14.98C Vancouver 14.98C VancouverJan 27, 2022 11:10 PM - The Canadian Press
ਔਟਵਾ ਵੱਲ ਵਧ ਰਹੇ ਟਰੱਕਰਸ ਦੇ ਕਾਫਿਲੇ ਬਾਰੇ ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਗੱਲਬਾਤ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਟਰੱਕਰਸ ਦੇ ਕਾਫਿਲੇ ਨੂੰ ਧਿਆਨ ਦੇਣਾ ਚਾਹੀਦਾ ਹੈ ਕਿ ਇਹ ਪ੍ਰਦਰਸ਼ਨ ਸ਼ਾਂਤਮਈ ਢੰਗ ਨਾਲ ਕੀਤੇ ਜਾਣ।
ਯਾਦ ਰਹੇ ਇਹ ਬਿਆਨ ਉਸ ਵੇਲੇ ਦਿੱਤਾ ਗਿਆ ਹੈ ਜਦ ਅਜਿਹੀਆਂ ਰਿਪੋਰਟਸ ਉਜਾਗਰ ਹੋ ਰਹੀਆਂ ਹਨ ਕਿ ਇਨ੍ਹਾਂ ਪ੍ਰਦਰਸ਼ਨਾਂ ਦੌਰਾਨ ਹਿੰਸਾ ਭੜਕ ਸਕਦੀ ਹੈ।
ਯਾਦ ਰਹੇ ਕੰਜ਼ਰਵੇਟਿਵ ਫਾਈਨੈਂਸ ਕ੍ਰਿਟਿਕ, ਪੀਅਰ ਪੌਲੀਐਵਰ ਨੇ ਇਸ ਟਰੱਕਰਸ ਦੇ ਕਾਫਿਲੇ ਦੇ ਪੱਖ 'ਚ ਆਵਾਜ਼ ਬੁਲੰਦ ਕੀਤੀ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਕੁਝ ਲੋਕਾਂ ਵੱਲੋਂ ਪੇਸ਼ ਕੀਤੀਆਂ ਗਈਆਂ ਐਕਸਟਰੀਮਿਸਟ ਟਿੱਪਣੀਆਂ ਨੂੰ ਪੂਰੇ ਈਵੈਂਟ ਦਾ ਪਰਛਾਵਾਂ ਨਾ ਸਮਝਿਆ ਜਾਵੇ।
ਇਹ ਟਿੱਪਣੀਆਂ ਉਸ ਵੇਲੇ ਕੀਤੀਆਂ ਗਈਆਂ ਹਨ ਜਦ ਚਿੰਤਾ ਪ੍ਰਗਟਾਈ ਗਈ ਹੈ ਕਿ ਕੁਝ ਐਕਸਟਰੀਮਿਸਟ ਗਰੁੱਪਸ ਦੇ ਮੈਂਬਰ ਇਸ ਕਾਫਿਲੇ 'ਚ ਸ਼ਾਮਿਲ ਹੋ ਗਏ ਹਨ।
ਇਹ ਕਾਫਿਲਾ ਸ਼ਨੀਵਾਰ ਨੂੰ ਪਾਰਲੀਅਮੈਂਟ ਹਿਲ ਪਹੁੰਚ ਰਿਹਾ ਹੈ।
ਇਨ੍ਹਾਂ ਚਾਲਕਾਂ ਵੱਲੋਂ ਉਨ੍ਹਾਂ ਮੈਂਡੇਟਸ ਦਾ ਵਿਰੋਧ ਕੀਤਾ ਜਾ ਰਿਹਾ ਹੈ ਜਿਸ ਤਹਿਤ ਅਨਵੈਕਸੀਨੇਟਿਡ ਟਰੱਕ ਚਾਲਕਾਂ ਨੂੰ ਅਮਰੀਕਾ ਤੋਂ ਕੈਨੇਡਾ ਪਰਤਦੇ ਹੋਏ ਕੁਆਰੰਟੀਨ ਕਰਨਾ ਪਵੇਗਾ।
ਇਸ ਪ੍ਰਦਰਸ਼ਨ ਦਾ ਪ੍ਰਬੰਧ ਕਰਨ ਵਾਲੇ ਗਰੁੱਪ, ਕੈਨੇਡਾ ਯੂਨਿਟੀ ਦਾ ਕਹਿਣਾ ਹੈ ਕਿ ਗਵਰਨਰ ਜਨਰਲ ਅਤੇ ਸੈਨੇਟ ਨੂੰ ਇੱਕ ਕਮੇਟੀ ਬਣਾਉਣੀ ਚਾਹੀਦੀ ਹੈ ਜੋ ਕਿ ਕੋਵਿਡ-19 ਸੰਬੰਧੀ ਪਬੰਦੀਆਂ ਅਤੇ ਵੈਕਸੀਨ ਪਾਸਪੋਰਟ ਨੂੰ ਰੱਦ ਕਰਨ 'ਤੇ ਵਿਚਾਰ ਕਰੇ।
