਮੇਵਾਰ ਠਹਿਰਾਇਆ।
