14.87C Vancouver 14.87C VancouverMay 13, 2022 10:17 PM - The Canadian Press
ਕੈਨੇਡਾ ਦੀ ਮਿਨਿਸਟਰ ਆਫ ਇੰਡੀਜਨਸ ਸਰਵਿਸਿਸ ਦਾ ਕਹਿਣਾ ਹੈ ਕਿ ਚੰਗੀ ਗੱਲ ਹੈ ਕਿ ਪੋਪ ਫਰਾਂਸਿਸ ਵੱਲੋਂ ਕੈਨੇਡਾ ਆਉਣ ਦਾ ਵਾਅਦਾ ਪੂਰਾ ਕੀਤਾ ਜਾ ਰਿਹਾ ਹੈ।
ਪੈਟੀ ਹਾਏਡੁ ਦਾ ਕਹਿਣਾ ਹੈ ਕਿ ਪੋਪ ਦੇ ਦੌਰੇ ਦਾ ਸਵਾਗਤ ਹੈ।
ਵੈਟੀਕਨ ਦਾ ਕਹਿਣਾ ਹੈ ਕਿ ਪੋਪ ਫਰਾਂਸਿਸ ਇਸ ਗਰਮੀ ਰੁੱਤੇ ਕੈਨੇਡਾ ਦਾ ਦੌਰਾ ਕਰਨ ਜਾ ਰਹੇ ਹਨ।
ਇਸ ਦੌਰਾਨ ਪੋਪ ਫਰਾਂਸਿਸ ਕਿਹੜੀ-ਕਿਹੜੀ ਜਗ੍ਹਾ ਦੀ ਫੇਰੀ ਕਰਨਗੇ, ਇਸ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਵੈਟੀਕਨ ਦਾ ਕਹਿਣਾ ਹੈ ਕਿ ਪੋਪ ਫਰਾਂਸਿਸ ਵੱਲੋਂ ਐਲਬਰਟਾ, ਕਿਊਬੈਕ ਅਤੇ ਨੁਨਾਵੁਤ ਦੀ ਫੇਰੀ ਕੀਤੀ ਜਾਵੇਗੀ।
24 ਜੁਲਾਈ ਤੋਂ 29 ਜੁਲਾਈ ਵਿਚਾਲੇ ਦੇ ਦੌਰੇ ਦੌਰਾਨ ਪੋਪ ਫਰਾਂਸਿਸ ਐਡਮਿੰਟਨ, ਕਿਊਬੈਕ ਸਿਟੀ ਅਤੇ ਇਕਵਾਲੁਟ ਦੀ ਫੇਰੀ ਕਰਨਗੇ।
ਯਾਦ ਰਹੇ ਇਹ ਦੌਰਾ ਪੋਪ ਫਰਾਂਸਿਸ ਦੀ ਇਤਿਹਾਸਿਕ ਅਪੌਲੋਜੀ ਤੋਂ ਬਾਅਦ ਹੋਣ ਜਾ ਰਿਹਾ ਹੈ।
ਬੀਤੇ ਮਹੀਨੇ ਪੋਪ ਫਰਾਂਸਿਸ ਨੇ ਕੈਨੇਡਾ ਦੇ ਰੈਜ਼ੀਡੈਂਸ਼ੀਅਲ ਸਕੂਲਾਂ 'ਚ ਰੋਮਨ ਕੈਥੋਲਿਕ ਚਰਚ ਦੀ ਭੂਮਿਕਾ ਲਈ ਮੁਆਫੀ ਮੰਗੀ ਸੀ।
ਪੋਪ ਫਰਾਂਸਿਸ ਦੇ ਦੌਰੇ ਤੋਂ ਪਹਿਲਾਂ ਹੀ ਸਵਾਲ ਵੀ ਉੱਠਣ ਲੱਗੇ ਹਨ ਕਿ ਇਸ ਫੇਰੀ ਦੌਰਾਨ ਕੈਮਲੂਪਸ ਦਾ ਦੌਰਾ ਕਿਉਂ ਨਹੀਂ ਕੀਤਾ ਜਾ ਰਿਹਾ।
ਇਸ ਇਲਾਕੇ 'ਚ ਸਥਿਤ ਸਾਬਕਾ ਰੈਜ਼ੀਡੈਂਸ਼ੀਅਲ ਸਕੂਲ 'ਚ ਕਰੀਬ 14 ਮਹੀਨੇ ਪਹਿਲਾਂ 215 ਅਨਮਾਰਕਡ ਗਰੇਵਸ ਮਿਲੇ ਸਨ।
ਹਾਲਾਂਕਿ ਪੈਟੀ ਹਾਏਡੁ ਦਾ ਕਹਿਣਾ ਹੈ ਕਿ ਪੋਪ ਆਪਣੇ ਦੌਰੇ ਦੌਰਾਨ ਕਿਹੜੀ-ਕਿਹੜੀ ਜਗ੍ਹਾ 'ਤੇ ਜਾਣਾ ਚਾਹੁੰਦੇ ਹਨ, ਇਸ ਸੰਬੰਧੀ ਫੈਡਰਲ ਸਰਕਾਰ ਕੋਈ ਦਖਲ ਨਹੀਂ ਦਵੇਗੀ।
ਇਸੇ ਵਿਚਾਲੇ ਕਨੇਡੀਅਨ ਕਾਨਫਰੰਸ ਆਫ ਕੈਥੋਲਿਕ ਬਿਸ਼ਪਸ ਦਾ ਕਹਿਣਾ ਹੈ ਕਿ ਪੋਪ ਫਰਾਂਸਿਸ ਦੇ ਕਿਸੇ ਰੈਜ਼ੀਡੈਂਸ਼ੀਅਲ ਸਕੂਲ 'ਤੇ ਵੀ ਪਹੁੰਚ ਕਰਨ ਦੀ ਆਸ ਹੈ ਪਰ ਉਹ ਕਿਹੜੇ ਸਕੂਲ ਦਾ ਦੌਰਾ ਕਰਨਗੇ, ਇਸ ਸੰਬੰਧੀ ਫਿਲਹਾਲ ਜਾਣਕਾਰੀ ਨਹੀਂ ਹੈ।
